Þjóðfélagið er gegnsýrt af spillingu og það er kominn tími til að hreinsa út

Það eru daglega að koma fram fréttir af spillingu yfirvalda, fjölmiðla og auðmanna. Það er fyrir löngu komið nóg og við verðum að losna við undirrót spillingarinnar sem er auðvaldið sem grasserar í skjóli Sjálfstæðisflokksins og nú með dyggum stuðningi Samfylkingarinnar. Netmiðillinn Nei greinir frá einum anga DV-málsins með fréttum af því hvernig Björgólfur Guðmundsson og blaðafulltrúi þeirra feðga (sem er reyndar fyrrverandi varaþingmaður Samfylkingarinnar) höfðu bein áhrif á það sem Björgúlfur var að "styrkja". Það er kominn tími til að við rísum upp, mótmælum og tökum af okkur skóna (í stað þess að láta vaða yfir okkur á skítugum skónum) og krefjumst kosninga. Þá verður hægt að hreinsa út úr spillingarbælinu. Engan hvítþvott takk!

9.55 mbl.is segir frá því að ráðherrarnir hafi farið bakdyramegin inn. Sennilega fara þeir svo út um neyðarútganginn!

Viðbúnaður vegna mótmæla

Athugasemdir

[corvus corax, 16.12.2008 kl. 10:42]

Þjóðfélagið er gegnsýrt af spillingu, það er hárrétt! Sníkjudýr hefur hreiðrað um sig í Landsbankanum, banka okkar landsmanna og virðist ganga þar einhverra annarlegra erinda auðmanna eða sjálfs sín. Af hverju er Sigurjóni Árnasyni ekki hent út úr bankanum í orðsins fyllstu merkingu? Hann hefur engan rétt á að vera þarna, bankinn er í eigu þjóðarinnar en ekki Björgólfanna.
Og nú fyrir stundu var að berast frétt um spillingu hjá yfirmanni í Okurveitunni sem samþykkti miklar greiðslur til ættingja sinna í skjóli stöðu sinnar hjá OR. Ég er sannfærður um að þarna er um að ræða fjárdrátt, þjófnað á almannafé til að hygla sjálfum sér og sínum. Þessi djöfuls glæpalýður og sníkjudýr á samfélaginu eru alls staðar að ná sér í eitthvað á meðan við almennir launaþrælar erum látnir borga brúsann. Það þarf að eyða þessu hyski, afmá það af samfélaginu.

[Æsir (IP-tala skráð) 16.12.2008 kl. 12:51]

Þjóð Rísi

Burt með óréttlæti

Nóg Komið

Kveðja

[Eva Hauksdóttir (IP-tala skráð) 16.12.2008 kl. 13:53]

Corvus Corax, ef þú ert pirraður út í spillinguna sem viðgengst hjá bönkunum, komdu þá endilega á Austurvöll kl 9 í fyrramálið.

[Georg P Sveinbjörnsson, 16.12.2008 kl. 14:09]

Þetta er svosem búið að vera nokkuð ljóst lengi en blasir nú við öllum sem sjá vilja. Vonandi að þjóðin rísu upp og reki af sér þrælslundarstimpilinn.

[The Critic, 16.12.2008 kl. 16:48]

Spilling er ekki ný á nálinni á Íslandi og hefur viðgengist í fleiri tugi ára. Bankarnir voru gefnir vinum og kunningjum og sífellt er ráðið í hinar ýmsu stöður á pólitískum forsendum.
Ísland minnir á mafíuveldi þar sem hvítflipar ráða ferðinni og ákveða kvað má segja og kvað má ekki.

[Ari Jósepsson, 16.12.2008 kl. 18:02]

Það er alveg rétt hun er spilt og það er ekkert nýtt