Gott framtak hjá Umhverfisráði, áfram strætó!

Það er ef til vill ekki stórt skref að ákveða að nefna stoppistöðvar eftir skólum eða götum í stað þess að hafa þær nafnlausar en allavega löngu tímabært. Víðast hvar er þetta reglan og hér í Berlín heita allar stoppistöðvar strætó, sporvagna, neðanjarðarlesta og lesta eftir götum eða byggingum. Annars veit ég ekki hvernig fólk færi að því að átta sig á því hvert það á að fara og hvað stöðin heitir þar sem maður á að skipta um lest. Þetta auðveldar öllum að komast leiðar sinnar og vekur athygli á merkisstöðum. Ferðamenn hljóta einnig að taka þessu fagnandi. Akureyringar geta svo farið að fordæmi Reykvíkinga og nefnt sínar stoppistöðvar einnig og Reykvíkingar geta svo farið að fordæmi Akureyringa og haft ókeypis í strætó.

Fyrsta strætóstöðin nefnd „Verzló"

Athugasemdir

[Baldur Fjölnisson, 24.7.2007 kl. 14:06]

Jamm, góðra gjalda vert og vonandi verður síðan fljótlega þetta haft ókeypis. Síðan er sjálfsagt að koma netsambandi í vagnana. 

[Hrafnhildur Ýr Benediktsdóttir (IP-tala skráð) 24.7.2007 kl. 17:17]

og Reykvíkingar geta svo farið að fordæmi Reykvíkinga og haft ókeypis í strætó.

Þú meinar að fordæmi Akureyringa og haft ókeypis í strætó... ekki satt? 

[Hlynur Hallsson, 24.7.2007 kl. 21:55]

Takk fyrir þessa leiðréttingu Hrafnhildur. Búinn að kippa þessu í liðinn :) Bestu kveðjur,