Meinti hann ekki besta kostinn?

Geir H. Haarde hefur sennilega mismælt sig eða Agnes Bragadóttir ekki tekið rétt eftir. Fyrirsögnin ætti að vera: "Geir H. Haarde telur samstarf Samfylkingar og VG besta kostinn". Annars er þetta ekki frétt! Hvað er svo sem fréttnæmt við að formanni íhaldsins þyki það versti kosturinn að þurfa að sitja í stjórnarandstöðu á næsta kjörtímabili. Agnes Bragadóttir klikkaði þarna á mesta skúbbi ársins. Ef fréttin hefði verið að honum þætti samstarf Vinstri grænna og Samfylkingar besti kosturinn þá væri ástæða til að birta frétt um málið. Þessu hljóta svo allir að bíða spenntir eftir að lesa í Sunnudagsmogga (sem ætti reindar að heita "Laugardagskvöldsmoggi": "Agnes segir að það muni eflaust vekja athygli hvað Geir Hilmar segir um jafnréttismál og hvernig hann telur Sjálfstæðisflokkinn hafa staðið sig í þeim málum." Mér kæmi það á óvart að hann gefi sjálfum sér aðra einkun en "vel". Og fyrirsögnin á viðtalinu verður: "Geir H. Haarde telur Sjálfstæðisflokkinn hafa staðið sig vel í jafnréttismálum" . 

Geir H. Haarde telur samstarf Samfylkingar og VG versta kostinn

Athugasemdir

[Kristján Logason, 25.3.2007 kl. 01:12]

Ekki var það aprílgabb

Agnes og Geir að spjalli

Án stjórnarinnar stöðugt kvabb

strekkingur á palli

Mér barst til eyrna eftirfarandi og átti það að hafa verið kveðið úr Geirs húsi:

Ekki vil ég stofni stjórn

stuttir komma tittir

mun ég færa litla fórn

Framsókn þjáning styttir

Allt með tölu höfum átt

auðmenn landsins ríka

Fiskimiðin fjallið hátt

flóð og fjöru líka

Mér finnst best að breytist fátt

bauð mér dabbi stjórna

Ekki mun ég hafa hátt

né hnossi mín fórna

Að baki mér eru bústnir menn

bankar,sjóðir, stjórnir

Vilji þeirra víst er enn

vesll þú frelsi fórnir

Kjóstu því ekki komma titt

konur né aðra græna

Fallið gætir í frelsis pytt

fundið gleði væna

hvort hér var um vögguvísu formanns að ræða er ekki vitað

[Ólafur Þórðarson, 25.3.2007 kl. 02:11]

Hvaða leiðinda vefsjónvarp er þetta?

[TómasHa, 25.3.2007 kl. 13:04]

Það er nú ekki Geir sem býr til fyrirsagnirnar.   Þetta er auðvitað ekki frétt, þetta er eitthvað sem er vitað, og algjört klikk hjá mogganum að birta svona staðreyndir.  

Það er gott mál hjá Hlyn að benda á þetta.