Að losa fé...

Þetta hefur maður nú heyrt áður... hvenær var það aftur... ef til vill 2007? Að losa fé, fé án hirðis og svo bara fundið fé eru frasar sem fulltrúar SjálfstæðisFLokksins, hrunflokksins, hafa notað óspart. Þessi samningur við skúffufyrirtækið er undarlegur og það að selja á versta tíma er auðvitað glapræði. Það er verið að gefa auðlindirnar til fjárglæframanna. Er það ekki kaldhæðnislegt að flokkarnir sem komu okkur í skítinn og skyldu okkur eftir í skuldafeni skuli áfram fá að haga sér eins og þeim sýnist? Er ekki komið nóg?

Lára Hanna um málið.

Davíð Stefánsson.

Hákon Jóhannesson.

Páll Vilhjálmsson.

Hróp gerð að borgarstjóra

Athugasemdir

[Sigurjón Sveinsson, 15.9.2009 kl. 15:10]

Sæll Hlynur.

Þú segir : "Það er verið að gefa auðlindirnar til fjárglæframanna" ?

Gefa: Nei, hluturinn var seldur. Stór munur þar á.

Auðlindirnar: Nei, HS Orka á ekki auðlindina. Fyrir utan það að sala auðlindarinnar væri ólögleg. Þú veist, það eru lög sem banna slíkt.

Fjárglæframanna: Nei, eigendur Magma hafa ekkert annað en gott orðspor í þau 20 ár sem þeir hafa verið í svona starfsemi.

Fyrir utan athugasemd við svona kolrangar alhæfingar, langar mig að benda á það sem Óskar Bergsson sagði í dag, og hitti naglann helvíti vel á höfuðið.

Óskar: Steingrímur hefur sjálfur opnað fyrir erlent eignarhald 
Steingrímur J. Sigfússon, fjármálaráðherra, hefur sjálfur opnað fyrir erlent eignarhald á íslenskum orkufyrirtækjum með því að skrifa undir samkomulag við erlenda kröfuhafa Íslandsbanka. Þetta er mat borgarfulltrúa Framsóknarflokksins. Bankinn á stóran hlut í HS Orku í gegnum Geysir Green Energy. 

[Haraldur Magnússon (IP-tala skráð) 15.9.2009 kl. 15:16]

Væri ekki betra að menn kynntu sér betur það sem væri verið að fjalla um áður en menn fara að hrópa og gagnrína. Orkuveitan er ekki að selja auðlindina, hún er í eigu sveitafélaga á suðurnesjum. Orkuveitan er bara að selja hlut sinn í HS orku að kröfu SAMKEPPNISSTOFNUNAR, og hana nú

[Úrsúla Jünemann, 15.9.2009 kl. 16:04]

Orkuveitan selur hlut sin í HS orku, sem á auðlindina og selur hana. Er mikill munur á því og að selja auðlindina beint? Ég er hætt að skilja.

En sorglegt er að selja bestu mjólkurkýr á vondum tíma. Eða að éta útsæðið.

[Anna Benkovic Mikaelsdóttir, 15.9.2009 kl. 16:05]

þetta er svo "2007"!

[Hlynur Hallsson, 15.9.2009 kl. 16:09]

Menn sögðu reyndar einnig að það væri verið að "selja" bankana á sínum tíma! Eru sumir búnir að gleyma því.

Best væri að lífeyrissjóðirnir keyptu hlutinn.

Bestu kveðjur,

[Áslaug Friðriksdóttir, 15.9.2009 kl. 17:00]

VG er í ríkisstjórn og hafði 6 mánuði til að koma í veg fyrir þetta. Steingrímur afhendir hlut bankana í orkufyrirtækjum án þess að hiksta um leið og þetta á sér stað.

Það er augljóst að Steingrími finnst ekki verið að selja auðlindir - en þægilegt að ýta undir tortryggni í garð borgarstjórnarmeirihlutans.

[Sigurjón Sveinsson, 16.9.2009 kl. 14:28]

Sæll Hlynur.

Já, ég tek undir með þér, það hefði verið besta lausnin að lífeyrissjóðirnir hefðu keypt. En þeir keyptu ekki. Ekki einu sinni þegar þeir voru beiðnir um það af fjármálaráðherra. OR VARÐ að selja hlutinn. Það hefur verið borðleggjandi og vitað núna í hátt í tvö ár. Og enginn kom fram með kauptilboð annar en Magma. Og þannig er nú það, hvort sem manni líkar það vel eða illa.

Gallinn við þetta mál allt er að OR varð að selja, um það gilda landslög. Eiga landslög að víkja fyrir suma og aðra ekki? Er hún ekki blind, réttlætisgyðjan?

Að fokkast í borgarmeirihlutanum fyrir að gera það sem þeim var skilt að gera skv. lögum er bara fáránlegt. Alveg jafn fáránlegt og þegar stuðningsmenn Tjarnarkvartettsins hópast á pallanna og mótmæla aðferðafræðinni þegar Sjallar tóku völdin af Tjarnarkvartettinum í borginni með Klækjapólitík, þegar Tjarnarkvartettinn hafði hafið þann leik 100 dögum áður. Ef fólk er að mótmæla grundvallarmálinu, þá átti að mótmæla í BÆÐI skiptin, því það sama var í gangi, í grundvallaratriðum. Sama á við í dag. Borgarmeirihlutinn selur hlutinn í HS Orku, nauðugur, alveg á sama tíma og Steingrímur skrifar undir afhendingu GGE til erlendra aðila í gegnum Íslandsbanka, nauðugur. Það eru bara illskástu kostirnir í spilunum í dag, því miður.

[Elín Sigurðardóttir, 16.9.2009 kl. 15:34]

Um að gera að "selja" þetta á kúluláni til 7 ára og láta kaupendur orku á Suðurnesjum sem áður áttu HS-Orku borga brúsann og einkavæða síðan gróðann og þjóðnýta tapið. Tala nú ekki um það að Gríndavíkurbær vildi leggja fé í þetta en "Magma Energi" er nú betur til þess fallinn að græða en íbúar á Suðurnesjum. Þetta er kannski "lögglegt" en ég sé ekkert siðlegt við þennan gjörning. 

[Guðjón Sigþór Jensson, 17.9.2009 kl. 11:48]

Áslaug:

Hvernig dettur þér í hug að kenna Steingrími J. um klúðrið sem íhaldið í Reykjavík er að framkvæma með dyggri aðstoð Framsóknarflokksins? Þessir aðilar eru að selja á umtalsvert lægra verði en fyrri meirihluti keypti. Og ekki nóg með það, söluskilmálarnir eru óvnejulegir að fremur lítið er borgað út en eftirstöðvar tryggðar með hlutabréfum? Eru menn alveg að tapa sér?

Ef borgarstjórnarmeirihlutinn vill endilega selja af hverju er þá ekki íslenskum fjárfestum boðið að kaupa smærri hluti og þá gegn staðgreiðslu?

Íhaldið og Framsóknarflokkurinn vill aðeins eiga viðskipti við aðila sem þeir nefna stofnfjárfesta. Þ.e.a.s braskaralýð sem er að bíða eftir tækifæri að hagnast verulega á kostnað okkar skattborgaranna eins og sannaðist í einkavæðingu bankanna. Bönkunum var breytt í ræningjabæli jafnvel áður en blekið þornaði af undirskriftunum. 

Mosi

[Karl Tómasson, 19.9.2009 kl. 15:14]

Menn læra seint.

Bestu kveðjur til þín minn kæri frá Kalla Tomm úr Mosó.

[Arinbjörn Kúld, 19.9.2009 kl. 23:54]

Maður gæti hreinlega gubbað.

kv, ari