GT verktakar greinilegt glæpafyrirtæki

Það er óhugnanlegt að horfa uppá þessa GT verktaka haga sér eins og verstu mafíubófa. En það er svo sem ekki langt í fyrirmyndirnar. Þessi þrælkun á erlendum verkamönnum hefur viðgengist árum saman upp á Kárahnjúkum og nú einnig í verktakabransanum í Borginni. Starfsmannaleigur er orðið dulnefni fyrir þrælahald. Stjórnvöld hafa lokað augunum og verkalýðshreyfingin er eins og sofandi risaeðla. Gott að einhverjir eru að rumska og vonandi tekst AFLi að fá þessa verktaka dæmda. En hvað um yfirvöld sem hafa horft á og látið þetta viðgangast, samið við verktakana sem lofa bótum og ætla að kippa öllu í liðinn. Við höfum kallað þetta yfir okkur með Kárahnjúkavirkjun Impregilo og nú þessum GT undirverktökum. Sjá einnig frétt á vísir.is.

Fleiri starfsmenn GT verktaka leita eftir aðstoð hjá AFLi

Athugasemdir

[Fríða Eyland, 8.10.2007 kl. 01:28]

Þeir verða í mesta lagi sektaðir, þeir eru verktakar og sá hópur sem hefur verið ósnertanlegur á íslandi frá seinna stríði.

Mannsal er aldrei einu sinni nefnt í fréttunum en þetta er ekkert annað og ekki þjóðinni til sóma heldur skammar. 

En það kraumar víða í pottunum þessa dagana, svo mikið er víst.

Nú eru fasteigakaupendur í hrönnum að missa sitt á nauðungaruppboð í auknu mæli, talað um ný met..!!

Skemmtu þér vel í Köben 

[Halla Rut , 8.10.2007 kl. 02:02]

Ég skammast mín fyrir land okkar.

[Ari Guðmar Hallgrímsson, 8.10.2007 kl. 09:25]

Ekki alveg sammála því að verkalýðhreyfingin haf sofið á verðinum,Afl starfsgreinafélag hefur frá því að framkvæmdir hófust við Kárahnjúka talað fyrir daufum eyrum stjórnvalda og vinnumálastofnunar,og þær aðgerðir sem þeir eru með í gangi núna virðast vera að stranda á aðgerðarleysi lögreglu

[Jórunn Sigurbergsdóttir , 8.10.2007 kl. 23:41]

Ég vil að það sé farið með alla eins hér, útlenda sem íslenska. Þetta er skömm.