Leita í fréttum mbl.is

Reka skilanefnd Kaupþings strax

kaupthing.jpgÞessar skilanefndir bankanna eru skipaðar gæðingum SjálfstæðisFLokksins og eru að vinna í því að sópa skítnum undir teppið. Af hverju er ekki búið að reka þetta lögfræðingastóð fyrir löngu? Það á að afnema bankaleyndina strax. Hagsmuni hverra er verið að verja? Hvað er verið að fela? Hversu djúpt er búið að sökkva þessu landi? Og Bjarni Ben hellir olíu á eldinn.

Pistill Láru Hönnu um málið.


mbl.is Kaupþing fékk lögbann á RÚV
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigurður Þorsteinsson

Þú vilt að menn beri ábyrgð, það er gott. Vandamálið í þessu dæmi er að skilanefnd Kaupþings ef bara að fara eftir þeim lögum sem þeim ber að fara eftir. Ef ekki þá er hægt að lögsækja þá. Ábyrgðin á því að þessi lög eru enn við líði er alfarið á höndum Samfylkingarinnar. Þetta sukklið hefur eflaust eitthvað að fela. Björgvin Sigurðsson fyrrverandi bankamálaráðherra lét ekki breyta lögum um bankaleynd og það er of seint að krefjast afsagnar hans. Við tók Gylfi Magnússon, sá sami sem vill að þjóðin borgi meira fyrir Icesave en okkur ber, bara til þess eins að komast inn í ESB. Auðvitað á hann að segja af sér. Ábyrgðin á þessum tveimur kauðum ber Jóhanna Sigurðardóttir, ef þú vilt ganga langt í afsögnunum, þá er hún næst í röðinni.

Sigurður Þorsteinsson, 2.8.2009 kl. 09:50

2 Smámynd: Sigurjón Þórðarson

Hvað er að gerast hjá Vg - ekkert virðist breytast?

Sigurjón Þórðarson, 2.8.2009 kl. 11:38

3 Smámynd: Einar Guðjónsson

Skilanefndirnar eru auðvitað andlit Ríkisstjórnar VG banka og Samfylkingar en fjármálaráðherrann hefur forræði á nýju glæru bönkunum og viðskiptaráðherrann hefur forræði á FME. Sendu aðalreddaranum póst á sjs@althingi.is, hann skoðar örugglega póstinn frá sínum gamla kosningastjóra

Einar Guðjónsson, 2.8.2009 kl. 14:31

4 identicon

Er það ekki í valdi Steingríms J. að reka skilanefndirnar ? 

Ég spyr eins og þú, hagsmuni hverra er verið að verja, hvað er verið að fela, hversu djúpt er búið (og á) að sökkva þessu landi ?

Páll A. Þorgeirsson (IP-tala skráð) 2.8.2009 kl. 16:24

5 Smámynd: Hlynur Hallsson

Nei, það er reyndar ekki í valdi Steingríms að reka skilanefndirnar. Það er í valdi fjármálaeftirlitsins sem heyrir svo aftur undir viðskiptaráðherra.

Einar misminnir aðeins því ég hef ekki verið kosningastjóri Steingríms aðeins meðframbjóðandi hans og er afar stoltur af því. Ég hef reyndar verið kosningarstjóri VG í bæjarstjórnarkosningum á Akureyri en þar var Steingrímur ekki í framboði:)

Bestu kveðjur

Hlynur Hallsson, 2.8.2009 kl. 19:27

6 Smámynd: Hlynur Hallsson

Samkvæmt fréttum Sjónvarpsins hefur FME vikið nokkrum skilanefndarmönnum frá. Það var heldur betur kominn tími til.

Það er sem betur fer margt að breytast Sigurjón, þökk VG. Annars hefði þessum málum öllum verið sópað undir teppið.

Bestu kveðjur,

Hlynur Hallsson, 2.8.2009 kl. 19:30

7 identicon

Þegar menn verða ráðherra fá þeir völd. Hvort þeir eru yfir viðskiptum eða fjármálum fá þeir völd og hafa meðan þeir eru í embætti. Hvorugur ráðherranna hefur staðið sig í stykkinu hvað varðar skilanefndirnar. Ábyrgðin er endanlega ráðherranna. Og dæmist á ríkisstjórnina í heild. Það er aumt að klína þessu á flokk sem var í ríkisstjórn sem hversu þér er illa við hann. Gylfa eða Steingrími hefði verið í lófa lagið að endurráða í skilanefndirnar. Þeir gerðu það ekki. Það er staðreynd. Þetta sama fólk eyddi fyrstu þremur mánuðum ársins og lífi heillar ríkisstjórnar í að koma seðlabankastjóra frá.

Helgi (IP-tala skráð) 3.8.2009 kl. 02:34

8 Smámynd: Hlynur Hallsson

Muna að skrifa fullt nafn Helgi Jónsson:)

Það má alltaf gera betur en starfið sem Steingrímur og Jóhanna eru að vinna er ekki öfundsvert og það er staðreynd að SjálfstæðisFLokkurinn ásamt Framsókn á mesta sökina á þessu klúðri.

Bestu kveðjur,

Hlynur Hallsson, 3.8.2009 kl. 09:34

9 identicon

Ég er ekki að mæla öllu bót sem fyrri ríkisstjórnir gerðu eða gerðu ekki. Vissulega er ábyrgð Sjálfstæðisflokks og Framsóknar mikil, sérstaklega eftir að hafa verið við völd árum saman. Regluverk voru samin og mörg þeirra vanhugsuð og sjálfsagt auðvelt fyrir snjalla glæpamenn að finna smugur. Reyndar finnst mér stundum að menn tali eins og það eigi að reka KSÍ þegar leikmaður fær rautt spjald fyrir brot. Það breytir því ekki að það er ótrúlegt að fylgjast með bankastarfseminni síðan í haust, allar götur eftir hrun. Yfirmenn bankanna, jafnvel næstráðendur bankastjóra, sem lögðu allt í rúst fá að taka til í rústunum. Það er auðvitað hneyksli. Ég fagna því að nú loksins, tæpu ári síðar, skuli vera tekið til í skilanefndunum. En er það ekki frekar seint? Eða er það kannski eins og maðurinn sem fékk rauða spjaldið mæti á KSí fund og dæmi í eigin máli? Segi svona!

Helgi Jónsson (IP-tala skráð) 3.8.2009 kl. 12:34

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.