Forsendur kjarasamninga brostnar - verðbólgan á hraðri uppleið

Og þessi ríkisstjórn ætlar bara að horfa á Reykjavík brenna og spila á gítar eða söngla eitthvað á meðan. Þessi efnahagsvandi er heimatilbúinn og sökudólgurinn er stefna Sjálfstæðisflokksins með fjármálaráðherra og forsætisráðherra fremsta í flokki. Árni Matt hvetur að meira segja til þess að hellt sé olíu á eldinn og sullað einu álveri upp í viðbót. En sennilega kýs bara 40% þennan flokk áfram. Af því bara eða til að halda í "stöðugleikann". Og Samfó hjálpar til enda tekið við hlutverki Framsóknarflokksins sem hækjan.

Forsendur samninga að bresta?

Athugasemdir

[Ásgrímur Hartmannsson, 25.3.2008 kl. 16:00]

Hey, á meðan krónan er há er mikið hægt að fá fyrir ál - enda er það flutt úr landi.

Og á meðan til er fólk sem fær fúlgur fjár frá útlöndum er altaf nóg af fólki til að borga upp húsnæði sem selt er á okurverði og okurvöxtum, svo bankarnir sökkva ekki á meðan.

En um leið og fara að koma vandamál með að borga... nú, fyrst eignast bankarnir húsnæðið.  Svo fara bankarnir kannski á hausinn, nema þeir nái að selja húsnæðið.  Ef bankarnir fara á hausinn eignast annað hvort Ríkið eða einhverjir auðmenn eða fyrirtæki sem hafa lánað bönkunum pening húsnæðið (og fasteignir aðrar).

Hvað svo?

Það, skal ég segja þér, væri alvöru kreppa.

[corvus corax, 25.3.2008 kl. 16:41]

Ég hélt að það væri þannig að því lægri sem krónan er miðað við erlenda gjaldmiðla því fleiri íslenskar krónur fást fyrir óbreytta erlenda upphæð fyrir útflutta vöru til að greiða kostnaðinn sem er mestallur í íslenskum krónum eins og t.d. laun. Kannski vilja sumir skilja þetta öðruvísi... Og forsendur kjarasamninganna voru brostnar þegar skrifað var undir samningana til að ljúga að launafólki því ekki eru verkalýðsforkólfarnir á neinum aumingjalaunum svo þeim má vera skítsama, sem þeim auðvitað er. Og annað, hver er þessi Gylfi sem ekkert getur nema sífrað um að ef verðbólgan haldi áfram verði að koma saman og tala, tala, tala... Það er alltaf sama helvítis þvaðrið í þessu verkalýðsliði. Hvernig væri að berja í borðið núna og koma á allsherjar vinnustöðvun í landinu. Það getur ekki verið ólöglegt að verja rétt sinn og barna sinna til lífs í þessu auma landi þegar allir samningar eru sviknir jafnóðum og þeir eru samþykktir.

[Gunnlaugur B Ólafsson, 25.3.2008 kl. 18:28]

Er greining Páls Óskars á vandanum nokkuð verri en hver önnur. Hann sagði að þeir sem að væru mjög efnaðir þyrftu að hætta að nota gulltannstöngla, en hinir sem hefðu minna á milli handa þyrftu að meta stöðuna áður en þeir keyptu þriðja flatskjáinn.

Gleymum því ekki að við höfum það í aðalatriðum ágætt og verum þakklát fyrir það.

[Gunnar Th. Gunnarsson, 25.3.2008 kl. 18:28]

Djöfull eruð þið VG heppnir að þurfa ekki að díla við svona ástand. Það væri sprenghlægilegt að sjá ykkur klóra ykkur út úr þessu.

[Marinó Már Marinósson, 25.3.2008 kl. 22:02]

og ég sem ætlaði að kaupa mér reiðhjól núna í vor.  

[Hlynur Hallsson, 26.3.2008 kl. 08:42]

Takk fyrir innleggin. Ég veit hinsvegar að það hafa  það ekki allir eins gott og Gunnlaugur vill halda fram. Láglaunafólk hefur frekar áhyggjur af því að nú rjúka afborganir af lánum upp og mataverð hækkar. Flest okkar hafa það örugglega ágætt og betra miðað við marga en því miður eru það einnig margir sem hafa það skítt.

Ég tek undir með nafna mínum Hlyni Snæbjörnssyni og bendi Gunnari einnig á að Vinstri græn hafa einmitt komið með ítarlegar tillögur um hvernig ríkisstjórnin ætti að bregðast við. Það er hægt að lesa um þær hér.