Ómar formaður Íslands...

Menn hafa greinilega verið að vinna þó að hægt hafi gengið. Búið að útnefna Ómar formann og allt. Jakob með á skútunni þrátt fyrir fréttir um að hann væri hættur við. Og málefnaskráin kynnt einhverntíma fljótlega. Og meira að segja búið að hanna merki í þrílit. Nafnið Íslandshreyfingin höfðar sennilega til þjóðernissinnaðra hægrimanna og ég vona að Ómar og félagar saxi á fylgi Sjálfstæðisflokksins þó að ég efist um að margir setji x við i á kjördag. Aðgangur að síðunni þeirra er samt bannaður (Forbidden) ennþá.

Ómar formaður og Margrét varaformaður Íslandshreyfingarinnar

Athugasemdir

[Anna Ólafsdóttir Björnsson, 22.3.2007 kl. 15:47]

Fékk skrýtna tilfinningu þegar ég fór á þennan ,,Forbidden" vef í morgun, af því ég hef verið svo ljómandi jákvæð gagnvart Ómari og félögum. Langaði að sjá grænan valkost langt til hægri við VG, hugsanlegan samstarfsaðila eftir kosningar sem sagt. En þetta er varla barn í brók, ábyggilega ,,Forbidden" fyrir hægri menn, kannski valkostur fyrir þá sem töpuðu með Jakobi Frímanni og Margrét, mér finnst hún meira hægri en græn (með þeir skárri á hægri kantinum samt) en og ég er ekki alveg viss um fyrir hvað hún stendur, frekar en Samfylkingin. Vona samt að Ómari takist að heilla fullt af grænleitum hægri sinnum og mér er svo sem sama þótt græna gengið verði grisjað úr Samfylkingunni en á ekki von á því að það gerist. Þannig að eftir alla biðina smá vonbrigði en alltaf vongóð samt um að þetta skáni.

[Lárus Vilhjálmsson, 22.3.2007 kl. 16:46]

Vefur hreyfingarinnar verður tilbúinn eftir nokkra daga og engum foribidden. Þar verða líka stefnan og málefnaskráin sen ætti að hugnast vel þeim vilja stöðva stóriðjubrjálæðið en eru óöruggir gagnvart vinstri stefnu VG. Það verður bara að segjast eins og er að nú í dag er bara tveimur stjórnmálahreyfingum treystandi fyrir því að stöðva álversvæðinguna. VG og Íslandshreyfingunni - lifandi landi. Og Jón ef þér finnst nafnið pirrandi, hvað finnst þér þá um nafnið Sjálfstæðisflokkurinn?   

[Stefán Friðrik Stefánsson, 22.3.2007 kl. 20:35]

Hverjum hefði órað fyrir því þegar að Ómar hóf baráttu sína í haust og var valinn sjónvarpsmaður ársins í SMS-kosningu að hann yrði orðinn flokksleiðtogi fyrir vorið - maður sem vill fara á þing. Þarna er kominn annar umhverfisflokkur. Fróðlegt að sjá hver áhrif Ómars verða er á hólminn kemur.

mbk.

[óskilgreindur, 22.3.2007 kl. 21:33]

loksins kominn flokkur sem skilur að við lifum á 21 öldinni, þar sem nýsköpun, þekkingariðnaður og hátækni er það sem málið snýst um í sambandi við efnahagsmál og svo að sjálfsögðu umhverfisvernd. Þau fa mitt atkvæði í kosningunum. ekki spurning. ætlaði að skila inn auðu annars - vegna megnar ónægju með hina flokkana.