TENGSL ALCAN VIÐ HERGAGNAFRAMLEIÐSLU OG BOTNLAUS SAKASKRÁ RIO TINTO

Hér er afar athyglisverð fréttatilkynning frá Saving Iceland um mál sem ættu að koma okkur íslendingum við:

Saving Iceland
Fréttatilkynning
24. júlí 2007

SAVING ICELAND STÖÐVAR UMFERÐ AÐ ÁLVERI RIO TINTO-ALCAN Í HAFNARFIRÐI

LANDSVIRKJUN Á AÐILD AÐ ÁLVERI RIO TINTO-ALCAN Í SUÐUR AFRÍKU, SEM ER KEYRT ÁFRAM MEÐ KOLUM OG KJARNORKU

HAFNARFJÖRÐUR – Saving Iceland hefur lokað aðgangi að álveri Rio Tinto-ALCAN í Straumsvík. Um það bil 20 mótmælendur hafa læst sig saman og klifrað upp í krana á vinnusvæðinu. Saving Iceland mótmælir fyrirhuguðu álveri Rio Tinto-ALCAN á Keilisnesi eða Þorlákshöfn, stækkun álversins í Hafnarfirði og nýju álveri í Suður-Afríku sem verður keyrt áfram af kolum og kjarnorku.

“Mótmæli gegn Alcan hafa skilað sínu. Hafnfirðingar höfnuðu að sjálfsögðu fyrirhugaðri stækkun í Straumsvík og nýlega varð fyrirtækið að hætta þáttöku sinni í báxítgreftri í Kashipur, Norðaustur Indlandi, vegna mótmæla gegn mannréttindabrotum þeirra og umhverfiseyðingu. Alcan hefur verið ásakað fyrir menningarútrýmingu í Kashipur , þar sem námur og stíflur hafa þegar neytt 150.000 manns til þess að yfirgefa heimkynni sín, mest megnis innfædda . Norsk Hydro hætti þáttöku sinni í verkefninu eftir að lögreglan pyntaði og kveikti í mótmælendum, og þá kom Alcan inn í málið.” segir Snorri Páll Jónsson Úlfhildarson frá Saving Iceland.

“Þetta mál og önnur svipuð, sem og þáttaka Alcan í hergagnaframleiðslu sýnir hversu miskunnarlaust fyrirtækið er. Yfirtaka Rio Tinto eykur alls ekki líkurnar á því að framkoma Alcan batni.”

“Rio Tinto-ALCAN hefur alls ekki misst áhugann á byggingu nýs álvers á Íslandi. Hafnarfjörður er enn inni í myndinni, þrátt fyrir niðurstöðu íbúakosningarinnar  í vor og nýtt álver verður mögulega reist í Þorlákshöfn eða á Keilisnesi. Saving Iceland hafnar þessum framkvæmdum og lýsir yfir fullum stuðningi við íbúa Suður-Afríku, sem berjast gegn álveri Rio Tinto-ALCAN, sem keyrt verður áfram á kolum og kjarnorku. Landsvirkjun er einnig viðriðin verkefnið , því er mjög nauðsynlegt að Íslendingar hafni þessari síð-nýlendustefnu sem gjöreyðileggur bæði umhverfi og samfélög.” segir Snorri

Heimildir um tengsl Alcan við stríðsrekstur og hergagnaframleiðslu, samning Landsvirkjunnar í Suður-Afríku , og sögu Rio Tinto eru meðfylgjandi þessari  tilkynningu.

--- ENDIR ---

Frekari upplýsingar:
www.savingiceland.org
Snorri Páll Jónsson Úlfhildarson (s. 848 0373)

TENGSL ALCAN VIÐ HERGAGNAFRAMLEIÐSLU
Málmur frá Rio Tinto-ALCAN er seldur til margvíslegra nota í stríðsrekstri. ALCAN framleiðir t.d. ál fyrir EADS (European Aerospace and Defense and Space), sem framleiðir herþyrlur,  orrustuþoturnar Euorofighter Tycoon, Mirage F1, EF18 Hornet og aðrar þotur . EADS er einnig leiðandi framleiðandi flugskeyta . Samningar milli EADS og ALCAN eru kynntir sem samningar milli Airbus og ALCAN, til þess að hylma yfir aðild ALCAN að stríðsrekstri  , en það er þekkt leið álfyrirtækja að fela hergagnaframleiðslu sína undir heitinu eldflaugaframleiðsla. Á sama tíma verður að markaðssetja hergögnin og þess vegna eru myndir af orrustuflugvélum birtar á eldflaugahluta heimasíðu ALCAN .

EADS fullyrðir á heimasíðu sinni að vörur fyrirtækisins séu seldar til landa þar sem “sala á hátækni flughernaðartólum fer fram á ábyrgan hátt” Fyrirtækið byggi á “áratuga reynslu í herflugvélaiðnaði” En er fyrirtæki trúverðugt sem er svo siðblint að það birtir á sömu heimasíðu myndir frá Þýskalandi á tímum nasismans, þar sem bæði Fyrri Heimstyrjaöldin og flugvélar Nasista  eru lofaðar hástöfum?

RIO TINTO-ALCAN: ÁL TIL ÍRAKS
ALCAN sér Boeing fyrir “úrvals, afkastamiklum álafurðum”  . Boeing framleiðir herþyrlurnar Apache og Chinook sem eru notaðar í Írak, en einnig minna þekktar vörur t.d. “Small Diameter Bomb”   og “Joint Direct Attack Munition”  . Einnig eru samningar milli Alcan og Dassault , fransks hergagnaframleiðanda, sem framleiðir margskonar orrustuflugvélar úr áli . Þar að auki hefur ALCAN lagt sig sérstaklega fram við að kynna fyrirtækið fyrir sjóhernaðarstofnunum .

RIO TINTO-ALCAN: PLÖN FYRIR AFRÍKU
Rio Tinto-ALCAN hefur skrifað undir samning við Ríkisstjórn Kamerún um að stækka Alucam álverið um 150.000 tonn á ári, auk þess að reisa nýtt 150.000 tonna álver. Lom Pangar stíflan, sem er við það að verða reist, mun sjá um orkuframleiðslu fyrir álverin . Alcan er með mörg önnur verkefni á teikniborðinu í Afríku – “Greenfield”  verkefnið þeirra inniheldur Kamerún, Ghana, Guinea, Madagascar og Suður-Afríku. “Greenfield” stendur fyrir það þegar ósnert náttúra er eyðilögð fyrir námugröft, grunngerð, álbræðslur og stíflur.

AÐSKILNAÐARSTEFNAN Í SUÐUR AFRÍKU, ESKOM OG LANDSVIRKJUN
ALCAN var virkur þáttakandi hinni illræmdu aðskilnaðarstefnu í Suður Afríku á árunum 1949-1986 . Nú vill fyrirtækið snúa aftur og reisa álver á nærri því skattfrjálsu svæði, “Coega Development Zone”, nálægt Port Elizabeth. Álverið verður keyrt áfram á kolum og kjarnorku frá Eskom, en fyrirtækið er eitt stærsta raforkufyrirtæki í heiminum. “30% fátækra samfélaga í Suður Afríku hafa ekki aðgang að rafmagni, en samt sem áður er til nóg rafmagn til að reka álver” segir Lerato Maragele, aðgerðasinni frá Suður Afríku sem heimsótti Ísland á vegum Saving Iceland .

Elkom er “systurfyrirtæki” Landsvirkjunnar , en Landsvirkjun stefnir á að taka þátt í álversframkvæmdunum í Suður Afríku og færa svo út kvíarnar í Afríku. Því er líklegt að Landsvirkjun muni reyna að selja sérfræðikunnáttu sína til ýmisa verkefna tengdum vatnsafls
raforkuframleiðslu Eskom í Mósambík, Úganda og Kongó . Einnig er líklegt að fyrirtækið muni reyna að vinna að gerð stíflu í Kongó ánni, en hún verður tvisvar sinnum stærri en Three Gorges stíflan í Kína, og mun leggja regnskóa Mið Afríku í rúst.

BOTNLAUS SAKASKRÁ RIO TINTO
Við getum auðveldlega sýnt fram á að ALCAN tekur virkan þátt í hergagnaframleiðslu og stefnir á innrás í Afríku, jafnt sem á Íslandi. Núna hefur fyrirtækið verið keypt af Rio Tinto, sem er stærsta einkarekna námufyrirtæki í heiminum, og hefur “lengi verið gagnrýnt fyrir gróf mannréttindabrot sem ná aftur til þáttöku þeirra í aðskilnaðarstefnunni í Suður Afríku.”

Nokkur dæmi um mannréttindabrot Rio Tinto.
Rio Tinto hefur vitandi neytt starfsmenn sína til að starfa í banvænum gullnámum sínum í Brasilíu, og njósnað um og rekið meðlimi verkalýðsfélaga. Einnig eru dæmi um að fátækir heimamenn í leit að gulli í námum Rio Tinto hafi verið skotnir af öryggisvörðum Rio Tinto .

Rio Tinto hefur haft aðild að málaliðahneykslum. Ríkisstjórn Papúa Nýju Guineu réði í samstarfi við ALCAN, fyrirtækið Sandline International, sem er einkarekinn, óháður málaliðaher, til að berjast gegn íbúum eyjunnar Bougainville. Herinn er mest megnis skipaður fyrrum breskum og suður afrískum sérsveitarmönnum, en herinn hafði aðild að borgarastyrjöldunum í Angóla og Sierra Leone. Íbúar Bougainville höfðu lokað námu vegna hrikalegra umhverfisskemmda     og hafa nú farið í mál gegn Rio Tinto fyrir skemmdirnar og stríðsglæpina sem málaliðaherinn fyrirtækisins framdi. Í ágúst 2006 hafnaði áfrýjunnardómstóll Bandaríkjanna beiðni Rio Tinto um að málinu yrði vísað frá .

--------------------------------------------------------------------------

  S. Das & F. Padel, “Double Death - Aluminium’s Links with Genocide”, Economic and Political Weekly, Des. 2005, sjá einnig á http://www.savingiceland.org/doubledeath
  Chandra Siddan, “Blood and Bauxite”, Montreal Mirror, Nov 20-26, 2003, Vol. 19 No. 23.
  “Smelter Expansion on Landfill?”, Iceland Review, June 20th 2007.
  RUV News, 26-02-2007, http://ruv.is/heim/frettir/frett/store64/item145391/.  Athugið að RUV
hafa ruglað saman Alcoa og Alcan.
  EADS vefsíða, http://www.eads.com/1024/en/businet/defence/mas/combat_aircraft/combat_aircraft.html
  EADS auglýsingamynd, “A Brief Glance at EADS”, http://www.eads.com/xml/content/OF00000000400004/1/10/41434101.mov
  AFX News, 13 júní, 2007, http://www.abcmoney.co.uk/news/13200786914.htm
  Alcan Press Release, “Company To Provide Critical Aluminum Materials For Full Range Of Aircraft Including A380”, 13. Júní, 2007,
http://www.decisionplus.com/fr/fintools/stock_news.asp?Market=TSE&Symbol=AL&NewsID=20070613/021501

http://www.alcanaerospace.com/Aerospace/aerospace.nsf/html/FWFGHOME?Open&LG=1,
dd. 22-7-2007.
  EADS auglýsingamynd, “90 years of aircraft history in Augsburg”, http://www.eads.com/1024/en/businet/defence/mas/mas.html and http://www.eads.com/xml/content/OF00000000400004/0/64/41488640.asx
  US Geological Survey, “Minerals Yearbook 2005,” September 2006, p. 5.2.
  Boeing Website Image Gallery of Small Diameter Bomb: http://www.boeing.com/companyoffices/gallery/images/missiles/sdb/sdb.html
  Boeing Image Gallery: http://www.boeing.com/companyoffices/gallery/images/missiles/sdb/sdb.html
  Alcan Press Release, “Alcan Contributes to Success of Eighth Ariane 5 ECA Launch,” Dec 13th, 2006.
  http://www.dassault-aviation.com/
  “Pacific 2004, International Naval and Maritime Exposition for the Southern Pacific,” Aerospace Maritime and Defence Conference, http://www.ideea.com/pacific2004/embassy/smithbriefing.pdf
  US Geological Survey, “Minerals Yearbook 2005,” September 2006, p. 5.5.
  Alcan Press Release, “Alcan to Explore Development of Bauxite Mine and
Alumina Refinery in Madagascar,” September 11th 2006.
  Alcan’t website, http://www.alcant.co.za/history.html
  Grapevine, Issue 10, July 13, 2007. Viðtal einnig á http://www.savingiceland.org/node/870
  RUV News, 26-02-2007, http://ruv.is/heim/frettir/frett/store64/item145391/. Note that RUV has Alcoa and Alcan confused.
  International Rivers Network & EarthLife Africa, “Eskom’s Expanding Empire The Social and Ecological Footprint of Africa’s Largest Power Utility,” June 2003, http://www.irn.org/programs/safrica/index.php?id=030601eskomfactsheet.html
  Asia-Pacific Human Rights Network, “Rio Tinto’s Record and the Global Compact,” July 13th 2001, http://www.corpwatch.org/article.php?id=623.
  SBS Australia’s television program Dateline in a report on Rio Tinto, August 2000.
  Wikipedia Germany (22-7-2007), http://de.wikipedia.org/wiki/Sandline-Affäre
  Contract between PNG Government and Sandline:
http://coombs.anu.edu.au/SpecialProj/PNG/htmls/Sandline.html.
  Sarei v Rio Tinto, 456 F.3d 1069 (9th Cir. 2006), USA

Tveir mótmælendur handteknir í Straumsvík

Athugasemdir

[Birgitta Jónsdóttir, 24.7.2007 kl. 14:59]

Merkilegt að fjölmiðlar fari ekkert almennilega ofan í kjölinn á þessu, nema kannski Valur G í DV með góðri grein sinni um Rio Tinto á dögunum. Mikið væri ganglegt ef hér væri annars konar blaðamennska en copy paste... aðferðin. Þjóðin þarf svo sannarlega á meiri upplýsingum að halda um þessi fyrirtæki sem hafa svo mikil ítök hjá okkur.

[Rauða Ljónið, 24.7.2007 kl. 15:45]

Sæl, Hlynur

 

Vegna sameiningar Río Tinto , hafa verkalýðsfélögin í Evrópu Alcan EWC skoðað feril þessara fyrirtækja ekker hefur komi fram sem lítur í þá átt sem ásakanir Andra Snæ Mássonar né þíns um starfsemi þessa fyrirtækja einugis eina síðu er um ásakanir á hendur Río Tinta sem er marg sinnis Copy Pasta og fært svo í aukana.

Ekkert af framleiðslu ISALs- Alcan fer í hergangaframleiðslu.

Var staddur í Straumsvík þegar krakkarnir úr Saving Iceland komu að hliðinu mér finnst bagarlegt þegar samtök eins og Saving Iceland beita börnum var komin af fermingaraldrinum í svona aðgerðir.

Kv. Sigurjón Vigfússon  s 6993959

Starfandi aðaltrúnaðarmaður Alcans

 

[Valgerður Halldórsdóttir, 24.7.2007 kl. 15:55]

Sæll Sigurjón - aftur!

Hvaða upplýsingar komu fram um Rio Tinto þegar Alcan EWC skoðaði feril þess? Hvað var til í þeim ásökunum?

[Þorgeir Arnórsson, 24.7.2007 kl. 16:01]

Hvað með fyrirtæki eins og GE, Firestone, GM o.s.frm. Afhverju er ekki verið að mótmæla fyrir utan fyrirtæki á íslandi sem selja vörur frá þessum aðilum. Ég veit ekki betur en að þessi og fleiri stórfyrirtæki sem selja vörur á íslandi séu stórtækir þegar kemur að sölu á margskonar varningi til herja heimsins. Dekk frá Firestone og Hummer frá GM svo fátt eitt sé nefnt.

Ef það á að mótmæla Alcan og Alcoa fyrir að selja vöru sína til hernaðar þá verður að fara alla leið og mótmæla öllu, ekki bara sumu vegna þess að það hentar hverju sinni.

[Örvar Þór Kristjánsson, 24.7.2007 kl. 16:54]

Hentisemipólitík.  Það hefur ávallt einkennt fylgjendur VG.  VG voru ávallt að lofa því fyrir sunnan að það kæmi eitt stykki Álver þegar þeir og hipparnir mótmæltu viðveru hersins.  Þá hentaði að fá "megnandi" Álver.  Nú er umhverfisvernd tískufyrirbrigði, það hentar vel núna að vera á móti.

Hef áður lýst skoðun minni á þessum samtökum SI, sem brjóta lögin aftur og aftur. 

Sá svo talsmanninn, pönkarann í Kastljósinu.  Það var hægt að brosa.  Hann skoraði ekki mörg stig fyrir málstaðinn en gaman að fá svona glens og grín í Kastljósið. 

[Sigurjón Sveinsson, 24.7.2007 kl. 17:07]

Hver í ósköpunum tekur Saving Iceland samtökin trúanleg? Það er nú þannig með öfgasamtök og hópa að sannleikurinn er það fyrsta sem fer út um gluggann hjá þeim.

[Júlíus Sigurþórsson, 24.7.2007 kl. 17:41]

"LANDSVIRKJUN Á AÐILD AÐ ÁLVERI RIO TINTO-ALCAN Í SUÐUR AFRÍKU, SEM ER KEYRT ÁFRAM MEÐ KOLUM OG KJARNORKU"

Eftir því sem meira ál er brætt á umhverfisvænan hátt á Íslandi, því minna verður framleitt af áli með kolum, olíu, gasi og kjarnorku.

Álið verður framleitt one-way or the other.

ps. koltrefjar sem bent hefur verið á sem staðgengill, það er framleitt á mjög orkufrekan átt úr olíuefnum.

[Kristófer Sigurðsson, 24.7.2007 kl. 20:31]

Hlynur,

Þú hefur verið duglegur við að birta greinar vilhallar og jafnvel beint frá Saving Iceland samtökunum í tengslum við fréttir Mbl.is af ólöglegum athöfnum þeirra.  Má af þessu skilja að þú, sem einstaklingur, og það sem meira er um, varaþingmaður sem unnið hefur drengskaparheit að stjórnarskrá og þarafleiðandi stjórnskipun og löglegum stjórnvöldum, styðjir þá í þessum athöfnum?   Hér á ég aðeins við þær af athöfnum hópsins, er teljast ólöglegar.

Ég tel að borgarar í landinu eigi rétt á afdráttarlausu svari þínu við þessari spurningu. 

[Þarfagreinir, 25.7.2007 kl. 11:12]

Júlíus, rök þín eru grunnhyggin. Þau líta algjörlega framhjá tveimur þáttum:

1) Ísland er langt í frá eina landið þar sem nota má vatnsaflsvirkjanir til að knýja álver. Það er ofureinföldun að stilla þessu þannig upp að hvert einasta tonn af áli sem er framleitt með vatnsafli hérna sé tonn sem hefði verið framleitt með minna umhverfisvænnri orku annars staðar. Mörg lönd í Suður-Ameríku, þar sem álver eru víða, eru mjög vatnsaflsvædd - og eins og fram kemur í fréttatilkynningunni sem Hlynur birtir hér, þá er hið sama uppi á teningnum í Afríku.

2) Það er mengandi að flytja álið fram og til baka. Súrál er ekki unnið úr jörðu á Íslandi; það er flutt inn annars staðar frá. Að flytja súrál sérstaklega til Íslands og til baka aftur þegar það hefur verið brætt veldur því meiri mengun en ef það hefði verið brætt nálægt þeim stað sem það var grafið úr jörðu. 

[Gestur Guðjónsson, 25.7.2007 kl. 12:19]

Þessi samtök sem Hlynur er að lýsa stuðningi við með birtingu þessarar fréttatilkynningar, eru andlýðræðisleg, þar sem þau bera ekki virðingu fyrir lögum. Sem betur fer er rétturinn til mótmæla afar sterkur hér á landi og bundinn í þeirri sömu stjórnarskrá og Hlynur hefur svarið drengskaparheit við. Þess vegna á ekki að láta líðast að svona athafnir nái tilgangi sínum með of mikilli umfjöllun og fréttaflutningi þegar mótmælin fara fram í andstöðu við lög og reglur hér á landi.

[Hlynur Hallsson, 25.7.2007 kl. 22:01]

Þær eru afar merkilegar athugasemdirnar sem sumir skilja eftir hér á síðunni minni. Fyrst smá leiðrétting: Ég er ekki varaþingmaður og tala aðeins fyrir mína eigin hönd en ekki annarra vandamanna. Kristófer Sigurðsson heimtar svör og skal hann upplýstur um að ég styð stjórnarskrána og drengskaparheit. Hef ekki lýst yfir stuðningi við "ólöglegar athafnir" eins og Kristófer kallar friðsöm mótmæli. Öllu alvarlegra eru samt ritskoðunartillögur Gests Guðjónssonar. Skilningur okkar á lýðræðinu er sennilega mismunandi og það verður bara að hafa það. En allt tal um "...of mikla umfjöllun og fréttaflutning..." er einkennilegur málflutningur í landi þar sem skoðanafrlesi, frelsi fjölmiðla og ritfrelsi á að ríkja. Ég veit ekki til þess að birting fréttatilkynninga sem auk þess hafa verið birtar annarsstaðar sé glæpur. Ég veit ekki til þess að neinn hæfi verið fundinn sekur fyrir mótmælin að undaförnu og reyndar enginn verið ákærður enn þó að fulltrúi ALCAN-Rio Tinto hafi hótað því í dag. Maður er nú orðinn ýmsu vanur frá þeim sem hafa allt á hornum sér varðandi mótmæli á Íslandi svo þessi málflutningur kemur mér ekki sérstaklega á óvart þó að hvimleiður sé. Svo bið ég bara alla vel að lifa og bestu kveðjur frá Berlín,

[Guðjón Helmut Kerchner, 25.7.2007 kl. 22:51]

Ál hefur alltaf verið frekar vafasamt, núna er það notað í vopn gegn alþýðunni. Íslendingar eiga að sýna fordæmi í þessu máli og hætta að nota álpappír og annað sem styrkir vopnaframleiðslu í þágu imperíalismanna í Bandaríkjunum.

[Gestur Guðjónsson, 26.7.2007 kl. 01:44]

Eru þá allar ákvarðanir sem teknar eru í ritstjórnum og fréttamat þeirra um hvað birtist og hvað ekki í raun ritskoðun samkvæmt skilningi Hlyns, ef marka má orð hans hér að ofan? Það er margt sem gerist í samfélaginu sem ekki ratar í fréttir...