Steinn Kristjánsson opnar sýninguna "Hugrenningar" á Café Karólínu laugardaginn 2. febrúar 2008, klukkan 14

Steinn Kristjánsson

Hugrenningar

02.02.08 - 29.02.08

Velkomin á opnun laugardaginn 2. febrúar 2008, klukkan 14

Café Karólína // www.karolina.is
Kaupvangsstræti 23 // IS 600 Akureyri // 4612755
---

Laugardaginn 2. febrúar 2008, klukkan 14 opnar Steinn Kristjánsson sýninguna "Hugrenningar", á Café Karólínu á Akureyri.

Steinn Kristjánsson útskrifaðist frá fagurlistadeild Myndlistaskólans á Akureyri 2007. Hann stundar nú nám við kennaradeild Háskólans á Akureyri.  Hann segir um sýninguna á Café Karólínu:

"Umræðan í þjóðfélaginu fer fram á ólíkum stöðum. Mörgum sýnist sem hefðbundið kaffihúsaspjall sé á hröðu undanhaldi fyrir spjallrásum og bloggsíðum. Fólk er að eiga í orðaskiptum  á netinu sem það myndi ekki eiga undir fjögur augu.

Sýningin Hugrenningar er tilraun listamannsins til að færa umræðuna aftur inn á kaffihúsið undir formerkjum bloggsins. Hann setur ekki upp sýningu sem á að hanga vikum saman á staðnum. Heldur er það listamaðurinn sjálfur sem hangir á kaffihúsinu og gerir eitthvað nýtt og spennandi á hverjum degi. Í stað þess að blogga um eitthvað hengir hann upp renning, s.k. hugrenning. Á hann skrifar hann sínar hugrenningar um það sem honum liggur á hjarta hverju sinni, límir á hann teikningar, ljósmyndir og úrklippur. Öllum er heimilt að kommenta á renninginn. Í stuttu máli er þetta tilraun um mannleg samskipti. "

Nánari upplýsingar veitir Steinn í steinn52(hjá)visir.is og í síma 8490566

Sýningin á Café Karólínu stendur til 29. febrúar, 2008. Allir eru velkomnir á opnun laugardaginn 2. febrúar, klukkan 14.

Sýning Brynhildar Kristinsdóttur á Karólínu Restaurant hefur verið framlengd til 29. febrúar 2008. Þann 1. mars opnar Jón Laxdal nýja sýningu á Karólínu Restaurant.

Umsjónarmaður sýninganna er Hlynur Hallsson

Athugasemdir

[arnar valgeirsson, 1.2.2008 kl. 00:47]

þið eruð ótrúlega dugleg þarna noranfjalls í sýningarhaldi. fór að vísu sjálfur að sjá hjá honum steingrími eyfjörð, náfrænda.... sem ég frétti reyndar bara í vikunni.... og líkaði vel. nóg um að vera svosem í borginni en maður nennir alltof lítið.

myndi gjarna vilja sjá sýningu jóns laxdals sem mig minnir að hafi verið forsöngvari í stórhljómsveitinni bjössarnir hér fyrir ekki svo löngu. kannski rúmum tuttugu árum..

hann gerði eitt af mínum uppáhaldsljóðum, nú eða textum: "þrítugur hamar að baki".

[Edda Agnarsdóttir, 3.2.2008 kl. 12:28]

Ææ ég verð hálf öfundsjúk af öllu þessu listalífi ykkar Akureyringa. Þvílik sprengja - bara að það væri ekki svona dýrt að fljúga.