Frjálsi fjárfestingarbankinn

Frelsið er dásamlegt, ég má gera það sem ég vil. Frjálsi fjárfestingabankinn er öflugur í innheimtunni, sigar lögfræðingum og innheimtufyrirtækjum, sem fitna í kreppunni, á fólk sem á ekki fyrir myntkörfulánunum sínum. Frjálshyggjan er dásamleg, bara ekki nóg af henni segir Hannes Hólmsteinn og sporgöngdrengirnar hans í Heimdalli og SUS.

Örvænting mannsins sem rústaði fyrrverandi húsinu sínu og gróf bílinn á táknrænan hátt á þjóðhátíðardaginn 17. júní er mikil. Hann fer sennilega á sakaskrá fyrir og fær dóm en bankanum er alveg sama um okkur. Sérstaklega "Frjálsa" fjárfestingarbankanum.

Ég mæli með Naomi Klein sem skrifar um aðferðir frjálshyggjunnar við að rústa þjóðfélög.

Nei er besta blaðið!

Bankinn fékk ekki lyklana

Athugasemdir

[Einar Guðjónsson, 18.6.2009 kl. 11:09]

Þessi innheimta er nú öll á vegum VG banka en Frjálsi er í eigu SPRON sem er á forræði VG banka og skilanefnda hans.Þess vegna er þetta sniðugt nafn og snjallt að kalla þessar aðgerðir skjaldborg um heimilin.

[Hörður Halldórsson (IP-tala skráð) 18.6.2009 kl. 12:46]

Hvar er Hannes? Skyldi hann hættur að kynna íslenska "efnahagsundrið" í háskólum víða um heim.Eða hefur eftirspurnin minnkað.?

[Viðar Ingvason (IP-tala skráð) 18.6.2009 kl. 23:12]

Þessi maður verður hýddur grimmilega af Íslensku "réttarkerfi" og það án tafa.

[Sigurjón Sveinsson, 19.6.2009 kl. 06:48]

Frjálsi var langfyrsti bankinn til að koma fram með úrræði vegna myntkörfulánanna þegar krónan fór í fokk. Alveg án þess að fá tilskipanir eða beiðnir frá stjórnvöldum. Skrítið, ekki satt? Og var þá í eigu SPRON, ekki ríkisbanki eða í eigu ríkisbanka.

Og Einar, Það hefur verið mikill misskilningur um þessar blessuðu skjaldborgir, að þær séu vörn. Nei, Skjaldborg er vopn, barefli, notað til að berja á lýðnum og fyrirtækjum.

Þessi maður þarna, sem rústaði húsinu, fer líklega í fangelsi, þar sem hann eyðilagði hús sem aðrir áttu. Þetta er ekki flóknara en svo. En hann á þó samúð mína alla með að hafa misst húsið til að byrja með.

[Bergsveinn Þórsson, 19.6.2009 kl. 12:43]

Hérna er frétt sem gæti varpað skýrara ljósi á hversu vel innrættur þessi maður er. Auðvitað er auðvelt að kenna vonda fólkinu í bankanum um allt.

Mér finnst þetta mál vera hrein móðgun við fólk sem er í raunverulegum vandræðum. Fyrir mér er þessi gjörningur ekkert nema sjónarspil, yfirveguð ákvörðun (ekki örvæntingafull) til þess að reyna að slá ryki í augu almennings.

Þessi gjörningur er hreinlega yfirgangssemi og mun meira í takt við tíðaranda "2007", ef svo má að orði komast. Eins gott að draga eins marga með sér í forið og hægt er! Er þetta ekki bara grægði og eigingirni?

Ef það er einhver fótur fyrir þeim ásökunum sem bornar eru þessum manni þá finnst mér ekki réttlátt að sýna honum neina samúð.