Leita í fréttum mbl.is

Krúttlegasta álver í heimi

krútt.álverHér er frábær mynd af krúttlegu "litlu" álveri sem á að rísa í Helguvík, helst sem fyrst. Það er ótrúlega sætt, mengar lítið, sést varla og geltir ekki. Það eru tré allt í kringum það (að vísu eitthvað daufleg) og fólk að ganga, börn að hlaupa og hellingur af fuglum að dást að því. Þetta er frábært. Jón Sig. stoppformaður og Geir H aðalformaður eru grænir af öfund yfir þessu krúttlega álveri sem stóriðjustefnan þeirra á engan þátt í að koma á koppinn. Þetta er næstum fullkominn heimur sem við lifum í.
mbl.is Hitaveita Suðurnesja og Norðurál undirrita orkusamning vegna álvers í Helguvík
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ólafur Þórðarson

Já þetta gæti verið barnaskóli, byggðasafn eða sjopping moll. Ég er viss um að svona verður þetta í alvörunni. Er þetta ekki líka ál-gangstétt?

Ólafur Þórðarson, 23.4.2007 kl. 22:41

2 Smámynd: Pétur Björgvin

Gott ef þetta er ekki aðgerð gegn gróðurhúsaáhrifum.

Pétur Björgvin, 23.4.2007 kl. 22:49

3 Smámynd: Ólafur Þórðarson

Bechtel hefur örugglega byggt mikið af stöffi á fyrrum svæði varnarliðsins í Keflavík og Írak. Ætli þeir fái samninga þarna líka?

Eins manns dauði er annars brauð.

Ólafur Þórðarson, 23.4.2007 kl. 23:57

4 Smámynd: Pálmi Gunnarsson

Mér sýnist nú eins og fuglarnir séu allir á hraðleið út úr myndinni og barnið líka. En þar sem er nú farið að ræða þessi blessuð álver, vitið þið hvort búið er að ráða þennan sem vantaði í Alcoa hljómsveitina fyrir austan????? 

Pálmi Gunnarsson, 24.4.2007 kl. 00:42

5 Smámynd: Anna Ólafsdóttir Björnsson

Er þetta örugglega ekki brandari?

Anna Ólafsdóttir Björnsson, 24.4.2007 kl. 00:46

6 Smámynd: Púkinn

Púkinn skilur nú ekki alveg hvað þetta er að gera í bloggflokkum "Trúarbrögð" - nema þá að boðskapurinn sé sá að þetta sé trúaratriði hjá vinstri grænum...eða hvað?

Púkinn, 24.4.2007 kl. 08:58

7 Smámynd: Pálmi Gunnarsson

Ég er nú ekkert hissa á því að þetta hafi dottið inná „Trúarbrögð“ Kristin trú, Lúthersk trú, Aluminium trú -

Pálmi Gunnarsson, 24.4.2007 kl. 09:49

8 Smámynd: Guðjón Sigþór Jensson

Fróðlegt væri að fá upplýsingar um orkuverð og önnur praktísk atriði varðandi þessi nýjustu "afreksverk" Jóns Sigurðssonar formanns Framsóknarflokksins 2-3 vikum fyrir kosningar. Lítur Framsóknarflokkurinn á hlutverk sitt í samfélaginu þannig að með leynilegum samningum við stóriðjuna megi færa flokknum einhverja tekjustofna, greiðslur sem nýta má í gegndarlausa áróðursmaskínu flokksins síðustu vikur fyrir kosningar?Fyrstu samningarnir við Álbræðsluna í Straumsvík voru galopnir öllum þeim sem höfðu nennu á og úthald að stauta sig fram úr þeim flóknu textum. Þeir hljóðuðu upp á óvenjulágt lágt orkuverð en sérstakan einskatt skyldi álbræðslan greiða í ríkissjóð, framleiðsluskatt. Nú vilja álverin gjarnan losna við þetta framleiðslugjald og aðlaga rekstur sinn eins og önnur fyrirtæki landsins að skattaumhverfi sem almennt gildir. Nú þarf á þessum tímapunkti að taka upp sérstakan skatt vegna umhverfisins, umhverfisskatt eða mengunargjald. Með þeim ætti að vera tilgangurinn að mæta þeim mjög háa kostnaði sem felst í umfangsmiklum mótaðgerðum að binda gróðurhúsalofttegundir. Talið er af sérfræðingum Skógræktar ríkisins að nú þurfi að gróðursetja skóg á Íslandi sem þeki um 9 þús. ferkílómetra eða áþekkt landssvæði og jöklarnir í dag eða hraunin. Það er feyknamikill kostnaður við skógrækt ef rétt er haldið á spöðunum. Við Íslendingar getum ekki með nokkru móti sætt okkur við að Framsóknarflokkurinn gefi álfyrirtækjunum eftir ókeypis mengunarkvóta þeim til handa jafnvel þó svo þessi fyrirtæki séu tilbúin að inna einhverjar greiðslur af hendi sem lendir kannski fyrst og fremst í kosningasjóði Framsóknarflokksins. Er Framsóknarflokkurinn tilbúinn að gera grein fyrir tekjum sínum af stóriðjunni? Meðan ekkert er að gert á þeim bæ skulu spjótin standa á stjórnmálaflokki þessum sem tilbúinn er að fórna öllu í þágu skyndigróða og skammtímasjónarmiða, öðrum atvinnumöguleikum Íslendinga til tafa og tjóns.Samningar við stóriðjuna eru ekki einkamál Framsóknarflokksins!Mosi 

Guðjón Sigþór Jensson, 24.4.2007 kl. 11:39

9 Smámynd: Jenný Anna Baldursdóttir

Álverið alveg svakalega dúllulegt

Jenný Anna Baldursdóttir, 24.4.2007 kl. 16:11

10 Smámynd: Kristín M. Jóhannsdóttir

Maður vill nú bara álver í öll bæjarfélög ef þau eru svona falleg og heilsusamleg. Og ég sem hélt ég væri á móti álverum.

Kristín M. Jóhannsdóttir, 24.4.2007 kl. 17:30

11 Smámynd: Páll Jóhannesson

Þetta er umhverfisstefna núverandi stjórnvalda í hnotskurn. Málum fallega mynd og svo kemur slabbið í ljós þegar á líður

Páll Jóhannesson, 24.4.2007 kl. 22:17

12 Smámynd: Kristján Pétursson

Kapphlaupið að koma þessu álveri á koppinn fyrir kosningar er svo augljóslega gert fyrir Framsóknarfl.Ég held að ríkisstjórnarfl.ættu frekar að hefja mengunarrannsóknir á fyrrverandi varnarsvæðum,þar sem fjöldi sorphauga, sprengjuefnasvæði  og alls konar mengandi eiturefni eru út um allt frá stríðsárunum.Hluti af byggð í Reykjanesbæ eru með menguð efni,svo hér getur verið um alvarleg heilsufarleg mál að ræða.Þessar rannsóknir geta kostað miljarða og ættu að vera forgangsverkefni fyrir byggðalögin á Suðurnesjum,en ekki Helguvík.

Kristján Pétursson, 24.4.2007 kl. 23:15

13 Smámynd:  Úrsúla Jünemann

Vá! Svona vil ég fá heima hjá mér í garðinn. Ótrúlega flott og smekklegt. þessii tílbúna mynd af Krútt- álverinu toppar jafnvel fótóshoppaða kosningarmynd af honum Birni Bjarnasyni.

Úrsúla

Úrsúla Jünemann, 25.4.2007 kl. 11:49

14 Smámynd: Valgerður Halldórsdóttir

Tek undir - það virkar næstum eins og hreinsistöð fyrir sál og líkama. Það er verst að litla "krúttlega" álverið þarf "brjóstamjólk" til að "álast" og "góða bleyju" til að losa sig við úrganginn - svo enn meiri mjólk og enn stærri bleyju til að geta fengið að stækka og dafna eins og öll önnur alvöru  álver í framtíðinni. Ekki viljum við að það þurfi að skammast sín innan um öll hin stóru og duglegu álverin í framtíðinni. Skítt með einhver hallærisleg gróðurhúsaáhrif - sem engin sér hvort sem er!

Valgerður Halldórsdóttir, 25.4.2007 kl. 12:20

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.