Leita í fréttum mbl.is

Sjálfstæðisflokkurinn er lasinn...

burtxd.jpg...og ekki bara með eitthvert smá kvef heldur eitthvað miklu verra. Vonandi batnar honum nú samt og lagast af þessar frjálshyggju-einkavinavæðingu. Sem er alvarlegur sjúkdómur og bitnar verst á þeim sem síst skyldi, nefnilega saklausu fólki í þessu landi. Á meðan ætti flokkurinn að fara í veikindaleyfi til að að jafna sig.
mbl.is Uppgjör Óla Björns við Sjálfstæðisflokkinn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Grétar Einarsson og Óskar Ásgeir Ástþórsson

Sjálfsætðisflokkurinn er ekki bara lasinn heldur fár sjúkur. Ég tel það nauðsynlegt fyrir samfélag okkar, fyrir lýðræðið í landinu og fyrir stjórnmál hér á landi að þessi flokkur klofni. Hin upprennandi valdakynslóð í þessum flokki er frjálshyggjukynslóð sem ég tel í raun mjög hættulega fyrir okkar samfélag, nái flokkurinn að halda áfram stöðu sinni.

Grétar Einarsson

Grétar Einarsson og Óskar Ásgeir Ástþórsson , 11.9.2008 kl. 13:29

2 Smámynd: Rúnar Haukur Ingimarsson

Er bilbúinn með mitt uppgjör við Sjálfstæðisflokkinn í næstu alþingiskosningum já og líka í næsta sveitastjórnar líka. Ekki hátt skrifaðir eftir ruglið sem er í gangi hérna í heimabænum okkar.

2 kostir í stöðunni hérna VG eða listi fólksins !

Rúnar Haukur Ingimarsson, 11.9.2008 kl. 17:00

3 Smámynd: Haraldur Davíðsson

Mér hefur nú sýnst að einhverskonar holdsveiki hrjái flesta flokka hér, það detta af þeim limirnir og þeir rifna og klofna og leka niður......

....en sjálftökuflokkurinn er ekkert annað en glæpasamtök og landráðahyski.

Haraldur Davíðsson, 11.9.2008 kl. 17:17

4 identicon

Eiginhagsmunasamtökin í Valhöll?

Húnbogi Valsson (IP-tala skráð) 12.9.2008 kl. 09:25

5 Smámynd: Rúnar Sveinbjörnsson

Flokkurinn hefur ekkert breyst. En fólk er vonandi að sjá í gegn um blekkinguna, sem hann stendur fyrir.  Að einhverju leiti er það "blaðri" okkar á netinu að þakka. En hvað um það flestir gömlu kjósendurnir munu kjósa hann aftur, en af hverju??

Rúnar Sveinbjörnsson, 12.9.2008 kl. 20:32

6 Smámynd: Haraldur Davíðsson

...bogið bak eftir torfkofana....mold í hárinu...

Haraldur Davíðsson, 13.9.2008 kl. 03:36

7 Smámynd:  Úrsúla Jünemann

Ég er ansi hrædd um að margir munu kjósa Sjálfstæðisflokkinn af gömlum vana aftur. Og einnig flestir þeirra sem eru ópólitískir. Þetta er því miður stór hópur og hefur eyðilagt útkomu kosninguna oftar en einu sinni.

Úrsúla Jünemann, 13.9.2008 kl. 12:14

8 Smámynd: Rakel Sigurgeirsdóttir

Verð að taka undir það sem Úrsúla segir hér að ofan og aðrir hafa ýjað að líka. Það er því miður þannig að einhverjir kjósa Sjálfstæðisflokkinn af gömlum vana. Vona að þeim sé að fækka en ég verð að segja eina sögu þessu til staðfestingar.

Þegar Kvennaframboðið kom fram á sínum tíma voru margir ákaflega spenntir yfir kosningasjónvarpinu vegna þess að þeir trúðu því að nú væri loksins komið það afl inn í íslensk stjórnmál sem einhverju myndi breyta. Eins og þið munið eflaust þá breyttu þær einhverju en miklu minna en vonir stóðu til.

Ein vinkona mín var ákaflega heit með Kvennaframboðinu og safnaði fjölskyldu sinni frammi fyrir sjónvarpstækinu á heimili sínu til að þeir mættu verða vitni af þeim stórkostlegu breytingum sem þetta nýja afl myndi marka í stjórnmálasögunni. Það var a.m.k. hennar trú að sú yrði raunin. Meðal þeirra sem sátu fyrir framan tækið á heimili hennar var öldruð amma hennar. 

Þegar niðurstöðurnar voru ljósar stundi sú gamla yfir fylgi Sjálfstæðisflokksins og því að Kvennaframboðið hefði ekki fengið meira út úr kosningunum en raun bar vitni. Hún var innt eftir því hvað hún hefði kosið og kom þá í ljós að það var Sjálfstæðisflokkurinn Þegar henni var bent á mótsögnina í því hvernig hún brást við niðurstöðunum miðað við þar hvar hún setti x-ið þá bar hún því við að hún hefði alltaf kosið Sjálfstæðisflokkinn. Henni fannst ekki taka því að svo öldruð kona færi að breyta því eitthvað

Rakel Sigurgeirsdóttir, 13.9.2008 kl. 15:17

9 identicon

Sæl Rakel.

Þegar kvennaframboðið kom fram, þá hreif það mig og marga fleiri að þær vildu reka þjóðfélagið eins og hin hagsýna húsmóðir. Hugsunarháttur sem okkur fannst kærkominn á alþingi og alldeilis þarfur. Þá var Ingibjörg Sólrún þar á meðal, að stíga sín fyrstu skref í opinberum stjórnmálum. Hver hefði getað trúað því þá að hún ætti seinna eftir að beita sér fyrir því (í núverandi ríkisstjórn) að eyða hundruðum milljóna á ári hverju, af okkar skattpeningum, í tilgangslausar heræfingar með útlenskum herjum?

Bendir þetta ekki til að það sé eitthvað að gerast bak við tjöldin í Samfylkingunni, sem ekki þolir dagsljósið, eins og í Sjálfstæðisflokknum?

Húnbogi Valsson (IP-tala skráð) 13.9.2008 kl. 20:25

10 Smámynd: Rakel Sigurgeirsdóttir

Blessaður Húnbogi!

Ég vildi að ég gæti bara svarað þér með því að segja að ég er þér fullkomlega sammála! En það er eitthvað í síðustu málsgreininni sem gefur mér tilefni til að halda að þú hafir lesið það út úr orðum mínum að ég telji að í núverandi stjórnarsamstarfi Sjálfstæðisflokks og Samfylkingar þá sé það bara Sjálfstæðisflokkurinn sem er með bucurnar á hælunum en hinir beri enga ábyrgð.

Þess vegna langar mig að bæta því við að ég kaus ekki Samfylkinguna í síðustu kosningum. Ég hætti að styðja Samfylkinguna fyrir u.þ.b. fimm árum. Ingibjörg Sólrún hrapaði í áliti hjá mér þegar hún samþykkti að ganga til samstarfs með Sjálfstæðisflokknum. Hún hefur ekki síður valdið mér vonbrigðum á þessu kjörtímabili en þér.

Rakel Sigurgeirsdóttir, 14.9.2008 kl. 21:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.