Leita í fréttum mbl.is

Bjarni, Guðni, Geir, Árni, Björgvin, Ingibjörg Sólrún, Valgerður...

Það er farin af stað hrina afsagna sem hingað til hefur einskorðast við Framsóknarflokkinn. Spurningin er hvenær Geir H. Haarde stígur niður úr fílabeinsturninum og segir af sér? Og svo ríkisstjórnin öll. Það er komið nóg af lygum, hálfsannleik, yfirhylmingum, aftölum og bulli. Við þurfum þjóðstjórn strax og kosningar við fyrts tækifæri. Það sjá allir sem vilja eitthvað sjá.


mbl.is Guðni segir af sér þingmennsku
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Gylfi Björgvinsson

Guðni er stórmenni .... nú sést hverjir axla ábyrgð.

Gylfi Björgvinsson, 17.11.2008 kl. 15:36

2 Smámynd: Sævar Einarsson

Ég var einmitt að rausa um þetta hérna, þetta eru stórtíðindi !

Sævar Einarsson, 17.11.2008 kl. 15:41

3 Smámynd: Hlynur Hallsson

Spillingar- og einkavinavæðingardrottningin Valgerður Sverrisdóttir er tekin við og Framsókn fer niður fyrir 5%.

Bestu kveðjur,

Hlynur Hallsson, 17.11.2008 kl. 15:49

4 Smámynd: Guðmundur Auðunsson

Það er auðvitað æpandi að ríkisstjórnin og seðlabankastjóri sitja enn, þegar peðin í Framsóknarflokknum eru hætt. Flokkurinn er auðvitað dauður, spurningin bara hvað verður um leyfarnar. Nú situr einkavinavæðingarfrúin sem formaður líksins og kemst því á blöð sögunnar sem síðasti formaður hins fyrrverandi stórveldis í íslenskum stjórnmálum, Framsóknarflokksins. Enda er það við hæfi, flokknum mun hellst vera minnst fyrir að hafa verið í fararbroddi einkavinavæðingarinnar sem við erum að súpa seyðið af í dag.

Guðmundur Auðunsson, 17.11.2008 kl. 16:02

5 Smámynd: Torfi Kristján Stefánsson

Steingrímur er nú eini stjórnarandstöðueiðtoginn sem hefur staðið vaktina og mótmælt gerræðislegum vinnubrögðum ríkisstjórnarinnar.

Þessi staðreynd er auðvitað sár fyrir íhaldsmennina bláu en satt engu að síður.

Enda sýnir það sig að fylgið flykkist yfir til Vinstri-grænna.

Við fáum vonandi hreinar línur í næstu kosningum, svo hreinar að kratarnir geta ekki svikist undan lit enn einu sinni!

Torfi Kristján Stefánsson, 17.11.2008 kl. 17:59

6 Smámynd: Þorsteinn Ásgeirsson (Icerock)

Gæti orðið almenningi til happs ef afsagnir alþingismanna yrði tískufyrirbrigði.

Þorsteinn Ásgeirsson (Icerock), 17.11.2008 kl. 23:02

7 identicon

Guðni er ekki að axla neina ábyrgð með þessu. Hann er bara í fýlu út í sinn eigin flokk.

Eva Hauksdóttir (IP-tala skráð) 18.11.2008 kl. 10:10

8 Smámynd: Guðbjörn Guðbjörnsson

Hlynur:

Ég er eiginlega sammála þér og stærsta risaeðlan, Steingrímur J., ætti einnig að segja af sér.

VG myndu styrkjast mikið við að fá Katrínu Jakobsdóttur sem formann flokksins.

Til dæmis þarf flokkurinn að endurskoða afstöðu sína til ESB og með Steingrími er það ekki hægt frekar en hjá Sjálfstæðisflokknum með Geir í formannssætinu.

Ingibjörg er líka komin fram yfir síðasta söludag!

Guðbjörn Guðbjörnsson, 18.11.2008 kl. 13:52

9 Smámynd:  Úrsúla Jünemann

Burt með þessa ríkistjórn! Nóg er komið af því að það sé logið að okkur og falið staðreyndir sem máli skipta. Í lýðræðisríki á alþýðan rétt á því að fá að vita allan sannleikann.

Úrsúla Jünemann, 18.11.2008 kl. 15:12

10 Smámynd: Steinunn Helga Sigurðardóttir

kæri hlynur minn, hérna er gott að fylgjast með því sem er að gerast heima, um það erum ég og gunni sammála.

kærleiksknús til þín

steina

Steinunn Helga Sigurðardóttir, 19.11.2008 kl. 07:06

11 Smámynd: Gunnar Th. Gunnarsson

Og nú haldið þið að sé lag fyrir VG!? Ef VG kemst í ríkisstjórn, þá held ég að þessi þjóð sé komin í mjög slæmt karma. Kreppan hefur lyft refsivendi sínum ótæpilega á íslensku þjóðina og sumu og ýmsu má um það kenna, en að refsa þjóðinni í ofanálag með ráðherrastólum undir rassinn á Steingrími Joð, Ögmundi, Kolbrúnu og Jóni "vaðmáli" Bjarnasyni, væri miskunarlaust af almættinu.

Eini þingmaðurinn sem virðist vera mennskur í flokknum er Katrín varaformaður.

Gunnar Th. Gunnarsson, 21.11.2008 kl. 01:29

12 identicon

Ég held reyndar að það sé engin töfralausn að skipta um ríkisstjórn. Við þurfum hreinlega nýtt stjórnskipulag, sem ekki býður upp á að vald safnist á of fáar hendur. En á meðan við búum við fulltrúalýðræði er allavega rétt og nauðsynlegt að skipta út þeim sem eru búnir að sanna vanhæfni sína. 

Mér sýnist nú landinn vera búinn að fá sína flengingu fyrir að kjósa kapítalistasvínin yfir sig þrátt fyrir augljós merki um í hvað stefndi, svo væri ekki rétt að gefa honum færi á að gjöra iðrun og yfirbót með því að kjósa nýtt fólk. Það er allavega ekki að sjá að almættið sé með Geir Haarde og félögum í liði.

Eva Hauksdóttir (IP-tala skráð) 21.11.2008 kl. 12:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband