Nú þarf að taka til

Það er verk að vinna. Eftir 18 ára óstjórn Sjálfstæðisflokksins er þjóðarbúskapurinn í rúst, erlendar skuldir stjarnfræðilegar, fjölda atvinnuleysi er að bresta á og fyrirtæki og heimili að fara á hausinn.
Það er ótrúlegt að hlusta á einhverja Sjálfstæðismenn halda því fram að þeim einum sé treystandi fyrir öllu. Veruleikafirring þessarar manna er algjör, er hægt að fara neðar. Sjálfstæðisflokkurinn er kominn undir botninn eða er enginn botn hjá þessum flokki?
Og þá þarf að taka til, byggja upp og henda út spillingunni, fara í aðgerðir í stað þess að gera ekki neitt. Vinstri græn eru tilbúinn til að fara í aðgerðir strax, það er auðvitað ekki skemmtilegt hlutverk að þurfa að taka til eftir frjálshyggjusukkið en einhver verður að gera það.
Það var bjartsýnn tónn á fundinum í gær en auðvitað einnig raunsær. Við höfum aðeins sér brot af rústunum og ástandið á eftir að versna. En við getum þó hrósað happi að ráðherrar sjálfstæðisflokksins fá ekki tækifæri til að rústa heilbrigðiskerfinu og velferðarkerfinu enn frekar.
Þess vegna verðum við að hafa óbilandi trú á framtíðina og bretta upp ermar. Við erum tilbúin. Þó fyrr hefði verið!

Húsfyllir hjá Vinstri grænum

Athugasemdir

[Liberal, 28.1.2009 kl. 10:33]

Og hvaða aðgerðir eru það?  Hvaða lausnir boðið þið í VG? 

Það leysir engan vanda að reka Davíð.  Þið viljið skila IMF láninu, og hvað á þá að koma í staðinn?  Þið ætlið að afskrifa skuldir fólks á einu bretti, hver á að borga fyrir það?

Hvað ætlið þið að hækka skatta mikið?  Hver verður hátekjuskatturinn sem þið ætlið að leggja á og við hvaða tekjur miðast hann?  Vitið þið að hátekjuskattur bitnar á þeim sem mest vinna, þ.e.a.s. þeim sem eru að reyna að halda heimilum sínum í dag?

Hvað ætlið þið að hækka fyrirtækjaskatta mikið?  Fyrirtækin eru í dag að sligast undan ástandinu og þið ætlið að gera þeim enn erfiðara fyrir.

Hvað ætlið þið að hækka fjármagnstekjuskatt mikið?  Fólkið sem hefur sparað alla sína ævi þarf nú að horfa á eftir sparnaðinum hverfa í skattlagningu ykkar.

Hvernig ætlið þið að stuðla að verðmætasköpun í þjóðfélaginu?  Ætlið þið að láta ríkið sjá um allt (þ.e.a.s. ráða alla til ríkisins á ríkislaun og vinna fyrir ríkið) eða ætlið þið að örva einkaframtakið og láta fyrirtækin blómstra í friði fyrir ríkisafskiptum?

Þið munið ekki vilja skera niður í ríkisútgjöldum eins og gera þarf, hvar ætlið þið að ná tekjum til að láta enda ná saman?  Hversu hátt ætlið þið með tekjuskattsprósentuna?

Það er eflaust gott að vera listaspíra úti á landi og borga enga skatta, og sjá fram á að geta skammtað sér feitum "listamannalaunum" frá ríkinu þegar kommarnir eru komnir til valda.  Gallinn er bara sá að allir sem geta á annað borð skapað verðmæti í landinu munu fara héðan og eftir sitja þeir sem borga ekki skatta en heimta samt bætur og styrki.

Það er sótsvört og martraðarkennd framtíð sem VG býður okkur upp á og vonandi áttar þjóðin sig á því á næstu dögum þegar Steingrímur og félagar byrja að hindra allt uppbyggingarstarf.  Skattahækkanir, atvinnuleysi og haftapólitík er á matseðli VG.  Þú fagnar því, enda ekki við öðru að búast, en þjóðin á skilið betra en afturhaldskommatittina í VG. 

[Húnbogi Valsson (IP-tala skráð) 28.1.2009 kl. 10:50]

Liberal á mikið verk fyrir höndum að kynna sér málin!

[Liberal, 28.1.2009 kl. 11:10]

Húnbogi, vilt þú þá ekki uppfræða mig og svara spurningunum?  Eða á að leysa allt með því að reka Davíð og svo "róa umræðuna"?

VG hefur engar lausnir aðrar en að skera ekkert niður í ríkisútgjöldum, hækka skatta út um allar jarðir, og reka nokkra tugi embættismanna.  Og hvað svo?

[halkatla, 28.1.2009 kl. 13:31]

-

[Hlynur Hallsson, 28.1.2009 kl. 16:02]

Það er broslegt að einhver sem notar dulnefnið "Liberal" (frjálslyndur) skuli ekki vera sérstaklega "liberal". Meira svona öfgaíhald:)

Ég tek ekki mikið mark á þeim sem skrifa undir dulnefni og bið "liberal" að skrifa undir réttu nafni í framtíðinni.

Á fundinum í gær var farið yfir þau atriði sem gera þarf strax og hefði þurft að gera mun fyrr. En Sjálstæðisflokkurinn hafði ekki dug í sér að framkvæma.

Nú bið ég "liberal" að kynna sér tillögur sem Vinstri græn hafa lagt fram á þessu þingi og reyndar síðustu árum, til dæmis um aðgerðir til að endurheimta efnahagslegan stöðuleika.

Aðgerðaráætlun nýrrar ríkisstjórnar verður lögð fram um leið og allt er tilbúið og vonandi verður það strax á morgun. 

Bestu kveðjur,

[Húnbogi Valsson (IP-tala skráð) 28.1.2009 kl. 16:35]

Liberal. Það leysir víst vanda að reka Davíð. Vegna þess að það er gert grín að okkur út um allan heim fyrir það að fyrrverandi forsætisráðherra hafi ráðið sjálfan sig í starf seðlabankastjóra og hangir ennþá í starfinu eftir allt sem á undan er gengið. Það hefur líka sýnt sig að hann hefur ekki staðið sig vel í starfinu. Um það eru margir hagfræðingar sammála. Með því að reka hann minnkum við þá vantrú sem þjóðinni er sýnd erlendis frá. Ekki veitir af.

Hátekjuskattinn á að vera hægt að hækka langleiðina upp í það sem gengur og gerist í löndunum í kringum okkur. Ég get fullyrt að auðmennirnir vinna ekki meira en verkamennirnir á lágu laununum og skapa ekki meiri verðmæti. Hátekjufólk á örugglega auðveldara með að reka sín heimili en láglaunafólkið, jafnvel þó að skattarnir á hátekjufólk hækki um örfá prósent.

Það hefur ekkert verið talað um að hækka fyrirtækjaskatta.

Fjármagnstekjuskatt: Þetta er gömul kosningabrella sjálfstæðismanna að segja að það sé helst gamla fólkið sem á fjármagn. Auðmennirnir verða sjálfsagt gamlir eins og annað fólk en þeir eru ekki sérstakir fulltrúar aldraðra.

Verðmætasköpun er mest í framleiðslugreinunum ekki fjármálafirirtækjum. Ég get ekki séð að VG og Samfylking séu neitt á móti því að efla framleiðslugreinarnar. Nefndu eitthvað í stefnuskrá þeirra sem bendir til þess.

Það er af nógu að taka í niðurskurði á ríkisútgjöldum. Til dæmis: Fækka sendiráðum og skera þar niður um tvo þriðju, það tæki enginn eftir því. Leggja niður Varnamálastofnun og hætta að eyða peningum í heræfingar. Ef að fagmaður verður ráðinn sem seðlabankastjóri (í staðinn fyrir þrjá flokksdindla), þá má sameina fjármálaeftirlitið seðlabanka. Hætta að láta ríkið borga bílakostnað embættismanna. -Þarna er ég búinn að nefna kostnaðarliði upp á milljarða sem hafa ekkert gagnast þjóðinni og er hægt að tína fleira til.

Með því að hækka fjármagnstekjuskatt úr litlum 10% uppí 12 eða 15% ætti það að vera ágætis tekjuauki fyrir ríkissjóð. Ég hef séð kvótagreifa úti á landi sem borga aðeins 10% í skatt og ekkert útsvar, aka börnunum í sínum dýru bílum í skóla sem láglaunaðir bæjarbúar, Útsvarsgreiðendur, borga fyrir en ekki þeir. Er það sanngjarnt?

Listaspírur hafa skapað tekjur fyrir samfélagið. Það hafa borist fréttir, upp á síðkastið af rithöfundum sem hafa verið að gera stóra samninga við erlend forlög og tónlistarmenn hafa laðað hingað fjölda útlendinga, með gjaldeyri, t.d. á airwawes. Norski myndlistarmaðurinn Odd Nerdrum var fljótur að fá ríkisborgararétt hérna, því stjórnvöld sáu þar tekjulind. Það árið seldi hann málverk í Ameríku fyrir einn og hálfan milljarð. Hann er því miður farinn. Ég veit ekki hvers vegna.

"Sótsvört og martraðarkennd framtíð framtíð" sem VG býður.....Er einhver spilling þar?

[Áslaug Friðriksdóttir, 28.1.2009 kl. 20:01]

Og hvað á svo að hækka skattana mikið?

[Georg P Sveinbjörnsson, 28.1.2009 kl. 20:36]

 "Fólkið sem hefur sparað alla sína ævi þarf nú að horfa á eftir sparnaðinum hverfa í skattlagningu ykkar." - Liberal

Bíddu, er ekki fólkið sem er búið að spara alla ævi nú að horfa á eftir sínum sparnaði og eignum líka vegna óheyrilegs og fordæmalauss klúður, árángur 17 ára valdasetu íhaldsins...alveg frábær árángur hjá þeim, alveg hreint frábær.

[Hlynur Hallsson, 28.1.2009 kl. 20:59]

Kæra Áslaug,

það er Sjálfstæðisflokkurinn sem ber ábyrgð á því að við skuldum óteljandi milljarða og ef það þarf að hækka skatta þá getur þú þakkað þínum Sjálfstæðisflokki fyrir það.

Þetta er eitthvað sem þú og þínir menn ættu að svara og skammast sín svo. Við hin þurfum nefnilega að taka til eftir ykkur:)

Bestu kveðjur,

[Húnbogi Valsson (IP-tala skráð) 28.1.2009 kl. 21:50]

Það virðist eins og allt of margir viti ekki hvað skattar eru. "Skattmann" er ekki einhver ljótur gráðugur karl sem hirðir af okkur peninga til að nota í eitthvað. Skattar eru KOSTNAÐUR sem VIÐ verðum að taka á okkur til að reka þjóðfélagið og þeir sem koma sér hjá því að borga skatta eru að lifa á kostnað annarra. Þeir sem eiga sök á AUKNUM KOSTNAÐI eru þeir sem HÆKKA SKATTA.

[Arinbjörn Kúld, 28.1.2009 kl. 23:00]

Þessi "liberal" er eitthvað lasin. Ef hann á ekki fyrir lyfjum ættum við í nafni bróður- og systrakærleikans að leggja í púkk handa honum.

[Hlédís, 28.1.2009 kl. 23:27]

Góður kunningi kallar skattinn aldrei annað en "Tröllakjaftinn" Sér þó ekki meir en hver annar,eftir sanngjörnum hluta tekna sinna í það gaphús!  Hátekjuskattur á verulega háar tekjur og hækkaður fjármagnstekjuskattur með nokkrum persónufrádrætti er hið besta mál! Skattar eiga, að mínu mati, að vera tekju-jafnandi. Nóg er gljúfrið samt orðið milli of(ur)launanna og meðaltekna, hvað þá  ýmiskonar lágtekna.

[Georg P Sveinbjörnsson, 28.1.2009 kl. 23:49]

Hægt að sækja mikið fé í utanríkishítina og sendiráðaruglið, taka allskonar óþörf fríðindi af ráðamönnum, þeir geta keyrt í vinnuna eins og aðrir á eigin bílum og keypt bensínið sjálfir, borgað sínar veitingar/mat í vinnunni eins og allir aðrir og svo framvegis.

[Hlédís, 29.1.2009 kl. 00:00]

Má leyfa sér að nefna kirkju-báknið?  Né-ei - það er ekki þorandi!   Góða nótt

[Karl Tómasson, 29.1.2009 kl. 02:10]

Þú varst flottur í gær kæri Hlynur.

Það eru spennandi tímar framundan.

Bestu kveðjur frá Kalla Tomm úr Mosó.

[Óskar Steinn Gestsson, 29.1.2009 kl. 06:41]

Ég hef alla tíð kosið til vinstri, ástæðan er sú að ég er verkamaður og það hefur ekki beint verið ofarlega á stefnuskrá íhaldsins að bæta kjör mín. Framsókn hefur ekki hugnast mér vegna þeirrar hentistefnu sem einkennt hefur þann flokk alveg frá stofnun hans, mér líkar ekki stjórnmálaflokkur sem fer með hvaða stelpu sem er heim af ballinu, bara til að komast í hlýjuna. Vinstri Grænir eru samt ekki borðleggjandi flokkur fyrir mig í dag, þó ég muni líklegast kjósa þá í komandi kosningum. Það sem pirrar mig afskaplega við alla umræðu um væntanlega ríkisstjórn VG og samspillingarinnar er það að fyrirfram eru hægri öfgamenn búnir að "ákveða" hvernig mál muni enda, hvað verður gert og hvernig hlutir verði framkvæmdir s.b.r.  "Liberal" hérna að ofan, mér finnst einfaldlega óeðlilegt að menn geti komist strax að þeirri niðurstöðu að þessi ríkisstjórn verði óstjórn, jafnvel þegar algjört hrun hefur orðið af stjórn þessara sömu hægri manna. Þessir menn eru eins og hestar sem draga vagn, sjá bara beint fram og vita því ekki hvað þeir eru að missa af ef þeir bara litu til hliðar. Góðar stundir Hlynur.

[Páll A. Þorgeirsson, 29.1.2009 kl. 14:41]

Liberal er "ótrúlega skemmtilegur", en ég skil vel þessa "nafnleynd" hans.

 Vitanlega er svo......

"hinn eini sanni Foringi" nafngreindur.

Ég skynja samt mikla "taugaveiklun og ótta" í orðum hans, sem einkennir liðsmenn "Flokksins" mjög, þessa stundina.

Það yrði nú "hroðalegt áfall" fyrir hann, ef VG og félögum "í verðandi ríkisstjórn" tækist að framkalla "stórkostlegt kraftaverk" og hreinsa út "skítahauginn"

... sem "hinn eini sanni Flokkur og Foringi" hafa hlaðið upp á síðustu "áratugum".  ;-)

Ég trúi nú varla á svo "stórkostlegt kraftaverk".

[Georg P Sveinbjörnsson, 29.1.2009 kl. 19:58]

það verður vissulega áhlaupaverk að hreinsa yfirfullann flórinn eftir óstjórn síðustu 17 ára.