Veggverk að verða klárt - spreyjað í dag

 

Þrátt fyrir hávaða rok hér fyrir norðan þá mjakast álklæðningin á (og reyndar einnig smá partur af) og í dag ætla ég að spreyja nokkrar vel valdar þakkir til álrisanna á vegginn.  Hallur Gunnarsson er búinn að uppfæra síðuna veggverk.org og hann tók ansi fína mynd í sólinni í gær. 

ÞaÐ er ekki fallegt að sjá Hljómskálann svona útkrassaðann og ég legg til að lausn verði fundin á málinu og rætt við flottustu graffity listamenn borgarinnar og þau fengin til að koma með hugmyndir. Lúðrasveitin hlýtur að geta fengið smá hluta af þessum 300 milljónum sem Vilhjálmur borgarstjóri ætlaði að setja í "herferð gegn veggjakroti". Bendi á góða grein Ingólfs Jóhannessonar um "stóra veggjakrotsvandann.

„Höfum varla efni á að mála“

Athugasemdir

[Sápuópera (IP-tala skráð) 4.4.2007 kl. 08:15]

Það eru sennilega ekki flottustu graffity listamenn borgarinnar sem bera ábyrgð á þessari skreytingu utan á Hljómskálanum. Þótt séu einhverjir ákveðnir veggir sem fólk má krota á er ekki þar með sagt að svona subbur fari endilega þangað til að fá útrás fyrir sköpunarþörf sína. 

Kannski væri reynandi að skikka krotarana í þegnskylduvinnu við hreinsunarstörf. Mætti nota herinn hans Björns til að góma þá.  

[Hlynur Hallsson, 4.4.2007 kl. 08:56]

Ef bestu graffararnir fengju að gera flott verk á Hljómskálann myndu sóðarnir láta hann vera. En svo þarf líka að hafa veggi fyrir subburnar! Ertu að meina herinn með hríðskotabyssurnar eða varaherinn launaða?) Bestu kveðjur,

[Ingólfur Ásgeir Jóhannesson, 4.4.2007 kl. 09:28]

Hlakka til að sjá vegginn - þetta er eiginlega eins og "húsið mjakast upp" hjá þér, en kemur hægt og rólega. Vonandi að veggverkið standi betur af sér rokið en ein öspin hér við Þingvallastrætið sem brotnaði í nótt.

[Anna Ólafsdóttir (anno) (IP-tala skráð) 4.4.2007 kl. 10:33]

Ég keyri framhjá daglega og fylgist spennt með þróuninni. Miðað við rokið hér í nótt kalla ég það gott að klæðningin skuli hafa haldið. Takk fyrir að leyfa okkur að fylgjast með. ég vil ekki missa af neinu :)

[Steinunn Helga Sigurðardóttir, 4.4.2007 kl. 10:38]

það verður spennandi að sjá , knús til þín og þinna hlynur minn

steina 

[Hlynur Þór Magnússon, 4.4.2007 kl. 12:00]

Einhver myndi nú spyrja í kvikindishætti hvaðan álið komi. Ég geri það ekki enda er ég ekki kvikindi ...

Gangi ykkur vel!

[Hlynur Hallsson, 4.4.2007 kl. 12:16]

Takk fyrir góðar kveðjur öll. Álpappírinn kemur úr Bónus, Euroshopper framleitt í Danmörku (eða kannski bara pakkað í Danmörku!) Ég er búinn að spreyja á vegginn:    TAKK FYRIR ALLT ÁLIÐ á þremur tungumálum og það kemur mynd af því á veggverk.org seinnipartinn eða í kvöld. Bestu kveðjur,

[Ingólfur Ásgeir Jóhannesson, 4.4.2007 kl. 18:28]

Búinn að sjá verkið inni á veggverk.org. Flott verk - til hamingju. Býst svo við að aka fram hjá því á eftir. Kannski verður þó álið farið, rifnað af eða rifið af, og öll áform um álbræðslur fokin út í veður og vind ...

[Júlíus Garðar Júlíusson, 5.4.2007 kl. 08:34]

Sæll Hlynur og til hamingju með Veggverkð.....er ekki málið að senda þig suður og klæða Hljómskálagarðinn með mörgum lögum af Bónuspappír og það má þá rífa eitt lag af í senn eftir að sóðarnir hafa svalað fíkn sinni.

[Hlynur Hallsson, 6.4.2007 kl. 13:25]

Takk fyrir góðar kveðjur Ingólfur og Júlli. Ég las í Mogganum að það er búið að þrífa Hljómskálann og vonandi verður ekki krotað á hann aftur í bráð þó að ég sé ansi hræddur um að taggararnir líti á það sem áskorun að vera í stríði við Villa borgarstjóra. Hugmyndin þín Júlli er góð en virkar sennilega ekki alveg. Það væri samt gaman að prófa! Bestu kveðjur,