Leita í fréttum mbl.is

Vorsýning Myndlistaskólans á Akureyri

big-AkureyrijpgFastur liður í menningarlífinu á Akureyri er Vorsýning Myndlistaskólans. Það er búið að vinna hörðum höndum að því að undirbúa þessa sýningu síðustu vikurnar og nú er allt klappað og klárt og sýningin verður opnuð á morgun klukkan 14. Það eru sautján nemendur að útskrifast af þremur deildum skólans og ég hef umsjón með þremur nemendum sem útskrifast sem myndlistarmenn af fagurlistadeildinni sem venjulega er bara kölluð myndlistardeildin (eða málaradeildin!) Þetta eru þau Hertha Richardt Úlfarsdóttir, Inga Björk Harðardóttir og Margeir Sigurðsson "Dire". Þau vinna afar ólík og skemmtileg verk, persónuleg og flott og ég hvet alla sem vettlingi geta valdið til að sjá afraksturinn um helgina. Hér er svo fréttatilkynningin frá skólanum:

"Þrítugasta og fjórða starfsári Myndlistaskólans á Akureyri lýkur með veglegri sýningu á verkum nemenda í húsnæði skólans. Sýnd verða verk nemenda fornámsdeildar, listhönnunar- og fagurlistadeildar. Þar gefur að líta sýnishorn af því helsta sem nemendur hafa verið að fást við í myndlist og hönnun á þessu skólaári.

Fjörutíu og fjórir nemendur stunduðu nám í dagdeildum skólans og af þeim munu sautján brautskrást frá skólanum að þessu sinni. Þrír sem grafískir hönnuðir, Friðlaugur Jónsson, Karl Halldór Reynisson og Margrét Ingibjörg Lindquist. Þrír sem myndlistarmenn, Hertha Richardt Úlfarsdóttir, Inga Björk Harðardóttir og Margeir Sigurðsson. Ellefu úr fornámsdeild, Berglind H. Helgadóttir, Bjartur Karlsson, Dagrún Íris Sigmundsdóttir, Guðrún Eysteinsdóttir, Gunnar Rúnar Guðnason, Heiða Erlingsdóttir, Hildur Ása Henrýsdóttir, Sindri Smárason, Unnur Jónsdóttir og Þuríður  Sverrisdóttir

Einnig verða sýnd verk eftir nemendur sem voru á barna- og unglinganámskeiðum á vorönn. Allir eru hjartanlega velkomnir í Myndlistaskólann á Akureyri um helgina. Sýningin verður opin kl. 14:00 til 18:00 laugardag, sunnudag og mánudag, annan í hvítasunnu."

Heimasíða skólans: www.myndak.is

VORSÝNING 2008
Myndlistaskólinn á Akureyri.
Opin helgina 10. - 12. maí kl. 14:00 - 18:00
Sýningarstaður: Kaupvangsstræti 16


« Síðasta færsla | Næsta færsla »

Athugasemdir

1 Smámynd: arnar valgeirsson

til hamingju með gengið. þetta verður hrikalega gaman. verst að vera á öðru horni en það er svosem nóg um að vera þar líka.

þetta eru skemmtilegustu sýningarnar.

arnar valgeirsson, 10.5.2008 kl. 00:45

2 Smámynd: Hlynur Hallsson

takk fyrir það arnar og bestu kveðjur í borgina,

Hlynur Hallsson, 11.5.2008 kl. 11:19

3 Smámynd: Kristín M. Jóhannsdóttir

Þessi mynd af Akureyri er alveg dásamleg.

Kristín M. Jóhannsdóttir, 14.5.2008 kl. 18:09

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.