Leita í fréttum mbl.is

Bloggfærslur mánaðarins, nóvember 2007

Biskupinn skammar menntamálaráðherra

biskupblessarMér líkar ágætlega við biskupinn. En stundum finnst mér hann fara offari í trúboðinu. Er ekki augljóst það eru breyttir tímar og þetta trúboð í skólum á ekki heima þar? Það er allskonar góð og gild trúfræðsla sem fer fram í kirkjunum og þar á hún heima en skólarnir eiga að vera hlutlausir þegar kemur að trúmálum sem og öðrum málum. Þess vegna sýnist mér máflutningur fulltrúa Siðmenntar mjög eðlilegur. Ég bendi einnig á fínan pistil Dofra Hermannssonar um málið og Matthías Ásgeirsson skrifar einnig góða grein í Fréttablaðið í dag.

Árið er 2007 og það gengur ekki að biskupinn skammi menntamálaráðherra sem er á braut til meiri víðsýni í þessum málum. Það á að ríkja trúfrelsi í landinu og trúboð í leikskólum og öðrum skólum á ekki við. Kærleikur og siðgæði á að vera einn af hornsteinum samfélagsins en ekki trúboð.


mbl.is Ráðherra segir Siðmennt misskilja
Tilkynna um óviðeigandi tengingu við frétt

Eru karlmenn letingjar?

445707A... ef til vill að mati þeirra sem stjórna hjá Hagkaupum. Hugmyndin er samt ekki alveg ný því um daginn var síðasta fréttin í Sjónvarpinu einmitt um svona pössunarherbergi fyrir karla í einhverri verslunarmiðstöð á Spáni.

Ef karlarnir nenna ekki að fara með til að kaupa inn þá væri nú tilvalið að vera bara heima og ryksuga eða vera búnir að elda þegar konan kemur frá því að kaupa inn fyrir heimilið. Með þessu herbergi eru karlarnir settir á leikskólaaldurinn og það er nú ekki alveg það sem við viljum, eða hvað?

Auðvitað eiga karlar að taka þátt í innkaupum heimilisins eins og konurnar og mér hefur sýnst margir karlar vera að kaupa inn í Bónus svo ástandið er nú ekki eins alvarlegt og forsvarmenn Hagkaupa virðast halda.


mbl.is Pabbar í pössun í Hagkaupum
Tilkynna um óviðeigandi tengingu við frétt

Skipting í bleikt og blátt er úrelt

423886AGott hjá Kollu að benda á að það sé dálítið einkennilegt að enn sé viðhaldið einhverri úreltri kynskiptingu strax við fæðingu barnanna okkar. Það er árið 2007 og auðvitað er fyrir löngu kominn tími til að afnema þessa skiptingu. Það væri líka mun hentugra að hafa börnin í hvítum göllum, lítið mál að breyta þessu á fæðingardeildinni. Það er eins og það sé verið að innprenta foreldrum að stelpur eigi að vera í bleiku og strákar í bláu. 

Ég spái því að (aðallega) karlkyns bloggarar fara hamförum hér í athugasemdum og sé að það eru reyndar nú þegar langar runur af skrifum um þessa frétt og flestar fyrirsagnirnar mjög í eina átt, að fordæma þessa fyrirspurn Kolbrúnar Halldórsdóttur. 

Yngsta stúlkan okkar, hún Una Móeiður fæddist heima svo henni var bara skellt í ullargallann þar og Lóa Aðalheiður er einnig fædd heima, þá í Þýskalandi en Hugi fæddist hér á sjúkrahúsinu á Akureyri. Ég hélt reyndar að það væri fyrir löngu búið að afnema þessa skiptingu í bleikt og blátt en betra er seint en aldrei.


mbl.is Ekki meira blátt og bleikt
Tilkynna um óviðeigandi tengingu við frétt

Silfur Egils er karlakjaftaþáttur

445564AÉg skil vel að Katrín Anna, Sóley og Drífa hafi ekki áhuga á að mæta í aðalkarlakjaftaþáttinn í sjónvarpinu til að Egill geti hamast á þeim. En Sigríður Andersen mætti! Egill leggst samt ansi lágt að gera blaðamanninn Elías Jón Guðjónsson tortryggilegan af því að hann er í UVG. Egill skellir inn pistli sem má lesa hér.

Það er nokkuð til í því sem Katrín segir: "Egill hefur hingað til ekki haft fyrir því að hafa samband við femínista nema þegar umræðan snýst um klám og þess háttar málefni en það væri ærin ástæða til að tala um fleiri mál."

Af blogginu að dæma fagna þeir karlar sem halda uppi málstað gegn jafnrétti og froðufella alltaf þegar minnst er á femínisma. Þeir styðja Egil.

Ég er hættur að nenna að horfa á þennan útvarpsþátt í sjónvarpi sem Silfrið er. Geisp.


mbl.is Konur sniðganga Silfrið í mótmælaskyni
Tilkynna um óviðeigandi tengingu við frétt

Steinunn Helga á Karólínu

_MG_0006

Steinunn Helga Sigurðardóttir opnar sýninguna "að snertast í augnablikinu" á Café Karólínu laugardaginn 1. desember, 2007, klukkan 14. Það verður gaman að sjá verkin hennar Steinu á þessu ljómandi kaffihúsi. Nú stendur yfir frábær sýning Birgis Sigurðssonar en henni lýkur á föstudag. Hér er tilkynning um sýningu Steinu:

Steinunn Helga Sigurðardóttir

að snertast í augnablikinu

01.12.07 - 04.01.08

Velkomin á opnun laugardaginn 1. desember 2007, klukkan 14


Café Karólína // www.karolina.is
Kaupvangsstræti 23 // IS 600 Akureyri // 4612755
---

Laugardaginn 1. desember, 2007, klukkan 14 opnar Steinunn Helga Sigurðardóttir sýninguna "að snertast í augnablikinu", á Café Karólínu á Akureyri.

Steinunn Helga Sigurðardóttir útsrifaðist úr MHÍ 1993 og stundaði framhaldsnám í myndlist hjá Jannis Kounellis í Kunstakademie Düsseldorf. Hún hefur verið búsett í Danmörku frá árinu 1993. Hún hefur haldið fjölda sýninga og  einnig skipulagt sýningar undanfarin ár.

Steinunn Helga segir um sýninguna "Sýningin er tilraun til að setja í form þær pælingar sem ég hef verið upptekin af. Hugsanir, drauma, raunveruleikann og myndunarheiminn.
Hvað er raunverulegt? Er lífið í hinum ytra heimi meira raunverulegt en lífið í hinum innra heimi?
Hvort er meira abstrakt, þar sem ég sit meðvituð og skrifa þennan texta og hlusta á þvottavélina mala í bakgrunninum, hundarnir mínir hrjóta við tærnar á mér, eða það sem gerist inni í höfðinu á mér. Þar sem ég bæði hugsa um þennan texta sem ég er að skrifa, og ýmislegt annað, sem er eins og smá myndir og hugsanir sem koma við og vilja láta hugsa sig?
Myndir sem vilja láta sjá sig, og vilja að ég gefi þeim tíma, en ég ýti þeim burtu því ég þarf að vera í hinum ytra heima þessa stundina, eða er ég það?
Ég hef engin svör, enda er það í raun ekki það sem ég hef áhuga á, en ég geri þessar pælingar að leik, þar sem ég leik mér með þessum báðum tilverum og leyfi þeim að koma fram og stjórna því sem kemur, án þess að dæma til eða frá.

Lejre. 10 nóv. 2007
Steinunn Helga Sigurðardóttir"


Nánari upplýsingar um verk Steinunnar Helgu er að finna á síðunni www.steinunn.eu og nánari upplýsingar veitir hún í steinunnhelga(hjá)gmail(punktur)com og hún bloggar á http://steina.blog.is

Sýningin á Café Karólínu stendur til 4. janúar, 2008. Allir eru velkomnir á opnun laugardaginn 1. desember, klukkan 14.

Á sama tíma stendur yfir sýning Brynhildar Kristinsdóttur á Karólínu Restaurant.

Næstu sýningar á Café Karólínu:

05.01.08-02.02.08               Guðrún Vaka
03.02.08-02.03.08               Steinn Kristjánsson
03.03.08-04.04.08               Unnur Óttarsdóttir
05.04.08-02.05.08               Guðmundur R Lúðvíksson
03.05.08-06.06.08               Kjartan Sigtryggsson

Umsjónarmaður sýninganna er Hlynur Hallsson


Frábær Frelsari

big-Frelsarinnjpg Magnús Geir hefur staðið sig afar vel sem leikhússtjóri hér fyrir norðan og það væri synd ef hann færi strax suður aftur, en auðvitað vel skiljanlegt. LA hefur blómstrað og á laugardaginn sáum við stórkostlega sýningu þar, gestasýningu Kristjáns Ingimarssonar, Frelsarann. Þetta er almennilegt leikhús og maður á eiginlega ekki orð til að lýsa verkinu. Það er bara fúlt að það voru ekki fleiri sýningar en tvær hér fyrir norðan og aðeins ein í Þjóðleikhúsinu því þetta er verk sem allir ættu að sjá og það ætti að geta gengið í mánuði. Frelsarinn er líka verk sem hentar öllum aldurshópum. Kristján hefur gert kraftaverk ásamt félögum sínum og frábært að fá að sjá þetta verk hér fyrir norðan. Þau Bo Madvig og Camilla Marienhof stóðu sig frábærlega og það var gaman að sjá hve verkið hafði þróast mikið frá því að þau gáfu Akureyringum innsýn í það síðasta vetur á æfingu hér í Gilinu. Hér er tengill á leikhúsið hans Kidda: Neander. Meira að segja gagnrýnandinn gagnrýni Jón Viðar Jónsson lofar verkið í hástert og hér má sjá umsögn hans í DV. Meira svona!
mbl.is Magnús sækir um
Tilkynna um óviðeigandi tengingu við frétt

Hægristjórn Howards fær skell í Ástralíu - sigur umhverfisverndarsinna

445466ANiðurstöður þingkosninganna í Ástralíu eru afar ánægjulegar. Hægristjórnin er rassskellt og John Howard einn helsti bandamaður Bush er ekki einu sinni kosinn á þing og það er í annað sinn sem forsætisráðherrann, í 106 ára sögu núverandi stjórnkerfis Ástralíu, tapar þingsæti sínu í kosningum.

Þetta er sigur fyrir umhverfisverndarsinna í öllum heiminum því Kevin Rudd, leiðtogi Verkamannaflokksins og væntanlegur forsætisráðherra, hét því í kosningabaráttunni, að staðfesta Kyoto sáttmálann um losun gróðurhúsalofttegunda ólíkt Howard sem stóð með Bush gegn sáttmálanum.

Það er því víðar en í Suður- Ameríku og Evrópu sem vinstri sveifla er staðfest í kosningum. Það eru bjartari tímar framundan. 


mbl.is Umhverfisverndarsinnar fagna úrslitum í Ástralíu
Tilkynna um óviðeigandi tengingu við frétt

65,5% vildu að Bjarni skilaði bréfunum í REI

445424A Ákvörðunin um að Bjarni Ármannsson hverfi frá REI er skynsamleg. 65,5% þeirra 444 sem tóku þátt í könnuninni á síðunni minni sögðu að Bjarni ætti að skila bréfunum sem hann fékk á einhverju lágmarksgengi í REI. 25,7% sögðu að hann ætti ekki að gera það, 5,9% var alveg sama og 2,9 var ekki viss. Þetta er frekar afdráttarlaust. næstum 2/3 vildu þetta. Bjarni fær millurnar sínar til baka og er sáttur við það. Ég held að meirihlutinn í Borginni sé að vinna mjög vel úr klúðri fyrrverandi meirihluta. OR og REI verður aftur í eigu borgarbúa og það er vel.
mbl.is Bjarni: fer skaðlaus frá borði
Tilkynna um óviðeigandi tengingu við frétt

Stofnum félag myndlistarfólks

37953Það hefur lengi staðið til að stofna félag myndlistarfólks hér á norðursvæðinu, nokkurskonar stéttarfélag myndlistarmanna sem berst fyrir okkar hagsmunum og beitir sér í viðkomandi málum. Við höfum nokkur verið að hittast frá því í sumar og rætt um þetta og nú er komið að því að halda formlegan fund. hér er auglýsingin og ég hvet allt myndlistarfólk til að mæta í Deigluna á morgun. Svo er opnun í BOXi í beinu framhaldi hinumegin við götuna.

Kynningarfundur að stofnun fagfélags myndlistarmanna á Norðurlandi verður haldinn laugardaginn 24. nóvember í Deiglunni, Listagili, Akureyri, kl 17:00. Kynntar verðar hugmyndir að félaginu og á fundinum verður valin undirbúningsnefnd til stofnunar félagsins.
Allt myndlistarfólk velkomið.
- Hvernig eflum við myndlist og menningu á Norðurlandi?
- Hvað á myndlistarfólk á Norðurlandi sameiginlegt?
- Hver eru hagsmunamál myndlistarmanna?
- Getum við haft meiri áhrif saman en í sitt hverju lagi?
- Hvað viljum við og hvað getum við gert?


Aðeins á undan Mogganum og með almennilega tengla:)

Reyndar var Ríkisútvarpið fyrst að birta fréttina af Ragga snilling. Annars vísa ég bara í mína síðustu færslu og þar er hellingur af frábærum tenglum á Rassa prump...
mbl.is Ragnar Kjartansson sýnir á Feneyjatvíæringnum
Tilkynna um óviðeigandi tengingu við frétt

Næsta síða »

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband