Aki Kaurismaki hundsar Bush

Aki Kaurismaki er flottur og samkvæmur sjálfum sér þegar hann segist ekki mæta til Hollywood þrátt fyrir að nýjasta myndin hans "Lights of the Dusk" sé tilnefnd til óskarsverðlaunanna. Á mbl.is segir:

Finnski kvikmyndagerðarmaðurinn Aki Kaurismaki hefur neitað að senda nýjustu kvikmynd sína í forval til Óskarsverðlauna í mótmælaskyni við stefnu George Bush Bandaríkjaforseta í utanríkismálum. Finnska kvikmyndastofnunin valdi mynd hans, Lights of the Dusk, sem framlag Finna til verðlaunanna, en Kaurismaki neitaði að senda myndina í forvalið og því munu Finnar ekki senda neina mynd til verðlaunanna í ár.

„Þegar The Man without a Past var tilnefnd til Óskarsverðlauna árið 2002 ákváð Aki að mæta ekki til verðlaunanna í mótmælaskyni við það sem var að gerast í heiminum á þeim tíma, og í mótmælaskyni við stjórnvöld í Bandaríkjunum,“ sagði Ilkka Mertsola, aðstoðarmaður Kaurismaki. „Ekkert hefur breyst síðan þá og þess vegna sér hann sér ekki fært að taka þátt í hátíðinni að þessu sinni.“

Þetta hefur vakið heimsathygli og það er gott hjá Aki. Leikarar og kvikmyndagerðarfólk í Hollywood hafa sem betur fer verið dugleg að gagnrýna stríðsglæpi bandaríkjaforseta og Aki undirstrikar það með því að nenna ekki einu sinni að mæta á staðinn. Leningrad Cowboys fara semsagt ekki til Ameríku fyrr en Bush er farinn og BNA hætt að ráðast á önnur ríki. Plús í kladdann fyrir þennan kvikmyndasnilling.

 

Kaurismaki sendir ekki mynd á Óskarinn í mótmælaskyni við Bandaríkjastjórn

Athugasemdir

[Gunnar Helgi Eysteinsson, 20.10.2006 kl. 10:00]

Hann er hetjan mín. Aki, þetta nafn ætla ég að leggja á minnið.