Stórtónleikar til verndunar náttúru Íslands og gegn stóriðju

SAVING ICELAND KYNNIR:

STÓRTÓNLEIKAR Á NASA – TIL VERNDUNAR NÁTTÚRU ÍSLANDS OG GEGN STÓRIÐJU, MÁNUDAGINN 2. JÚLÍ KL 20.00

Hljómsveitir og tónlistamenn sem fram koma eru meðal annarra:

Múm, Ólöf Arnalds, Bogomil Font og félagar, Magga Stína, Rúnar Júl, Ellen Eyþórs, Mr. Silla og Mongoose, Bloodgroup, Evil Madness, Skátar, Ljótu Hálfvitarnir, Retro Stefsson, Strakovsky Horo, Dj Árni Sveins.

Miðaverð er 2500,- og rennur allur ágóði til náttúruverndar. Miðar verða seldir við innganginn. Frjáls framlög eru einnig vel þegin. Allir listamennirnir gefa vinnu sína til stuðnings samtakana Saving Iceland og verndunar náttúru Íslands.

Þeir sem að tónleikunum standa að þessu sinni eru samtökin Saving Iceland, sem verða með mótmælabúðir í sumar þriðja árið í röð, og standa einnig fyrir ráðstefnunni Hnattrænar afleiðingar stóriðju og stórstíflna, um helgina 7. - 8. júlí að Hótel Hlíð, Króki, Ölfusi, þar sem fjöldi fyrirlesara mun flytja erindi og innlendir og erlendir náttúruverndarsinnar munu bera saman bækur sínar.

Náttúruverndarsinnar og aðrir sem áhuga hafa eru hvattir til að mæta og sýna góðu málefni stuðning í sumri og sól.

Látið ekki þessa stórtónleika fram hjá ykkur fara.

Eins og fyrr segir hefjast tónleikarnir kl 20.00, mánudaginn 2. júlí. Húsið opnar kl 19.30.

BJÖRGUM ÍSLANDI FRÁ STÓRIÐJU!

Nánari upplýsingar hjá www.savingiceland.org, Sigurði Harðarsyni - 6637653 Jason Slade - 6902862

Athugasemdir

[Karl Tómasson, 26.6.2007 kl. 20:31]

Sæll minn kæri.

Ég fagna tónleikum sem eru til verndar landsins og náttúru þess.

Ekki meira úlfur, úlfur.

Kær kveðja frá Kalla Tomm úr Mosó.

[Ásthildur Cesil Þórðardóttir, 26.6.2007 kl. 21:21]

Ég sendi bara bestu kveðjur og góðar óskir um gott gengi.  Megi þessir aðilar blómstra og fjölga sér.  Ekki veitir af á þessum síðustu og verstu tímum, þegar nánast allt er falt fyrir peninga, það er bara að nefna réttu upphæðina.  Þeir hefðu svo sannarlega selt Gullfoss í dag. 

[Tryggvi L. Skjaldarson, 27.6.2007 kl. 09:57]

Fínt að hita upp fyrir tónleikana með því að hlusta á diska með álþynnu.  Sötra bjór úr áldollu.  Senda sms til félaganna úr álsímanum. Taka leigubíl með vél að stórum hluta úr áli.

[Gunnar Th. Gunnarsson, 27.6.2007 kl. 15:25]

Já, ál er málmur hins illa. Sömleiðis bætt lífskjör, örugg atvinna, stöðug innkoma gjaldeyris, hagkvæm byggðaþróun og betur nýttar almannaþjónustur. Við erum í heljargreipum djöfulsins.

[Pétur Þorleifsson , 27.6.2007 kl. 21:34]

Það er líka ekkert mál að sóa þessum málmi sem öðrum : "Enda er nú svo mikill auður á Íslandi að þarf að farga honum, bílaumboð í borginni fargaði á síðasta ári 4-5 ára gömlum notuðum bílum sem ekki fékkst nógu hátt verð fyrir, frekar en selja þá ódýrt."

[Gunnar Th. Gunnarsson, 27.6.2007 kl. 23:23]

Ég er hjartanlega sammála því að sóun er firring. Það væri mun vænlegra baráttumál umhverfissinna að beita sér fyrir betri nýtni hluta og ætti í raun að vera skyldufag í skólum "Nýtni 101"

[Hlynur Hallsson, 28.6.2007 kl. 16:39]

Loksins getum við verið sammála um eitthvað Gunnar. Nýtni er góð! Og nýtni er reyndar baráttumál allra umhverfissinna. Bestu kveðjur,