Rassi prump fulltrúi okkar í Feneyjum 2009

Ragnar Kjartansson (yngri) verður fulltrúi okkar íslendinga á næsta Feneyjatvíæring árið 2009. Þetta er mjög gott því Ragnar (Rassi prump) er snillingur! Ég er viss um að hann rúllar upp þessari sýningu og ég er strax farinn að hlakka til. Hann var með frábæra sýningu í Nýlistasafninu um daginn og hann sýnir í stofunni hjá okkur í Kunstraum Wohnraum hér á Akureyri þann 16. mars 2008. Hann  verður einnig með á "bæ bæ Ísland" sýningunni í Listasafninu á Akureyri í mars. Þrátt fyrir að vera ekki gamall maður hefur Raggi farið víða og sýnt um allt. Hann var líka með á "aldrei - nie - never" sýningunni sem ég skipulagði í Gallerí +, Nýló og hjá Kuckei+Kuckei í Berlín. Alda Sigurðardóttir vinkona mín á Selfossi minnti mig einnig á frábæra sýningu sem Raggi var með hjá okkur í GUK+ árið 2004. Ragnar er ekki bara þekktur sem myndlistarmaður því hann er einnig aðalgaurinn í gæðahljómsveitinni Trabant. Ég mæli með heimasíðunni hans og sérstaklega myndbandinu "Dauðinn og börnin". Áfram Raggi!

Athugasemdir

[Fríða Eyland, 22.11.2007 kl. 15:26]

Raggi er frábær, ég er meira en sátt við tilnefninguna

[Ár & síð, 22.11.2007 kl. 22:37]

Rassi Prump fretar í fótspor Steingríms.
Hét ekki nýjasta sýningin hans Bógómíl Prump?

[Jóhannes Ragnarsson, 23.11.2007 kl. 13:17]

Hmmm ... hvenær varð Ragnar þessi listamaður? ...

[Hlynur Hallsson, 23.11.2007 kl. 14:33]

Já, hann Raggi er flottur. Ætli hann Ragnar "þessi" hafi ekki orðið formlega myndlistarmaður árið 2001 þegar hann útskrifaðist úr LHÍ. En hann var nú örugglega miklu fyrr orðinn myndlistarmaður. Hvenær verður maður annars hitt og þetta? En hvenær varð Jóhannes "þessi" bloggari? Bestu kveðjur,