Leita í fréttum mbl.is

Rífandi stemning hjá VG

vgÞað er frábært að vera á Flúðum að fagna góðum árangri úr kosningunum og leggja drög að enn meiri sigrum á næstu misserum. Það skiptir líka miklu máli að veita aðhald og tala áfram fyrir góðum málum. Þessi ríkisstjórn lofar heldur ekki góðu og virðist verða framlenging á fyrri leiðindastjórn. En það verður bara enn skemmtilegra í stjórnarandstöðunni og gott að vera stærsti flokkurinn þar. Það ríkir mikill einhugur í Vinstrihreyfingunni grænu framboði og menn skemmta sér yfir staksteinum (úr glerhúsum). Svo eru sumir auðvitað að vorkenna vinstrisinnunum í Samfó sem hljóta að fara að átta sig.

Það verður rætt saman til ellefu í kvöld og áfram í fyrramálið. Ég hlakka til síðsumarferðar hér á morgun. Þetta verður góð dagsferð um hluta Þjórsár undir leiðsögn Bjargar Evu Erlendsdóttur sem lýkur með grilli.


mbl.is Steingrímur: Hlutverk VG að vera mótvægi við Sjálfstæðisflokkinn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Ingi Cæsarsson

Það er ekki undarlegt þó það sé rífandi stemming...enn ein fjögur árin í stjórnarandstöðu og áhrifaleysi hjá formanninum...til hamingju með það og gott að þið gleðjist :-)

Jón Ingi Cæsarsson, 1.9.2007 kl. 00:34

2 Smámynd: Ingólfur Ásgeir Jóhannesson

Leitt að geta verið með ykkur, Hlynur, vegna pestar sem hefur verið að ergja mig undanfarna daga. Hér hellirignir fyrir norðan, en ég heyrði í spánni að það myndi stytta upp jafnskjótt og vinstri græn væru tilbúin til að ganga. Rigningin hér á Akureyri núna er samt gott veður.

Ingólfur Ásgeir Jóhannesson, 1.9.2007 kl. 12:02

3 Smámynd: Hlynur Hallsson

Það rættist heldur betur úr veðrinu Ingólfur og þetta var frábær ganga og fjöldi heimamanna bættist í hópinn og svo var okkur boðið í kaffi og móttökur voru stórkostlegar. Fólk sem áður kaus íhaldið ætlar ekki að gera það í framtíðinni því þau vita hverjir standa með þeim þegar á reynir. Bestu kveðjur,

Hlynur Hallsson, 1.9.2007 kl. 21:13

4 Smámynd: Jóhannes Ragnarsson

Það er fremur sjaldgjæft að ég sé sammála Staksteinum Moggans. En síðastliðinn laugardag bregður svo við, að ég get ekki annað en tekið undir staksteinapistil þar sem félaga Steingrími J. og hans vinum í VG er lýst sem hreinum og beinum glópum varðandi óskiljanlegt stefnuleysi þeirra á sviði verkalýðsbaráttu, sem ætti aða öllu eðlilegu að vera grundvallaratriði hjá stjórnmálaflokki sem kallar sig ,,vinstrihreyfingu" og segist í orði kveðnu vera ,,róttækur vinstriflokkur." En gefum Staksteinum orðið: ,,Steingrímur J. gerði þessu grundvallaratriði engin skil. VG sýnir þessu engan áhuga. Hvað er orðið um hugsjónir þess fólks, sem skipar raðir VG? Er engin tilfinning lengur í þessum flokki fyrir hagsmunum alþýðu manna á Íslandi? Snýst pólitíkin bara um af hverju VG tapaði, hversu vond Samfylkingin er og að VG sé orðinn þriðji stærsti flokkur þjóðarinnar? Vinstri grænir eru ráðvilltur og stefnulaus flokkur. Því miður. Þeir vita ekki hvar þeir eru og hvert þeir eiga að fara. Allra sízt formaðurinn."

Jóhannes Ragnarsson, 2.9.2007 kl. 13:19

5 Smámynd: Hlynur Hallsson

Ég myndi hafa meiri áhyggjur af því að vera sammála Stakstenum úr glerhúsi Moggans, Jóhannes. Ég bendi þér bara á að lesa góðan pistil Árna Þórs um málið. Bestu kveðjur,

Hlynur Hallsson, 3.9.2007 kl. 08:56

6 Smámynd: Jóhannes Ragnarsson

Hef lesið og afgreitt pistil Árna Þórs. Sjá: http://joiragnars.blog.is/blog/joiragnars/entry/301860/

Jóhannes Ragnarsson, 3.9.2007 kl. 18:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband