Hugo Chaves er lang flottastur

Mér líst alltaf betur og betur á Hugo Chaves. Maðurinn er auðvitað ekki fullkominn en ég held að hann sé á réttri leið. Flott að þjóðnýta olíuvinnsluna því þessir olíurisar hafa verið að arðræna fólk í Venesúela nógu lengi. Þeir geta snúið sér að olíunni í Írak núna, þökk sé Bush og félögum. Það eru fleiri og fleiri í Suður Ameríku að átta sig á að misskiptingin sem BNA hefur leitt yfir álfuna gengur ekki lengur. Hugo Chaves getur breytt þessu.

Chavez biður um samþykki á lögum um þjóðnýtingu orku- og fjarskiptaiðnaðar

Athugasemdir

[elmar (IP-tala skráð) 16.1.2007 kl. 21:55]

Hann er svo flottur að í fyrsta sinn í marga áratugi sjást virkilega fátæk börn á götu úti, búið að taka allt sjálfstæði frá seðlabankanum þar í landi. Og það besta, búið að ráða Kúbanska lækna til að sinna þeim fátækustu í landinu sem eru ekki læknar og neita að sinna þessum þjóðfélagshóp. Sennilega er marg gott sem Chavez hefur gert, en hann er hægt og rólega að snúast uppí harðstjóra sem skeytir engu hvað það kostar að halda völdum. Chavez stuðlar ekki að minni misskiptingu heldur eykur hana. Hún er bara ríkisrekin í staðin fyrir að vera einkarekin.

Þessar upplýsingar og margar aðrar hafa fengist með heimsókn til Venesúela sem og samtölum við nokkra þegna þess lands sem hafa nokkrir allavega kosið hann áður fyrr. Ég frábið mér svona þvælu Hlynur þú veist betur, eða allavega vona ég það svona fyrst ég er farinn að borga launin þín. Skamm.

[Hlynur Hallsson, 16.1.2007 kl. 22:36]

Sæll Elmar, Þetta er áhugavert hjá þér. Hvenær varst þú í Venesúela síðast? Gaman væri að fá upplýsingar frá fyrstu hendi því ég hef bara mínar fréttir af ástandinu í landinu frá nokkrum fjölmiðlum. Meðal annars þeim sem eru hér til vinstri á síðunni. Takk fyrir að borga launin mín. En óþarfi að skamm-ast. Bestu kveðjur,