Damien Hirst búinn að meikaða

Svo sem ekki alveg nýjar fréttir af poppstjörnu breska myndlistarmarkaðarins, honum Damien Hirst. Hann er fyrir löngu kominn í goða tölu og dálítið gott að hann er ekki alveg "hefðbundinn" myndlistarmaður (málari!) heldur gerir hann allskonar verk þó að það sé bara talað um málverk í frétt mbl.is. Hann er ekki alveg uppáhaldsmyndlistarmaðurinn minn en ég hef nú samt gaman að honum. Myspace síðan hans er til dæmis skemmtileg. Hér er svo fréttin öll af mbl.is

"Hirst farsælasti myndlistarmaður heims

Breski myndlistamaðurinn Damien Hirst er nú sá myndlistarmaður heimsins sem þykir farsælastur, miðað við sölu á verkum eftir hann. Hirst seldi nýverið 28 málverk á sýningu í Los Angeles fyrir 61 milljón dollara og náði með þeirri sölu fyrrgreindu marki, að sögn breska dagblaðsins Independent.

Fram að seinustu helgi var Hirst í öðru sæti, á eftir bandaríska málaranum Japer Johns, en hann seldi grafíkverk fyrir 41 milljón dollara í fyrra. Málverk Hirst hækkuðu gífurlega í verði með fyrrnefndri sýningu, en í þau notar Hirst þurrkuð fiðrildi og húsamálningu.

„Damien Hirst er án efa farsælasti myndlistamaður heimsins í dag,“ segir Cristina Ruiz, ritstjóri listadagblaðsins The Art Newspaper. Hann sé einn af þremur listamönnum sem teljist „vörumerki“ í myndlistarheiminum, en hinir eru þeir Andy Warhol og Pablo Picasso en báðir eru þeir látnir. Með því er átt við að verk þessara manna seljist um allan heim. Hirst geti selt nánast hvað sem er, leggi hann nafn sitt við það."

Hirst farsælasti myndlistarmaður heims

Athugasemdir

[Helgi (IP-tala skráð) 15.3.2007 kl. 16:46]

það er bara minnst á málverk út af sölunni í LA, en með henni komst hann á toppinn, veit ekki alveg hvernig menn reikna þetta út. 

[Cactus Buffsack (IP-tala skráð) 15.3.2007 kl. 18:48]

Cactus sér rísemblesið.

Cactus sér ekkert bindi.

bið að heilsa,

kv.

Cactus

[Davíð Stefánsson (IP-tala skráð) 16.3.2007 kl. 00:00]

Já, það verður ekki tekið af honum að listin hans er áhrifarík, þótt misjöfn sé. Í öllu falli held ég mikið upp á hann, einkum fyrir kassaverkin þar sem hann bútar í sundur dýraskrokka.