Allir á skíði!

Líka Kristján Loftsson og bara ríkisstjórnin öll með. Upp í Hlíðarfjall og vera þar allavega fram að jólum svo að liðið geri ekki meir óskunda en orðið er. 250 umfjallanir í enskumælandi fjölmiðlum og 95% afar gagnrýnar á ákvörðun ríkisstjórnarinnar að hefja hvalveiðar. Æ, æ, gleymdist svo að fá leyfi fyrir hvalstöðinni. Ekki er nú öll vitleysan eins! Hvaða óðagot og rugl er þetta? Er sjávarútvegsráðherra að fara af límingunum. Róa sig niður á skíðum!

Snjóframleiðsla komin í gang í Hlíðarfjalli

Athugasemdir

[Arnljótur Bjarki Bergsson, 18.10.2006 kl. 13:48]

Allir á skíðishvali?

Þeir sem hafa haft rétt fyrir sér hafa líka verið gagnrýndir, ekki satt?

Það er Hvals hf. en ekki ríkistjórnarinnar að verða sér út um vinnsluleyfi. Ég hygg Kristján muni kappkosta að tryggja að sú vinnsla sem hann vill að verði stunduð meigi fara fram í húsnæði Hvals hf.

Er ákvörðun sem hefur verið nokkur ár í undirbúningi óðagot. Afhverju telur þú Einar Kristinn vera að fara á límingunum.

Ef menn gæða sér ekki á skíðishvölum gætu menn skemmt sér á sjóskíðum eða snjóskíðum, allt eftir því hvar menn eru staddir.

[Hlynur Hallsson, 18.10.2006 kl. 22:53]

Einar K. Guðfinnsson fer ekki réttar boðleiðir með málið. Fyrst eru hlutirnir negldir niður t.d. án samráðs við fólk í ferðaþjónustunni eða utanríkismálanefnd og það útaf fyrir sig er lögbrot. Svo eru sendiherrar erlendra ríkja kallaðir á fund og þeim gert viðvart og svo er formönnum þingflokka sagt frá og nefndum eins og sjávarútvegs- og utanríkismálanefnd. Tímasetningin er einnig útí hött. Ef veiðar væru stundaðar þá væri veiðitímabilinu lokið núna. Ég veit ekki hvort þú getur lesið leiðara Moggans útí japan Arnljótur Bjarki, en ef svo er þá myndir þú átta þig á því að þessi ákvörðun er röng og á kolvitlausum tímapunkti. Bestu kveðjur,