Leita í fréttum mbl.is

Færsluflokkur: Sjónvarp

"Listaverkaþjófar" skila ESB fána

Seint í kvöld var dyrabjöllunni hringt en þegar ég ætlaði að opna var enginn sjáanlegur. Út úr póstkassanum stóð hinsvegar böggull vafinn inn í álpappír og bréf stílað á mig:

bref.jpg

Ótrúlega skemmtilegt bréf og ESB fáni var inn í álpappírnum. Mér er því ljúft og skylt að svara spurningunum sem beint er til mín og einnig birti ég hér fréttatilkynningu sem birtist á bloggsíðu Myndlistarfélagsins fyrir nokkrum dögum og reyndar hafði álíka tilkynning birst á síðunni um miðjan maí þegar sýningin opnaði formlega:

"Sýning Hlyns Hallssonar í Gallerí Víð8ttu601 sett upp aftur og framlengd

esb_hlynur.jpg

Gallerí Víð8tta601

Hlynur Hallsson

Landnám - Ansiedlung - Settlement

16.05. - 23.08. 2009

Verkið sem Hlynur Hallsson setti upp í Gallerí Víð8ttu hefur verið stolið í tvígang en vegna þrjósku listamannsins og sýningarstjóranna hefur það verið sett upp í þriðja skipti og sýningin verið framlengd um mánuð.

Litla Skerið í Tjörninni sem myndaðist þegar Drottningarbraut var lögð árið nítjánhundruð sjötíu og eitthvað er ónumið land. Tunglið var það einnig einu sinni og Norðurpóllinn og Suðurpóllinn líka. Hver verður fyrstur til að stíga á þetta Sker litið persónulegt skref en um leið stórt skref fyrir mannkynið? Ekki Bandaríki Norður Ameríku heldur auðvitað Evrópusambandið. Hið nýja heimsveldi er mætt á staðinn. Þar hefur verið settur upp fáni ESB, sannkallaður landnemafáni.

Hlynur Hallsson er fæddur á Akureyri 1968. Hann stundaði myndlistarnám á Akureyri, í Reykjavík, Hannover, Hamborg og í Düsseldorf. Hann hefur verið iðinn við að setja upp sýningar og síðastliðið haust setti hann upp nokkurskonar yfirlitssýningu á verkum sínum í Nýlistasafninu og í A-sal Hafnarhúss Listasafns Reykjavíkur ásamt verslunum, veitingastöðum og þjónustufyrirtækjum í Miðborginni setti hann upp verkið ÚT/INN.
Hlynur hlaut verðlaun Kunstverein Hannover 1997, verðlaun ungra myndlistarmanna í Neðra-Saxlandi 2001 og verðlaun Sparda Bank árið 2006. Hann hefur hlotið starfslaun myndlistarmanna og var bæjarlistarmaður Akureyrar árið 2005. Hlynur vinnur með aðstæður, texta, innsetningar, ljósmyndir, gjörninga og hvað eina, allt eftir því sem hentar í hverju tilfelli. Hversdagslegir atburðir eins og sundferðir, snjóhúsbygging eða verslunarleiðangur geta verið efniviður í verkum hans en einnig landmæri, samskipti fólks og viðhorf okkar. Nánari upplýsingar um Hlyn og verk hans er að finna á heimsíðunni www.hallsson.de

Anna Bryndís Sigurðardóttir og Þorsteinn Gíslason hafa starfrækt Gallerí Víð8ttu601 frá árinu 2007. Sýningarnar í Hólmanum í tjörninni í Innbænum á Akureyri munu halda áfram fram á næsta ár og þá taka aðrir sýningarstaðir við.

Sýningin hjá Gallerí Víð8ttu601 hefur verið framlengd til 23. ágúst 2009 og vonandi fær fáninn að vera í friði svo lengi. Nánari upplýsingar um Gallerí Við8ttu601 veita Anna Bryndís Sigurðardóttir og Þorsteinn Gíslason í 435 0033 eða 8461314 og í tölvupósti: vid8tta(hjá)simnet.is
Nánari upplýsingar um verkið veitir Hlynur í síma 6594744 og í tölvupósti: hlynur(hjá)gmx.net"

---

Svarið við fyrstu spurningunni er:

Tilgangur verksins er að vekja upp umræðu, setja hlutina í annað samhengi, vekja upp spurningar og viðbrögð.

Svarið við spurningu tvö:

Ég er hvorki að gera lítið úr Evrópusambandinu né að sýna því stuðning með þessu verki en auðvitað getur hver og einn túlkað þennan "landnema" fána á Skerinu í Tjörninni á sinn hátt.

Og svarið við þriðju og síðustu spurningunni:

Ég ætla ekki að setja upp fleiri pólitísk verk eða verk yfirleitt á Skerinu. Sýningunni lýkur 22. ágúst 2009 en á Akureyrarvöku, viku seinna opnar Haraldur Jónsson nýja sýningu sem er jafnframt síðasta sýningin á vegum Gallerís Víð8ttu601 á þessum stað en ég veit að sýningarstjórarnir eru að leita að nýjum stað fyrir áframhaldandi sýningar. Næstu pólitísku verk sem ég set upp eru spreyverk og textaverk á samsýningu um hrunið sem heitir "Lífróður" og verður opnuð í Hafnarborg í Hafnarfirð þann 29. ágúst 2009.

Svo að lokum vil ég þakka drengjunum kærlega fyrir bréfið og fánann og hvet þá til dáða í framtíðinni en hvet þá einnig til að koma fram undir nafni þó að ég hafi auðvitað fullan skilning á því ef þeir vilja ekki gera það.

Skilti sem einnig var við tjörnina með titli verksins og hluta textans sem einnig er hér að ofan úr fréttatilkynningunni var stolið fyrir nokkrum vikum. Vonandi hringir einhver dyrabjöllunni hjá mér og skilar því eða enn betra væri að koma því bara aftur fyrir þar sem það var, við Tjörnina.

Þá eru bara tveir ESB fánar eftir að koma í leitirnar.

Tengill á frétt í Sjónvarpinu.


mbl.is „Getum lifað án Evrópu“
Tilkynna um óviðeigandi tengingu við frétt

Davíð Oddsson leikur píslarvottinn vel

491437.jpg

Maðurinn sem ber ábyrgð á einkavinavæðingu bankanna, löggjöf sem sleppti bönkunum lausum sem varð til þess að þeir gátu vaxið eins og þeir vildu sem endaði með ósköpum, var í Kastljósviðtali í gær. Og hann er saklaus píslarvottur að eigin mati. Sumir áhangendur Sjálfstæðisflokksins trúa öllu sem hann segir og tala um að hann sé lagður í einelti. Aumingja maðurinn.

Davíð Oddsson tekur ekki mark á skoðanakönnunum sem sýna að innan við 10% þjóðarinnar treysta honum af því að "Baugsmiðlarnir" birtu þessar kannanir. Hann er staddur í fílabeinsturni og greinilega ekki í sambandi við neitt. Hefur maðurinn ekki gert næga óskunda nú þegar? Nei, hann er sennilega bara rétt að byrja. Best væri ef hann gerði alvöru úr hótunum sínum og færi aftur í framboð fyrir Sjálfstæðisflokkinn. Þá væri hægt að fella hann í kosningum. Bless Davíð.


mbl.is Helgi Magnús: Davíð sendi bréf
Tilkynna um óviðeigandi tengingu við frétt

Mótmæli skila árangri

485746ATryggvi Jónson hætti í Landsbankanum eftir "óvægin mótmæli" að hans mati. Hann reyndi að leika píslarvott en nú er að koma í ljós hvað hann var að gera í bankanum:

"Tryggvi Jónsson, fyrrverandi aðstoðarforstjóri Baugs, hafði bein afskipti af sölum á tveimur fyrirtækjum til fyrirtækja tengdum Baugi á meðan hann starfaði í Landsbankanum."

Spillingin heldur greinilega áfram og nú verður bankastjórn Landsbankans að segja Birnu bankastjóra upptörfum án "starfslokasamnings".

Mótmælin eru að magnast og hætta ekki fyrr en spillingarliðið hefur verið hrakið frá völdum. Við krefjumst kosninga og að þessi ömurlega ríkisstjórn fari frá því hún gerir illt verra á hverjum degi. Ég bendi á afar góðan pistil Láru Hönnu bloggvinkonu hér.

Mætum á mótmæli um land allt í dag því öll friðsamleg mótmæli og borgaraleg óhlýðni skila árangri og við gefumst ekki upp!


mbl.is Tryggvi hafði bein afskipti
Tilkynna um óviðeigandi tengingu við frétt

Mogginn ritskoðar

486730.jpg

Leiðari Moggans í dag er afar aumur. Þar er (enn og aftur nafnlaust!) verið að reyna að réttlæta ritskoðun á Moggablogginu. Tilefnið er að bannað var að blogga um tvær fréttir sem fjölluðu um ofbeldistilburði tveggja manna, Ólafs Klemenssonar hagfræðings hjá Seðlabankanum og bróður hans á gamlársdag. Hér eru fréttirnar: Mótmælendum ógnað á gamlársdag og Taldi sér ógnað

Fjölmörg blogg voru tengd við fréttirnar og á tímabili voru þær teknar út en svo settar inn aftur en síðan var með öllu lokað fyrir athugasemdir við þessar fréttir og tenglarnir fjarlægðir. Bloggarar höfðu þá þegar upplýst um hvaða menn var að ræða og í kjölfarið birti mbl.is seinni fréttina. Þar komu þá einnig athugasemdir frá fólki sem varð vitni að atburðunum og á myndskeiðinu sést vel hver það er sem kallar fólk "kommunistadrullusokka" og er með ógnandi tilburði. Rök ritstjórnar moggans fyrir þessari lokun á tengingar við fréttirnar eru þessi:

"Það sama á við um aðsendar greinar í Morgunblaðinu og bloggið; að ritstjórn blaðsins vill teygja sig langt í þágu málfrelsis. Hún vill hins vegar ekki að blaðið eða vefurinn verði farvegur fyrir svívirðingar, hótanir og hatursfullan málflutning. Þess vegna hefur birtingu greina verið hafnað og bloggum lokað."

Það er sem sagt lokað á allar athugasemdir af því að einhverjir fóru yfir strikið. Þetta er látið bitna á öllum en ekki bara þeim sem við á. Það er einkennilegt.

Grein Össurar er svo alger brandari og dæmir sig sjálf. Og ef einhvertíma hefur verið kastað grjóti úr glerhúsi þá tekst Össuri að gera það. 

Ég tek meira mark á þeim sem skrifa undir nafni en þeim sem gera það nafnlaust (Staksteinar "úr glerhúsi" og riststjórnarpistlar moggans eru þar engin undantekning) og vil að menn vandi mál sitt en fari ekki hamförum. Þessar takmarkanir á moggablogginu flokkast að mínu mati hinsvegar undir ritskoðun og tilraun til að koma í veg fyrir umræðu.

Ég styð einnig friðsamleg mótmæli og hafna ofbeldi. En ráðherrar þessarar ríkisstjórnar svífast hinsvegar einskis í að beita þjóðina ofbeldi og finnst það greinilega allt í lagi. Össur og ritstjórn Moggans ættu ef til vill að hafa meiri áhyggjur af því?

Ég bendi hér einnig á áhugaverðan pistil Baldurs McQeen um málið.


mbl.is Umræðuhættir á netinu
Tilkynna um óviðeigandi tengingu við frétt

Er þetta "leiðtogi" jafnaðarmanna eða ójafnaðarmanna?

Ingibjörg Sólrún Gísladóttir hefur orðið sér til ævarandi skammar. Svo lengi sem hún púkkar upp á glæpamennina í forystu Sjálfstæðisflokksins hlýtur hún að útnefnist leiðtogi ójafnaðarmanna. Þegar hún heldur því fram að hátekjuskatturinn "...sé þó fyrst og fremst táknrænn." Það er ótrúlegt að hún skuli halda þessu fram flissandi framan í sjónvarpsvélarnar. Aðgerðir ríkisstjórnarinnar gera illt verra, þær auka ójöfnuð í samfélaginu. Hækkun á komugjöldum og 4 milljarðar teknir frá þeim sem minnst mega sín væri dropinn sem fyllir mælinn hafi hann ekki löngu verið fullur. Það er komið nóg af þessu liði. Hunskist frá völdum.

Hér er svo myndband frá því þegar Hörðu Torfason leggur fram kæru á hendur ríkisstjórninni:


mbl.is Hátekjuskattur bara táknrænn
Tilkynna um óviðeigandi tengingu við frétt

Stöndum vörð um svæðisútvarpið

Niðurskurðurinn hjá Ríkisútvarpinu ohf er einkennilegur. Í stað þess að efla það sem vel er gert á að leggja niður Svæðisútvörpin. Alltaf skal skorið niður fyrst á landbyggðinni. Yfirmenn hjá ruv hækkuðu um 100% í launum við það að gera útvarpið að hlutafélagi og nú þykir þeim það mikil fórn að ætla að lækka við sig launin um 10%. Ríkisútvarpinu er greinilega illa stjórnað en almennt starfsfólk hefur staðið sig vel. Oft hafa starfsmenn þar staðið saman þegar yfirmennirnir klikkuðu og vonandi verður það einnig nú.

Það er kominn hópur á Facebook sem vill standa vörð um Svæðisútvarpið og það hafa meira en 800 manns skráð sig á nokkrum dögum. Ekki leggja niður útvarpið okkar!

Og til hamingju með 25 árin Rás 2.


mbl.is Starfsmenn Rúv boða til funda
Tilkynna um óviðeigandi tengingu við frétt

Valdaklíkan herðir tökin

Þrátt fyrir að augljóst sé að Geir H. Haarde sé fullkomlega óhæfur til að stjórna þessu landi ætlar ríkisstjórnin að hanga á völdunum eins lengi og hún getur. Samfylkingin er hækjan sem sem styður valdaklíkuna. Það er hinsvegar aðeins spurning um hvenær þessi ríkisstjórn hrökklast frá völdum.

G. Pétur Matthíasson fyrrverandi fréttamaður hjá Sjónvarpinu setti á föstudaginn viðtal á bloggsíðuna sína. Þar má sjá hvernig núverandi forsætisráðherra hellir sér yfir fréttamanninn og sakar hann um að spyrja ekki réttra spurninga. Svo ætlar hann að útiloka fréttamanninn frá frekara viðtali. Þetta viðtal var aldrei birt í Sjónvarpinu heldur annað viðtal sem tekið var upp aftur. Björn Þorláksson fréttamaður á Stöð 2 hér fyrir norðan sagði frá svipaðri þöggunaraðferð sem hann var beittur mánuðum saman af öðrum stjórnmálamanni. Og nú er handbendi valdstjórnarinnar, Páll Magnússon sendur af stað og hann hótar G. Pétri málsókn ef hann skilar ekki viðtalinu.

Lýðræðið er tímafrekt og til trafala að mati Þorgarðar Katrínar, Ingibjargar Sólrúnar og Geir H. Haarde er lafhræddur við kosningar. Þau vilja heldur halda áfram að skrökva að þjóðinni úr valdastólunum.

En fólkið í þessu landi er búið að fá nóg.


mbl.is Krafa um að viðtali við Geir verði skilað
Tilkynna um óviðeigandi tengingu við frétt

Alexander Steig opnar sýningu í Kunstraum Wohnraum á Akureyri, sunnudaginn 27. júlí 2008 kl. 11-13

tv-trainer2.jpg

ALEXANDER STEIG 

TV TRAINER 

27.07. - 13.09.2008 

Opnun sunnudaginn 27. júlí 2008, klukkan 11-13  

Opið samkvæmt samkomulagi

 

KUNSTRAUM WOHNRAUM             

Hlynur Hallsson • Kristín Kjartansdóttir     

Ásabyggð 2 • IS-600 Akureyri •  +354 4623744 

www.hallsson.de



Sunnudaginn 27. júlí 2008 klukkan 11-13 opnar Alexander Steig sýninguna “TV-trainer” í Kunstraum Wohnraum á Akureyri.

Verkið er byggt á gjörningi og myndbandsinnsetningu og hefur þegar verið sýnt í Musée d´Art Moderne et Contemporain de Strassbourg, Dartington Gallery í Totnes á Bretlandi og í MoNA í Poznan í Póllandi. Nánari upplýsingar um verk Alexanders Steig er að finna á http://www.alexandersteig.de
Meðfylgjandi mynd er úr verkinu.

 

Kunstraum Wohnraum hefur verið starfrækt frá árinu 1994, fyrst í Hannover og nú á Akureyri. Það er til húsa á heimili Hlyns Hallssonar og Kristínar Kjartansdóttur í Ásabyggð 2. Sýning Alexanders Steig stendur til 13. september 2008 og er opin eftir samkomulagi og hægt er að hringja í síma 4623744.

Kunstraum Wohnraum er að finna hér 


Skrítið hlutfall

431132A Eitthvað er nú einkennilegt hlutfallið á viðmælendum fréttamanna. 80% karlar en aðeins 20% konur. Þetta segir okkur að við erum ekki komin eins langt í jafnréttinu og sumir vilja halda (eða halda fram).

Það þarf enginn að halda því fram að konur vilji ekki koma í viðtal. Þetta er smá klisja og ef það er eitthvert sannleikskorn í henni þá er verk að vinna og breyta þessu.

Það þarf heldur enginn að halda því fram að ekki séu eins hæfar konur til að tala við og karlarnir. Oftast er þessu þveröfugt farið. Karlarnir þykjast vita allt best og fá að blása út um allt og ekkert.

Ef til vill þarf einnig að skoða hverjir eru að tala við hverja!


mbl.is Mun minna talað við konur
Tilkynna um óviðeigandi tengingu við frétt

Með biblíuna í annarri hendi og sveðjuna í hinni

Það er augljóst að þessar kosningar í Simbabve voru ekki marktækar og það verður að boða til nýrra kosninga sem fyrst og stöðva ofbeldið sem fylgismenn Mugabes standa fyrir. Það var óhugnanlegt að sjá þann mann sverja eið þegar hann var settur í embætti í gær og auðvitað sór hann við Biblíuna (alveg eins og Bush) og svo kom "...and so help me God". Á sama tíma eru hans menn að pynta fólk og murka úr því lífið. Og Bush trúbróðir Mugabes er að plana innrás í Íran áður en hann lætur af embætti. Þessir gaurar eru óhugnaður.
mbl.is Kosningar lýstar ómarktækar
Tilkynna um óviðeigandi tengingu við frétt

Næsta síða »

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband