TEXT hjá Kuckei + Kuckei í Berlín

Libia Castro / Ólafur Ólafsson, ....ITNARAGON..., 2003
Textintervention Platform Garanti CAC, Istanbul

Kuckei + Kuckei
kynnir


TEXT

Birgir Andrésson, Dieter Roth, Guðný Rósa Ingimarsdóttir, Haraldur Jónsson, Hlynur Hallsson, Hreinn Friðfinnsson, Jóna Hlíf Halldórsdóttir, Jón Laxdal Halldórsson, Karin Sander, Karlotta Blöndal, Knut Eckstein, Kristján Guðmundsson, Lawrence Weiner, Libia Castro / Ólafur Ólafsson, Margrét H. Blöndal, Roni Horn, Sigurður Guðmundsson, Unnar Örn Auðarson

15. Október – 17. Desember 2011
October 15 – December 17, 2011


Opnun / opening reception / Laugardag, 15. Október, kl. 19 - 21




TEXT


Því er stundum haldið fram að Íslendingar séu bókmenntaþjóð eins og fornsögurnar, Edda og flestar útgefnar bækur á haus gefa til kynna. Útnefning Reykjavíkur sem bókmenntaborg UNESCO nú í sumar undirstrikar þetta. Í ár er Ísland einnig heiðursgestur á bókakaupstefnunni í Frankfurt sem fer fram 12. - 16. október. Textar hafa einnig verið áberandi í myndlist íslenskra myndlistarmanna. Það sama má segja um erlenda myndlistarmenn sem tengjast Íslandi sterkum böndum og hafa verið áhrifavaldar í íslenskri myndlist. Mörg dæmi eru svo aftur um það að íslenskir myndlistarmenn skrifi einnig bækur. Því verður hinsvegar seint haldið fram að Íslendingar séu myndlistarþjóð enda saga íslenskrar myndlistar stutt, en þó hefur íslensk myndlist verið nokkuð áberandi á alþjóðavettvangi undanfarin ár.


Á sýningunni TEXT hafa verið valdir saman 19 íslenskir og erlendir listamenn sem vinna mikið með texta. Þeir fara ólíkar og fjölbreyttar leiðir við notkun á textum í verkum sínum. Stundum er textinn í forgrunni og stundum er dýpra á hann. Stundum er um beinar tilvísanir í bókmenntir að ræða t.d. kemur eini íslenski nóbelsverðlaunahafinn í bókmenntum, Halldór Laxnes, fyrir í verkum tveggja listamanna, þeirra Roni Horn og Kristjáns Guðmundssonar. Í öðrum verkum eru textarnir minna bókmenntalegir eða tengdir bókmenntum. Listamennirnir 19 hafa ólíkan og breiðan bakgrunn og vinna á afar mismunandi hátt, en eiga að minnsta kosti einn þátt sameiginlegan, þau vinna öll með texta. Elsta verkið á sýningunni er frá árinu 1968, en þau nýjustu eru gerð sérstaklega fyrir þessa sýningu.

Listamennirnir sem eiga verk á sýningunni eru: Birgir Andrésson (1955-2007), Dieter Roth (1930-1998), Guðný Rósa Ingimarsdóttir (f. 1969), Haraldur Jónsson (f. 1961), Hlynur Hallsson (f. 1968), Hreinn Friðfinnsson (f. 1943), Jóna Hlíf Halldórsdóttir (f. 1978), Jón Laxdal Halldórsson (f. 1950), Karin Sander (f. 1957), Karlotta Blöndal (f. 1973), Knut Eckstein (f. 1968), Kristján Guðmundsson (f. 1941), Lawrence Weiner (f. 1942), Libia Castro / Ólafur Ólafsson (f. 1970 / f. 1973), Margrét H. Blöndal (f. 1970), Roni Horn (f. 1955), Sigurður Guðmundsson (f. 1942) og Unnar Örn Auðarson (f. 1974).

Sýningarstjóri er Hlynur Hallsson. Sýningin mun halda áfram í öðru formi í Listasafni Íslands í janúar 2012.  Þakkir til eftirtalinna aðila fyrir aðstoð við gerð sýningarinnar: Gallerí i8, Nýlistasafnið og Listasafn Íslands.

Kuckei + Kuckei

Linienstr. 158
D - 10115 Berlin

phone:  [phone]
fax:    [phone]

www.kuckei-kuckei.de

Læsi í Nýlistasafninu | Literacy at the Living Art Museum

Það er venja að bækur innihaldi texta, við göngum að því vísu í flestum tilfellum. Það er að sama skapi venja að horfa á myndir út frá formskynjun og hluti út frá rýmiskennd. Allt getur þetta skarast þannig að bækur höfði til formskynjunar eða rýmiskenndar, en myndir og hlutir við texta. Hefur það löngum verið glíma listamanna að finna slíka núningsfleti, brjóta mörkin upp og endurskoða nálgun okkar við hluti, myndir og texta.
 
Sýningin Læsi teflir saman listaverkum byggðum á samspili texta, forma og rýmis og eru þau flest í eigu Nýlistasafnsins, en þar er að finna stærsta safn af bóklistaverkum sem fyrirfinnst á Íslandi. Hugmyndin um „bókina“ er þannig útgangspunktur sýningarinnar og verða sýnd verk eftir listamenn sem kanna texta og tungumál í tengslum við myndlist eða brjóta upp bókaformið og nýta það í myndlistarverk. Sígild yfirlýsing um að Íslendingar séu bókaþjóð fær þá formræna og hugmyndalega merkingu og við áttum okkur um leið á því að læsi á ekki bara við umtáknsetningu með bókstöfum. Læsi á líka við um myndir, form og rými.
 
Bóklistaverk og málverk, ljósmyndir eða höggmyndir sem fjalla um samspil texta og mynda eða rýmis er hluti af arfleifð hugmyndalistarinnar sem jafnframt er arfurinn sem Nýlistasafnið byggir sína safneign á. Verkin á sýningunni eru flest í eigu safnsins en nokkur, sem þóttu ómissandi í þetta samhengi, voru fengin að láni hjá höfundum þeirra. Alls eru sýnd verk eftir 18 listamenn, þau  Áslaugu Thorlacius, Birgi Andrésson, Dieter Roth, Douwe Jan Bakker, Finnboga Pétursson, Franz Graf, Friðrik Þór Friðriksson, Hildi Hákonardóttur, G.Erlu, Gunndísi Ýr Finnbogadóttur, Hlyn Hallsson, Jan Voss, Kristján Guðmundsson, Níels Hafstein, Ragnhildi Jóhannsdóttur, Rúnu Þorkelsdóttur, Rúrí og Steingrím Eyfjörð.
 
Sýningarstjóri er Jón B.K. Ransu, en hann hefur á undanförnum árum tyllt sér beggja megin borðs sem myndlistarmaður og skríbent.  Hann skrifaði myndlistargagnrýni fyrir Morgunblaðið á árunum 2002 – 2010 og hefur einnig skrifað um myndlist í fagtímarit, sýningaskrár og bækur.  Ransu hefur áður tekið að sér sýningarstjórn fyrir Nýlistasafnið, en það var árið 2005 vegna sýningarinnar „Tvívíddvídd“. Þá hefur hann einnig komið að gerð sýninga fyrir Listasafn Reykjavíkur, Listasafn Íslands, Gallerí 100° og Art Radionica Lazareti í Króatíu.

16. júlí - 11. september 2011 | July 16th - September 11th 2011

Nýlistasafnið | The Living Art Museum

Skúlagata 28

101 Reykjavík

http://nylo.is

 

Nýlistasafnið er opið þriðjudaga til sunnudaga frá kl. 12-17 og eftir samkomulagi.
Aðgangur er ókeypis.

The Living Art Museum is open Tuesday - Sunday from 12-17 and by appointment.
Admission is free.

 

Books are generally perceived as objects that contain texts. It is also customary to perceive pictures and objects in relation to colour, form and space. Fortunately we can reject that which is customized and perceive things in different manners.  Books can thus be perceived in context with colour, form and space, just as pictures and objects often relate messages with texts.
The exhibition Literacy investigates the interplay of objects and text as a form within the visual arts.
 
Iceland prides itself of being regarded as a nation of literature. The tradition of literature is rooted in the national heritage from the Sagas to the post-war writers like Halldór Laxness, Þórbergur Þórðarsson and Gunnar Gunnarsson.  The concept of “the book” is the undertone of the exhibition which attempts to highlight works by visual artists that have explored the written or spoken word as well as artists that explore the possibilities of the book in relation to visual arts.

The bulk of the works on show are taken from the collection of The Living Art Museum, which stores the largest collection of book-art in Iceland. Books, paintings, photographs or sculptures that deal with the interplay of texts, images, objects and/or space are part of the legacy of conceptual art, which is also the legacy of The Living Art Museum and forms the basis of its collection.
 
The exhibition spans works from the conceptual era to young contemporaries and includes works from the following artists:  Áslaug Thorlacius, Birgir Andrésson, Dieter Roth, Douwe Jan Bakker, Finnbogi Pétursson, Franz Graf, Friðrik Þór Friðriksson, G.Erla, Gunndís Ýr Finnbogadóttir, Hildur Hákonardóttir, Hlynur Hallsson, Jan Voss, Kristján  Guðmundsson, Níels Hafstein, Ragnhildur Jóhannsdóttir, Rúna Þorkelsdóttir, Rúrí and Steingrímur Eyfjörð.
 
The curator Jon B.K. Ransu is a visual artist and art critic/writer.  In 2005 he curated for The Living Art Museum a show called “Tvívíddvídd” that dealt with the interplay of painting and space. He has also created shows for the Reykjavík Art Museum, National Gallery of Iceland, Gallery 100° and Art Radionica Lazareti in Croatia.

Bókin MYNDIR - BILDER - PICTURES komin út

HLYNUR HALLSSON
MYNDIR - BILDER - PICTURES


MYNDIR - BILDER - PICTURES er 33 mynda röð þar sem Hlynur Hallsson setti saman ljósmyndir og stutta texta á íslensku, þýsku og ensku. Hér eru þær allar samankomnar í einni bók ásamt textum eftir þrjá höfunda auk viðtals, ritaskrá og lista yfir þær sýningar þar sem verk úr myndröðinni hafa verið sýnd.

Claudia Rahn listfræðingur í Zürich skrifar um frásagnir og myndir Hlyns. Friðrik Haukur Hallsson félags- og menningarfræðingur í Bielefeld skrifar um tengsl listamannsins og heimspekingsins út frá kenningum franska heimspekingsins Maurice Merleau-Ponty. Raimar Stange sjálfstætt starfandi sýningarstjóri og gagnrýnandi í (Austur-) Berlín skrifar um textaverk Hlyns og Kristín Þóra Kjartansdóttir tekur viðtal við Hlyn.


Úr texta Claudiu Rahn: Hlynur Hallsson – On the road

"Hér er um að ræða ljósmyndir ásamt textum á þremur tungumálum. Ljósmyndirnar og textarnir mynda "vegamyndir", sem eru samsettar úr reynslu og minningum Hlyns. Í heild virkar þetta eins og eins konar dagbók. Myndum úr fjölskyldulífinu er stillt upp ásamt myndum af vinum sem og ókunnugu fólki, af landslagi, myndum úr fjölþjóðlegum listaheiminum. Ljósmyndirnar skapa saman skrautlega heild sem gefur einnig innsýn inn í líf Hlyns. Þessi heild virðist í fyrstu litlaus og þýðingarlítil en í samhengi við textanna verður áhrifamáttur þeirra ótrúlegur."


Úr texta Raimars Stange: Make words not war!

"Það var á seinni hluta tíunda áratugarins sem Hlynur Hallsson sendi mér póstkort frá ýmsum heimshornum. Þar skrifaði hann á íslensku þótt hann vissi mætavel að ég hef alls engan skilning á því tungumáli, en á þeim tíma var skilningsleysið - það að skilja eitthvað ekki – og fagurfræðileg gæði þess aðalmálið í hinni fagurfræðilegu heildarsýn. Slíkt er jú alveg í anda Jóhanns Heinrich Pestallozi, svissneska menntafrömuðarins. Pestallozi kom einmitt með þá hugmynd að börn ættu að umgangast framandi tungumál til þess að þeim yrði ljóst að maður getur ekki skilið allt, að skilningur manns er takmarkaður."


Úr texta Friðriks Hauks Hallssonar: Heimspekingurinn og listamaðurinn

"Við fyrstu sýn virðast skynsvið okkar skarast á tilviljunarkenndan hátt. Strangt tekið eru hreyfingar á milli skynheimanna skýrar, þannig að úr myndefni verður til listaverk. Skynjunarleg tilurð fullgerðs listaverks krefst augljóslega allra þriggja skynheimanna. Er auðveldast að lýsa tengsl þeirra og skilgreina feril skynjunarinnar þeirra á milli með viðeigandi sýni- eða myndefni. Ljósmynda-texta-verk Hlyns Hallssonar bjóða hér uppá sérstaklega góðan möguleika til að skilja þennan feril frá myndefni til listaverks. Hlynur notast við margmiðlunartækni (ljósmyndir, myndbönd o.s.frv.), sem hefur í auknum mæli haslað sér völl innan myndlistarinnar, en hann innlimar ávallt texta í myndverk sín með ákveðnum hætti, þannig að textinn verður að órjúfanlegum hluta hvers verks um sig."


Úr viðtali Kristínar Þóru Kjartansdóttur

"Smáir hlutir, minningabrot og jafnvel eitthvað jafn ómerkilegt og rykhringur í grasi felast í myndefni þínu. Mér finnst margt af þessu virka brothætt, viðkvæmt og forgengilegt.

Já, þannig er lífið og við og úr því þú segir það þá er náttúran einnig brothætt, viðkvæm og forgengileg. Og smáu hlutirnir í lífinu eru einmitt það sem gerir það þess virði. Það sem er sem gefið og svo sjálfsagt, það er einmitt svo mikilvægt. Maður áttar sig bara oft ekki á því fyrr en svo löngu seinna eða þegar einhver annar bendir manni á það. Og stundum er það þá of seint en sem betur fer ekki alltaf. Þetta er kryddið sem er svo mikilvlægt og nauðsynlegt. Þannig er einhver stund sem maður upplifir ef til vill daglega samt einstök en einnig hlutir sem manni finnst ekkert merkilegir þegar þeir eiga sér stað en eru ómetanlegir í minningunni og það er galdurinn að geta bent á þessa hluti og þessar upplifanir sem allir upplifa einhvertímann og miklu oftar en við áttum okkur á. Og þetta hefur eitthvað með okkur sjálf að gera og þjóðfélagið og hraðann og það að gefa sér tíma til að uppgötva svona hluti. Ef það tekst þá er mikið áunnið."

Allir textar í bókinni eru á íslensku, þýsku og ensku.

Forlag höfundanna gefur bókina út og Uppheimar sjá um dreifingu á Íslandi og fæst bókin í öllum helstu bókaverslunum og einnig á Kjarvalsstöðum, í Hafnarhúsinu, hjá Útúrdúr og hjá Flóru á Akureyri.


HLYNUR HALLSSON
MYNDIR - BILDER - PICTURES
68 bls.
162 x 246 mm
Bókarhönnun: Ólafur Númason og Hlynur Hallsson
Þýðingar á íslensku, þýsku og ensku: Lois Feurle, Kristín Kjartansdóttir, Bjarnheiður Kristinsdóttir, Wolfgang Sahr og Ómar Kristinsson
Prófarkarlestur: Pétur Halldórsson, Inga Lín Hallsson og James Carl
Styrktaraðilar: Myndstef og Akureyrarstofa
Útgefandi: forlag höfundanna
Dreifing: Uppheimar
Prentuð hjá Odda
ISBN 978-9979-9672-1-7

BLATT BLAÐ númer 58 er komið út

Myndlistartímaritið BLATT BLAÐ númer 58 er komið út.
Að þessu sinni gerir HUGINN ÞÓR ARASON kápu tímaritsins en aðrir sem eiga verk í blaðinu eru ANDRÉ ALDER, JÓNA HLÍF HALLDÓRSDÓTTIR, HLYNUR HALLSSON, ÓMAR SMÁRI KRISTINSSON, ALEXANDER STEIG, VOLKER TROCHE og AÐALSTEINN ÞÓRSSON.
Blaðið er 16 síður að stærð í A5 broti. Upplagið er 100 tölusett eintök.

BLATT BLAÐ hefur komið út frá árinu 1994. Upphaflega voru gefin út ný eintök annan hvern mánuð en nú eru gefin út ný tölublöð tvisvar á ári.
Hægt er að kaupa BLATT BLAÐ Á 400 krónur í Útúrdúr/Havarí í Austurstræti 6 í Reykjavík eða fá blaðið sent og hafa samband á hlynur(hjá)gmx.net eða gerast áskrifandi. Næsta tölublað kemur út í mars 2011.

Myndlistarmaðurinn HUGINN ÞÓR ARASON gerir kápuna á BLATT BLAÐ #58 sem endurgerð af kápu tímaritsins I-D frá árinu 1987 númer 54, sem kallað var  "The Happy Issue".

Allir geta gert verk fyrir BLATT BLAÐ og senda á efni sem jpg á hlynur(hjá)gmx.net. Útgefandi BLATT BLAÐS er forlag höfundanna og Hlynur Hallsson.

Eldri kápur og upplýsingar er að finna á: http://hallsson.de/Page10084/page10084.html

Frauke Hänke og Claus Kienle í Kunstraum Wohnraum

 

Nú líður að lokum sýningar Frauke Hänke og Claus Kienle  “Wo auch immer – Hvar sem er” hjá okkur í Kunstraum Wohnraum í Ásabyggðinni. Síðasti sýningardagur er sunnudagurinn 29. ágúst á Akureyrarvöku.

 

Sýningin er byggð á ljósmyndum sem eru unnar með með mismunandi aðferðum. Frauke Hänke og Claus Kienle eru búsett í Hamborg í Þýskalandi.

16 blaðsíðna sýningarskrá með myndum og textum fylgir sýningunni.

 

Úr texta í sýningarskrá: “Verk Frauke Hänke og Claus Kienle eru önnur sýn á veruleikann sem oft virkar hversdagslegur. Ljósmyndir af gönguhópi, vinnuvélum, ferðamönnum, fótboltavelli eða hjólhýsum. En það er liturinn, textinn, skurður myndanna og samhengið sem gera þær allt annað en hversdagslegar.”

 

Myndir af verkum þeirra og nánari upplýsingar eru á síðunni www.haenke-kienle.de og einnig á www.heim-herd.de

 

Nánari upplýsingar veita Frauke og Claus í [e-mail]

 

Kunstraum Wohnraum hefur verið starfrækt frá árinu 1994, fyrst í Hannover og nú á Akureyri. Það er til húsa á heimili Hlyns Hallssonar og Kristínar Kjartansdóttur í Ásabyggð 2. Sýning Frauke Hänke og Claus Kienle stendur til 29. ágúst 2010 og er opin eftir samkomulagi og hægt er að hringja í síma 462 3744.

 

Nánari upplýsingar um Kunstraum Wohnraum er að finna á: http://www.hallsson.de/projects/kunstraum_wohnraum/kunstraum_wohnraum.html

 

FRAUKE HÄNKE + CLAUS KIENLE

WO AUCH IMMER - HVAR SEM ER

11.07. - 29.08.2010

 

Opið samkvæmt samkomulagi • Geöffnet nach Vereinbarung • Open on appointment       

    

KUNSTRAUM WOHNRAUM                          

Hlynur Hallsson • Kristín Kjartansdóttir           

Ásabyggð 2 • IS-600 Akureyri •  [phone]

hlynur(hjá)gmx.net • www.hallsson.de

 

Síðustu forvöð í Kunstverein Hannover

 

Leinen los! í Kunstverein Hannover.

12. Juni–15. August 2010

Það fara að verða síðustu forvöð að sjá samsýninguna Leinen los! í Kunstverein Hannover því henni lýkur sunnudaginn 15. ágúst.

Þessi taka þátt í sýningunni:

Benjamin Badock, Norbert Bauer, Thomas Behling, Michael Beutler, Maike Bisping, Henning Bohl, Michael Botor, Astrid Brandt, Rahel Bruns, Thomas Dillmann, Christian Dootz, Andreas Eschment, Christoph Faulhaber, Dennis Feser, Dieter Froelich, Caroline Hake, Nicolas Hallbaum, Hlynur Hallsson, Nschotschi Haslinger, Dirk Dietrich Hennig, Annika Hippler, Christian Holtmann, Fränze Hoppe, Daniel Janik, Nina Jansen, Bye Mass Jobe, Petra Kaltenmorgen, Katharina Kamph, Hans Karl, Michael Kaul, Klaus Kleine, Lars-Andreas Tovey Kristiansen, Alicja Kwade, Patricia Lambertus, Marion Lehmann, Lotte Lindner und Till Steinbrenner, Malte Lochstedt, Hannes Malte Mahler, Christof Mascher, Franziska Carolina Metzger, Jugoslav Mitevski, Ingo Mittelstaedt, Christiane Möbus, Jub Mönster, Inka Nowoitnick, Ria Patricia Röder, Julia Schmid, Per Olaf Schmidt, Tom Schön, Andy Scholz, Christine Schulz und Ingo Rabe, Marina Schulze, Preechaya Siripanich, Sibylle Springer, Meik Stamer, Rüdiger Stanko, Arne Enno Strackholder, Ralf Tekaat, Timm Ulrichs, Kerstin Vorwerk, Daniel Wolff, Raimund Zakowski, Ralf Ziervogel, Markus Zimmermann.

Og einnig verðlaunahafar Preis des Kunstvereins 2010
Samuel Henne, Fabian Reimann og Anahita Razmi.

Og verðlaunahafi Kunstpreis der Sparkasse 2010
Christoph Girardet.

Flott sýningarskrá er einnig komin út.

Hér er smá texti á ensku um sýninguna:
For the 85th time, the Kunstverein Hannover focuses on the diverse scene of contemporary art in lower Saxony in the biennial of the fall exhibition. The exhibition spreads over five spaces – the Kunstverein Hannover, the KUBUS, the NORD/LB art gallery, the Kunstverein Langenhagen and the Galerie vom Zufall und vom Glück – and brings together both internationally renowned positions and new discoveries from art schools in lower saxony and Bremen.

From the 68 positions chosen for the fall exhibition, the jury nominated the grant holders of the “Preis des Kunstvereins” 2010, Samuel Henne, Anahita Razmi and Fabian Reimann, as well as the winner of the Kunstpreis der Sparkasse 2010, Christoph Girardet. 

kunstverein hannover // sophienstraße 2 // 30159 hannover

"... og tilbiður guð sinn sem deyr" opnar í Verksmiðjunni á Djúpavík

Áfram með smjörlíkið!

... og tilbiður guð sinn sem deyr.

 

Hlynur Hallsson og Jóna Hlíf Halldórsdóttir

 

Síldarverksmiðjan Djúpavík

524 Árneshreppi

 

17.07. - 29.08. 2010

Opnun laugardaginn 17. júlí kl. 14

 

Hlynur Hallsson og Jóna Hlíf vinna áfram saman að þríleiknum Áfram með smjörlíkið! sem fer fram í Reykjavík, á Djúpavík, og í Berlín í sumar og haust. Þetta er í fyrsta sinn sem þau samvinna sýningaröð en þau eiga að baki víðtæka reynslu af sýningarhaldi með öðrum og ein og sér. Yfirskriftin Áfram með smjörlíkið! slær taktinn og gefur fyrirheit um viðfangsefni listamannanna. Fyrsta sýningin í röðinni var í Listasafni ASÍ með undirtitlinum Innantóm slagorð og fékk hún afar góðar viðtökur. Nú er komið að Verksmiðjunni á Djúpavík. “... og tilbiður guð sinn sem deyr” er undirtitill sýningarinnar en þar verða rýmisbundnar innsetningar í fyrirrúmi. Sýningin opnar laugardaginn 17. júlí 2010 kl. 14 og allir eru velkomnir. Sýningin stendur til 28. ágúst 2010.

Þriðja sýningin opnar svo 3. september 2010 í 111 – a space for contemporary art í Berlín. Undirtitill hennar er Byltingin er rétt að byrja og á þeim nótum endar síðasti hluti raðarinnar.

Verk Hlyns og Jónu eru allt í senn einföld, fjölbreytt og hugmyndaauðug. Þau vinna með marga ólíka miðla – Hlynur hefur fengist við ljósmyndir, vídeó, texta, gjörninga og innsetningar, Jóna hefur unnið með ljósmyndir, vídeó, texta, gjörninga og innsetningar. Verkin draga dám af því hvaða miðill verður fyrir valinu í hvert sinn en þátttaka áhorfandans er oft mikilvæg.

Í verkum beggja er að finna margbrotna en einfalda tjáningu. Verkin virðast á einhvern hátt hrein og bein og eiga greiða leið inn að hjarta- og heilarótum. Sum verkanna eru lævís, önnur kröftug, og mörg bera slagyrðingalegan brag á sér. Einfaldleikinn talar beint til manns og virðist fela í sér einhverja nánd, kannski falska (hver veit?)
 

Hlynur Hallsson (f. 1968) er menntaður við Myndlistarskólann á Akureyri, Myndlista – og handíðaskóla Íslands sem og við listaháskóla í Hannover, Hamborg og Düsseldorf í Þýskalandi. Hann hefur verið gestakennari við Myndlistarskólann á Akureyri. Hann hefur hlotið ýmsa styrki og viðurkenningar fyrir verk sín.

Jóna Hlíf Halldórsdóttir (f. 1978) er menntuð við Myndlistarskólann á Akureyri, var við nám í Finnlandi og lauk MFA-gráðu frá Glasgow School of Art í Skotlandi. Hún hefur verið safnstjóri hjá VeggVerk og Gallerí Ráðhús og hefur líkt og Hlynur hlotið ýmsar viðurkenningar og styrki fyrir verk sín.

Sjá nánar á www.hallsson.de og www.jonahlif.com

 

Á þessu ári er haldið upp á 75 ára afmæli Verksmiðjunnar og Hótel Djúpavík á 25 ára afmæli. 

Listrænir viðburðir í Síldarverksmiðjunni á Djúpavík hafa farið fram frá árinu 1990. Leikverk hafa verið sett upp, haldnir tónleikar og listsýningar, auk þess sem haldin hafa verið árleg stórmót í skák í samvinnu við Hrókinn.  Fastasýning í vélasal verksmiðjunnar er Sögusýning Djúpavíkur sem segir sögu staðarins í máli og myndum.  

Þessar vikur stendur yfir sýning sem heitir Pictures and their sounds eftir Claus Sterneck og ennfremur er í bígerð vinna við Innsetningu eftir tvo unga listamenn frá Bandaríkjunum sem mun verða gestum til sýnis síðustu vikur

sumarsins 2010.

Sjá nánar á www.djupavik.is

 

Nánari upplýsingar veita:

Hlynur Hallsson 6594744

Jóna Hlíf Halldórsdóttir 6630545

Eva Sigurbjörnsdóttir, Hótel Djúpavík 4514037, 8472819

Til lukku útskriftarnemar

Gaman að þessu og verst að missa af opnuninni. Ég var annars að koma af tveim ljómandi opnunum rétt í þessu hjá Jóni Laxdal og svo Joris Rademaker í Gilinu og nú er stefnt á Safnasafnið sem er einmitt að opna líka. Á síðu Myndlistarfélagsins er meira um allar þessar sýningar.

Fjölmenni á útskriftarsýningu

Flott hjá Jóhönnu

Frumvarp um ný jafnréttislög lítur afar vel út og full ástæða til að óska Jóhönnu Sigurðardóttur til hamingju með það. Mér sýnist þarna vera mörg tímabær mál sem Vinstri græn hafa barist fyrir á síðustu árum. Maður á að hrósa þegar vel er gert og full ástæða til að gera það nú.

Hér er frumvarpið í heild sinni.

Frumvarpi að nýjum jafnréttislögum dreift á Alþingi í dag

Hannes Hólmsteinn á óbeint þátt í góðverki

Óttar M. Norðfjörð er gæðablóð og frábær rithöfundur. Það var snilld að bókin hans Hannes – Nóttin er blá, mamma yrði metsölu jólaflóðsbók. Lítil og handhæg og ódýr. Ég get varla beðið eftir öðru bindinu Hólmsteinn - ... eða því þriðja og síðasta Gissurarson - ... Hvað er annars orðið um HHG? Merkilegt að hann hverfur alltaf tímanlega fyrir kosningar. Var hann sendur úr landi? Og hann á óbeint þátt í góðverki! Mæðrastyrksnefnd á allt gott skilið og Óttar M. Norðfjörð einnig. Meira svona.

Mæðrastyrksnefnd fær ágóðann af metsölubók