Bandaríski herinn þrífi eftir sig sjálfur

Er ekki bara hægt að æfa síg í því að hreinsa upp draslið og sprengjurnar sem Herinn skyldi eftir sig og sagði okkur að laga bara til. Ótrúlegur aulaskapur af þeim sem ætluðu að "semja" um brottför hersins að þora ekki að segja múkk við bandaríska herinn. Og svo eru sóttir hingað "sérfræðingar" sem hafa verið í Írak, Afganistan og fleiri stríðshrjáðum löndum (af völdum bandaríska hersins). Áhersla er lögð á hryðjuverkasprengjur! Er ekki allt í lagi!

Sprengjueyðingaræfing hófst í dag

Athugasemdir

[Guðsteinn Haukur Barkarson, 28.8.2007 kl. 15:06]

Nákvæmlega Hlynur! Ég er nú Grindvíkingur, og ófá voru þau skipti sem við fundum: sprengjur, byssukúlur og alls kyns drápstól á mínum yngri árum. Herinn var þarna eins og landinn veit, með stórar bækistöðvar í kringum Þorbjörn og reyndar allt nágrenni Grindavíkur sem og Keflavík. Þess vegna var ekki erfitt að rekast á svona lagað 8 ára gamall. Þú getur ímyndað þér afleiðingarnar á svona ófögnuði.

Núna í dag eru vopnin mun skæðari en þau sem ég fann úr seinna stríði, og Guð forði oss frá því að börn finni svona út um allar trissur eins og þegar ég var barn. Þess vegna tek ég innilega undir þessa grein þína og mættu fleiri taka þig sér til fyrirmyndar! 

[Einar Ólafsson, 28.8.2007 kl. 19:33]

Æ já, Hlynur, eða öllu heldur nei, það er ekki allt í lagi.

[Jón Valur Jensson, 29.8.2007 kl. 01:02]

Geir H. Haarde, sem um tíma virtist ætla að taka þátt í gagnrýnisnauðinu í Bandaríkjamönnum vegna herstöðvarmálsins, hefur fyrir fáeinum mánuðum sagt það skýrt og skorinort í sjónvarpsviðtali, að mengun og eftirliggjandi rusl, sem hreinsa þurfi upp eftir herliðið, hafi reynzt langtum minna en menn voru að óttast.

Hættið þessu öfundarnauði, piltar. Það minnsta sem við getum þá gert, þegar rusl kemur í ljós á okkar eigin landi, er að þrífa það upp sjálfir, enda var mikið framlag fólgið af hálfu Bandaríkjamanna til einmitt slíks hreinsistarfs, þegar þeir létu af hendi við okkur geysileg verðmæti í fasteignum og tækjum á vellinum.

Við megum ekki gera okkur að viðundri í augum þeirra og annarra bandamanna okkar. Reykjavíkurflugvöll þáðum við að gjöf frá Bretanum í lok stríðsins, Keflavíkurflugvöll frá Bandaríkjamönnum stuttu síðar, stóran hluta Flugstöðvar Leifs Eiríkssonar á 9./10. áratugnum og nú síðast öll þessi íbúðarhús, flugskýli og tækniaðstöðu við brottför hersins, auk alls stuðnings Bandaríkjanna við efnhagslíf okkar gegnum tíðina og purkunarlauss hermangs af okkar hálfu. Mæta þá ekki Rauðgrænir á Völlinn með sitt endemis öfundartal og ásakanir á hendur þessara tryggustu bandamanna okkar, sem ofan á allt saman hafa veitt þessu landi ókeypis hervernd í hartnær 60 ár! Hvar er sjálfsvirðingin hjá þeim Íslendingum, sem halda þannig, út frá átyllu ruslhreinsunar, áfram að beina spjótum sínum að flísinni í auga Bandaríkjamanna?

[Gunnar Th. Gunnarsson, 29.8.2007 kl. 01:28]

Ég er sammála Jóni Vali hér að ofan, nema kannski þetta með ókeypis hervernd. Í fyrsta lagi voru þeir ekkert að hugsa um okkur heldur voru hér á eigin forsendum, þó við nytum góðs af því. Í öðru lagi þá veittum við þeim aðgang að landi okkar í staðinn fyrir verndina og þeir hefðu alveg mátt þrífa eftir sig sjálfir.

[Hans Haraldsson (IP-tala skráð) 29.8.2007 kl. 01:53]

Auðvitað er þetta óþarfi!

Lengi gerðu menn göt í tundurduflabelti með þeirri aðferð að fylla gömul skip af korki eða einhverju öðru efni sem flýtur, festa stýrið og láta þau svo reka í gegn um hættusvæðið. Eftir að duflin voru sprungin marði skipskrokkurinn (eða hlutar hans) í hálfu kafi, vegna korksins, og það var hægt að draga hann í burtu. Eftir það var óhætt að sigla í gegn um beltið á þeim stað.

Ég hef líka heyrt sögur af því að stríðsaðilar í Úganda (Bandaríkjamenn koma þar hvergi við sögu og það er ólíklegt að þú hafir lesið um átökin á vef samtaka "hernaðarandstæðinga") hafi fundið upp á leið til að hreinsa burt jarðsprengjur. Hún fellst í því að smala saman nokkru ólánsömum einstaklingum og láta þá hlaupa yfir jarðsprengjusvæðið. Þannig er hægt að sprengja flestar jarðsprengjurnar.

Ef hér finnst sprengja þá notum við bara eitthvað hugvitsamlegt tilbrigði við þessar aðferðir til að losna við hana. Ég geri fastlega ráð fyrir því að sjá þig og aðra andstæðinga ónauðsynlegs hernaðarbrölts á meðal sjálfboðaliðanna.

[Jens Guð, 1.9.2007 kl. 01:35]

  Undirlægjuháttur íslenskra stjórnvalda er og var algjör gagnvart bandaríska hernum.  Það var aldrei samið um neitt.  Það var bugtað og beygt sig í auðmýkt.  Aldrei gerðar neinar kröfur um eitt né neitt.  Bara sagt já og amen.  Aumingjaskapur íslenskra stjórnvalda var og er algjör.  Og ekki er reisn íslenskra stjórnvalda meiri með Ingibjörgu Sólrúnu sem utanríkisráðherra.