Leita í fréttum mbl.is

Atlantsolía klikkar líka, allir að hjóla

atlantsolia_logoÉg var að vonast til að Atlantsolía myndi ekki sigla í kjölfar hinna stóru olíufélaganna og hækka bensínið, en það stóð nú ekki lengi. Svar okkar er auðvitað að hjóla meira, ganga eða taka strætó. Þeir sem endilega verða að fara með bíl geta svo sameinast um ferðir t.d. í vinnuna og í skólann. Hvernig væri að gera eitthvað í málunum?
mbl.is Atlantsolía hækkar einnig eldsneyti
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd:  Úrsúla Jünemann

Auðvitað eigum við sem mest að draga úr notkun bílsins og kaupa þar með minna af eldsneyti.  Einasta rétta svarið við okurverð á vöru er að kaupa hana ekki eða allavega sem minnst af henni. Reiðhjólið er yndislegt faratæki fyrir styttra vegalengdir og það eru til mjög góð skjólföt núna til dags. Allt sem vanta eru bara betri og greiðari reiðhjólagötur. Tökum reiðhjólin fram og krefjum í leiðinni betri hjólreiðagötur!

Úrsúla Jünemann, 3.9.2007 kl. 14:11

2 Smámynd: Morten Lange

Heyr, heyr !

Þau meðal lesenda sem vilja auka veg hjólreiða eru velkomnir að  hafa samband við Landssamtök hjólreiðamanna, og til dæmis leggja okkur lið með hjóladeginum, 22.september, í Reykjavík. Farið verður í hjólalest úr hverfunum og frá Hafnarfirði með viðkomu í Garðabæ og Kópavogi. Þá verður tjarnarsprettur á miklum hraða, sýning á mjög áhugaverðum hjólum í Raðhúsinu og margt fleira. Ekki síst verður fyrirlestur bresks sérfræðings um hvernig hjóla af öryggi í umferðinni, þökk sé styrks úr Pokasjóði.

Samstarf um uppákomur annars staðar á landinu er líka áhugavert  Eins og ár hvert, stendur Evrópska samgönguvikan 16.-22. september.

LHM er líka með póstlista sem menn geta skráð sér á  með tölvupósti til lhm@islandia.is 

Morten Lange, 3.9.2007 kl. 17:59

3 Smámynd: Hrafnhildur Ýr Vilbertsdóttir

Tek undir þessi orð þín Hlynur,ekkert nema jákvætt við það að ganga eða hjóla, það er bæði umhverfisvænt og hin besta líkamsrækt.

Hrafnhildur Ýr Vilbertsdóttir, 3.9.2007 kl. 19:53

4 Smámynd: Berglind Steinsdóttir

Þessu til viðbótar var ég að frétta að einhver bensínsölufyrirtæki tækju frá úttektarheimildir á kortum kaupenda, þ.e. gerðu ráð fyrir frekari bensínkaupum sem þýddi e.t.v. að fólk færi yfir úttektarheimildir sínar án þess að hafa hugmynd um það. Ég kaupi svo afskaplega sjaldan bensín að ég þekki það ekki sjálf - hvað með ykkur hin? 

Berglind Steinsdóttir, 3.9.2007 kl. 20:19

5 Smámynd: Þuríður Björg Þorgrímsdóttir

Mikið vildi ég óska að ég gæti notað strætisvagnana og hjólið meira. En ég verð bara að viðurkenna það að ég er algjörlrga háð bílnum mínum. Ég er einstæð móðir, bý í miðbænum, vinn í Múlunum og sonur minn gengur í skóla í Hlíðunum. Hjólið er því algjörlega út úr myndinni. Strætisvagnasamgöngur eru svo strjálar að ég get ekki treyst á þær þannig að allir geti mætt á réttum tíma. Ég legg til að við reynum að þrýsta á um að strætókerfið verði verulega bætt og fargjöld lækkuð eða afnumin svo það verði alvöru möguleiki fyrir bissí fólk að nota það!

Þuríður Björg Þorgrímsdóttir, 3.9.2007 kl. 20:50

6 Smámynd: Guðjón Sigþór Jensson

Já er ekki rassinn sá sami undir þeim öllum: Ólís, Atlanta, Orku og Skelfings Enn einum? Já þetta er hreint skelfilegt og Skeljungur má því mín vegna Skelfingur nefnast enda hefur það fyrirtæki verið einna mest orðað við að koma á samráði íslensku olíufurstanna gegnum tíðina.

Það þótti saga til næsta bæjar hér um árið að aðalmaðurinn í þeim ljóta leik var um tíma viðhengi eins af þrem handhöfum íslensks forsetavalds og ferðaðist með diplómatapassa á vegum íslenska ríkisins vítt og breytt um víða veröld. Ójá þetta er ein sú heilagsta kýr landsins og mátti víst ekki stugga við henni fremur en þeim ekta heilögu kúm austur á sléttum Indlands.

Gangi okkur öllum vel að ganga og hjóla, ásamt því að nýta okkur almenningssamgöngur þó svo við þurfum að borga rándýr blá okurkort. Gefum olíufurstunum langt nef - við getum það líka!!!

Mosi - alias 

Guðjón Sigþór Jensson, 3.9.2007 kl. 21:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.