Leita í fréttum mbl.is

Færsluflokkur: Spaugilegt

19 ára spilling og græðgivæðing á endastöð?

Það kemur í ljós á næstu dögum hvort Framsókn í Kópavogi hafi þann kjark sem þarf til eða öllu heldur þann dug sem þarf til að vera heiðarlegur flokkur sem vill losna úr klóm spillingarinnar. Helmingaskiptin í Kópavogi, einkavinavæðingin, verktakavaldið og bruðlið er það sem hefur einkennt rekstur bæjarfélagsins frá því að Gunnar Birgisson kom þar að. Vonandi er því tímabili lokið en það er í höndunum á Framsókn. Taprekstur bæjarins á síðasta ári ætti að duga til að fella þennan meirihluta en það er ekkert sjálfgefið. Sjálfstæðisflokkurinn er t.d. með hreinan meirihluta í Reykjanesbæ þó að það bæjarfélag sé fyrir löngu tæknilega gjaldþrota.

Það þarf að taka til í Kópavogi, velta við steinum og fletta ofan af spillingunni. Það er kominn tími til. Íbúar Kópavogs eiga það skilið. 

Úr Kastljósi í gær:

"Fyrirtæki sem er í eigu dóttur bæjarstjórans í Kópavogi fékk greiddar þrjár og hálfa milljón króna fyrir afmælisrit bæjarins sem koma átti út árið 2005. Ritið sem er enn ekki komið út liggur óklárað á bæjarskrifstofunum. Fyrirtækið hefur verið í milljónatugaviðskiptum við Kópavogsbæ á þeim tíma sem Gunnar hefur gengt þar æðstu stöðum sem sjaldnast fara fram í kjölfar útboðs. Bæjarstjórinn sjálfur kvartar undan ofsóknum í sinn garð og dóttur sinnar og fagnar frekari skoðun. Þungt er í samstarfsmönnum hans í Framsóknarflokknum í Kópavogi en þeir sitja nú á fundi vegna málsins..."


mbl.is Ræddu hugsanleg meirihlutaslit
Tilkynna um óviðeigandi tengingu við frétt

Gömlu mennirnir á Alþingi

498815A

Fulltrúar gamla tímans á Alþingi eru formenn sinna flokka. Þeir heita Bjarni Ben sem er formaður SjálfstæðisFLokksins (sem ætti að heita "Sjálftökuflokkurinn") og svo Sigmundur Davíð formaður Framsóknarflokksins (sem réttnefndur væri "Afturhaldsflokkurinn"). Ræður þessara gömlu manna voru ótrúlegar, frekar leiðinlegar og illa fluttar en aðallega ótrúlegar. Reyndar svo ótrúlegar að málflutningur þeirra verður sprenghlægilegur.

Þeir eru varðhundar gamals tíma, kvótaeigenda, útrásarvíkinga og bruðlsins. Við þurfum ekki ung gamalmenni á þing við þurfum skapandi fólk með framtíðarsýn og hugsjónir. Sem betur fer voru þau einnig með ræður á þingi í gær. Guðfríður Lilja, Birgitta, Þór Saari, Margrét og Ásmundur eru dæmi um fólk sem bar af og þau eru ekki föst í fortíðinni. Það er gott að vita af þeim á þingi en bara grátbroslegt að hugsa til Bjarna og Davíðs.

489221A


mbl.is Vara við að spila upp væntingar
Tilkynna um óviðeigandi tengingu við frétt

Af hverju er Sjálfstæðisflokknum illa við aukið lýðræði?

488155AÞað er afar jákvætt að fram sé komið á Alþingi frumvarp um persónukjör. Þetta var ein af kröfunum í búsáhalda-byltingunni. Það er einnig mjög ánægjulegt að allir flokkar (nema einn) á þingi skuli standa að þessu skrefi til virkara lýðræðis. Það er hinsvegar sorglegt að Sjálfstæðisflokkurinn skuli leggjast gegn þessu mikilvæga máli. En það þarf ef til vill ekki að koma á óvart. Sjálfstæðisflokkurinn leggst einnig gegn hugmyndum um stjórnlagaþing. Sjálfstæðisflokkurinn er á móti öllum framförum!) 

Ég held að Sjálfstæðisflokkurinn sé að misskilja hlutverk sitt í stjórnarandstöðu. Best að hafa flokkinn þar í 18 ár til að hann fari að fatta að það er hægt að veita aðhald og koma með uppbyggilega gagnrýni í stað þess að vera í fýlu og með leiðindi og standa á bremsunni í öllum hlutum. Sérstaklega þagar það kemur umbótum á lýðræðinu við.


mbl.is Leggja fram frumvarp um persónukjör
Tilkynna um óviðeigandi tengingu við frétt

Útrýmingarbúðir gyðinga á Gaza

487408.jpg

Það er óhugnanlegt að standa í útrýmingarbúðum nasista í Bergen Belsen. Það setur að manni hroll. Að manneskjan geti verið svo ill að framkvæma slíka glæpi á saklausu fólki sem hafði ekkert af sér gert annað en það að vera með trúarskoðanir eða stjórnmálsskoðanir eða kynhneigð sem samræmdust ekki hugmyndum fasistanna.

Það er því enn óhugnanlegra að stjórnvöld í ríkinu sem þolendur ofbeldis nasistanna máttu þola skuli nú vera að leika sama leikinn á íbúum Palestínu. Börn og saklaust fólk sem ekkert hefur af sér gert annað en að vera með trúarskoðanir eða stjórnmálsskoðanir sem samræmast ekki hugmyndum stjórnar Ísraelsríkis eru myrt og limlest dag eftir dag.

Sem betur fer er hluti íbúa Ísraels á móti morðum hermanna Ísraelsstjórnar á Gaza en stjórnvöld eru blind af heift og standa auk þess í kosningabaráttu. Fyrirmyndin þeirra er Bush forseti í BNA. Enda eru þau dyggilega studd með vopnum og eiturefnum frá stjórnvöldum í BNA. 

Og menntamálaráðherra Íslands kemur í fréttirnar eins og blaðafulltrúi Ísraelsstjórnar og jafnar saman börnum sem kasta steinum og fullvopnuðum hermönnum. Ingibjörg Sólrún og Geir H. Haarde ljúga bæði því að það sé ekki hefð fyrir því að fordæma svona innrásir en bent hefur verið á tvö nýleg dæmi. Þau biðjast ekki afsökunar á lygunum, þau gera ekki neitt.


mbl.is Mótmælt við stjórnarráðið
Tilkynna um óviðeigandi tengingu við frétt

Höldum áfram í ruglinu

Lengi getur vont versnað. Valdaklíkan í Sjálfstæðisflokkunum er búin að ná nýjum hæðum, á botninum. Þessi farsi sem borgarfulltrúar flokksins bjóða uppá með dyggum stuðningi Davíðs Oddssonar og Geirs H. Haarde er fyrir löngu kominn yfir það að vera broslegur og er bara sorglegur. Og nú er það þriðji maðurinn sem er hækjan. En það þýðir ekkert að fara á bömmer yfir endalausum mistökum annarra og það er jú vont en það venst. Hallgrímur Helgason skrifar skemmtilegan pistil í Fréttablaðið í dag. Kemur manni aftur í gott skap.


mbl.is Samfylkingin hafnaði nýjum Reykjavíkurlista
Tilkynna um óviðeigandi tengingu við frétt

En hvað með terroristana?

haraldur.jpgHaraldur Johannessen ríkislögreglustjóri er búinn að setja sama þykka skýrslu um á hættu af hryðjuverkum og skipulagðri glæpastarfsemi hér á landi. Björn Bjarna lagði hann fram á fundi með Sollu og Össa í morgun (ef þau voru þá mætt). Þetta er fín skýrsla og þar kemur víst meðal annars fram: "...að greiningardeild ríkislögreglustjóra hafi metið hættu á hryðjuverkum lága hér á landi í byrjun júní 2008." Þetta er ákveðinn bömmer fyrir Björn og ríkislögreglustjóraembættið því þá er ekki ástæða til að setja meiri pening í þessa ímynduðu hættu... nema eittvað skuli vera í undirbúningi sem við vitum ekki um... best að rannsaka það betur.

"Góðu fréttirnar" eru sem betur fer ekki langt undan: "Hins vegar fari mikið fyrir auknum umsvifum skipulagðra erlendra glæpahópa á Íslandi. Þá eru íslenskir afbrotamenn einnig stórtækir í skipulegum afbrotum." Hó hó hó, þetta verður að taka strax í gegn og best að setja enn meiri pening í ríkislögreglustjóraembættið, miklu meiri pening. En hvað um að efla almenna löggæslu í landinu? fjölga lögreglumönnum og borga þeim sómasamleg laun? Það þarf ekki að skrifa neinar skýrslur um það því það er svo augljóst. En Björn og Haraldur hafa engan áhuga á svoleiðis smotteríi, þar er best að skera áfram niður að þeirra mati.

interpol.jpg Myndin af Haraldi Johannessen er fengin að láni af vefnum logreglan.is  og myndin af Birni Bjarnasyni með Ronald K. Noble, forstjóra alþjóðalögreglunnar Interpol í Lyon er fengin að láni úr netmyndaalbúminu hans Björns.


mbl.is Aukin umsvif glæpahópa
Tilkynna um óviðeigandi tengingu við frétt

Svarthöfði... góður!

Þessi mynd Golla fer í flokkinn skemmtilegustu myndir ársins. Það er ekki hægt að segja annað en að félagar Vantrúar hafi beittan húmor, þetta er snilldar búningur á réttum stað. Prestarnir hljóta að hafa haft gaman að þessu líka. Góður félagskapur þar á ferð! Þessi mynd hefði reyndar átt að fara á forsíðuna á Mogganum (betri en plastálft að fá sér kríu!)


mbl.is Svarthöfði á vegum félagsmanna í Vantrú
Tilkynna um óviðeigandi tengingu við frétt

Hvar eru sólgleraugun?

Það vantar eitthvað á þessa mynd af Bubba! Ekki fimm atriði, heldur bara eitt. Það er varla að maður kannst við þennan mann sem stendur þarna í rokinu með eitthvað grátt bundið um hálsinn. Til lukku með þetta kæru hjón. Vonandi farnast ykkur vel og gengur allt í haginn. Fjórir naglar er líka gott nafn á plötu. Platan verður samt ekki eins góð og þegar Bubbi var uppá sitt besta: á Ísbjarnarblús. Erfitt að toppa svoleiðis snilld.


mbl.is Bubbi Morthens gekk í það heilaga
Tilkynna um óviðeigandi tengingu við frétt

Síðan hvenær var bannað að hlaupa um með fána?

Það ætti frekar að vera bannað að plata fólk og grafa holur og þykjast vera að taka einhverjar "skóflustungur" (að rugli). Ef til vill hefur það farið sérstaklega í taugarnar á laganna vörðum eða öllu heldur yfirmönnum þeirra að maður kallaði "No more Kárahnjúkar" Það er auðvitað brot gegn valdstjórninni og alvarlegur glæpur sem á ekki að líðast og þess vegna best að handjárna fólk og færa það af hinu heilaga svæði. Eða kannski höfðu ráðherrar Samfylkingar og Sjálfstæðisflokks bara áhyggjur af því að vera ekki einir í sviðsljósinu ásamt álbræðslukörlunum? 

"Viðstödd undirritunina voru m.a. Björgvin G. Sigurðsson, viðskiptaráðherra, Árni M. Mathiesen, fjármálaráðherra, John P. O Brien, stjórnarformaður Century Aluminum, móðurfélags Norðuráls, Ragnar Guðmundsson, forstjóri Norðuráls, Árni Sigfússon, bæjarstjóri Reykjanesbæjar og Oddný Guðbjörg Harðardóttir, bæjarstjóri sveitarfélagsins Garðs. Tóku þau öll skóflustungu á álverslóðinni."

Frábært lið þessir skófluráherrar íhalds og Samfó. Sem saman eru að grafa niður "Fagra Ísland" á þessari mynd.


mbl.is Mótmæli á álverslóð
Tilkynna um óviðeigandi tengingu við frétt

Næsta síða »

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband