Áfram Halla því fótbolti er fyrir alla!

 

Halla Gunnarsdóttir er frábær dugnaðarforkur, góður blaðamaður og femínisti og ég vona innilega að hún verði næsti formaður KSÍ.  Ræðan sem hún flutti þegar hún tilkynnti um framboð sitt var snjöll. Hér smá kafli úr henni sem ég tek heilshugar undir: "

Undanfarin ár hefur verið unnið mikið starf í þágu knattspyrnu barna. Ber þá hæst uppbygging sparkvalla um allt land sem gefa börnum tækifæri á að leika sér í fótbolta, án þess að það þurfi allaf að vera bundið við skipulagðar æfingar. En enn kemur það þó fyrir að börn hrökklist út úr íþróttinni með lítið sjálfstraust. Þarna skiptir menntun þjálfara höfuðmáli. Annað er þó verra og það er hvernig staðið hefur verið að kvennaknattspyrnu á landinu undanfarin ár. Kvennalandsliðið, sem hefur staðið sig með sóma á alþjóðavettvangi, hefur fengið skammarlega lítinn stuðning. Sama má segja um úrvaldsdeild kvenna en skemmst er að minnast umræðu um skiptingu verðlaunafjár milli kvenna- og karladeildarinnar. Meðan ástandið er svona hjá bestu knattspyrnukonum landsins er augljóst að ekki er vel hlúð að þeim sem yngri eru.
Í þessum efnum þarf eina allsherjar tiltekt."

Þetta eru orð í tíma töluð og því hvet ég Höllu Gunnarsdóttur til dáða: ÁFRAM HALLA!!!

Halla gefur kost á sér í formannskjöri KSÍ

Athugasemdir

[Jórunn Sigurbergsdóttir , 18.1.2007 kl. 21:13]

Þetta líst mér vel á.

[Árni Freyr Helgason, 18.1.2007 kl. 22:05]

Það er kominn tími til að kona verði kjörin formaður KSÍ. Ég meina, af hverju ekki?

[GK, 19.1.2007 kl. 00:05]

En þarf hún að vera femínisti?