Til hamingju Friðrik V

13.7.2007 | 10:20

Það er full ástæða til að óska þeim hjónum Arnrúni Magnúsdóttur og Friðrik Val Karlssyni til hamingju með nýuppgerða Bögglageymsluna í Gilinu. KEA á einnig heiður skilinn fyrir að koma því loks í verk að gera upp húsið sem var það síðasta í Listagilinu til að verða lífgað við. Ég hlakka til að koma til Akureyrar aftur og borða á þessum frábæra veitingastað og kíkja í nýju búðina. Hjálmar tók myndina í Gilinu í gær.

Svo biðst ég afsökunar á bloggleti en það er bara búið að vera mikið að gera og við mikið á ferðinni og heimsóknir vina hér í Berlín tíðar. Við fljúgum aftur til Köben og svo beint til Akureyrar þann 1. ágúst og á þessum tæpu þremur vikum á ég eftir að gera helling svo ég verð sennilega ekki duglegur að blogga. En tek upp þráðinn á Klakanum.

	Friðrik V tekur til starfa í Grófargili
Ábyrgðarmaður færslu Tilkynna um óviðeigandi tengingu við frétt

Meginflokkur: Matur og drykkur | Aukaflokkar: Dægurmál, Ferðalög, Menning og listir, Stjórnmál og samfélag, Vefurinn | Breytt s.d. kl. 10:24 | Facebook

Athugasemdir

bið að heilsa ykkur vinur minn !

kær kveðja og Ljós

steina

Steinunn Helga Sigurðardóttir, 13.7.2007 kl. 10:26

Já, gaman gaman! Tek undir hamingjuóskirnar af heilum hug til þessara heiðurshjóna!

Viðar Eggertsson, 13.7.2007 kl. 16:30

Það er hátíðarstemning á Akureyri og Giljagaurararnir sem hittust í morgunkaffinu fögnuðu innilega þessum merku tímamótum.

Hafið það gott.

Helgi Vilberg, 13.7.2007 kl. 23:41

Takk fyrir ljómandi athugasemdir og kveðjur Steina, Viðar og Helgi. Hér er nánari frétt af Akureyri.net um þetta sögufræga hús sem nú hefur aftur hlotið verðugan sess á ný. Bara sorglegt að á sama tíma er verið að plana niðurrif á öðru ekki síður sögufrægu og glæsilegu húsi, Hafnarstræti 98 eða "Hótel Akureyri". Ég skrifaði smá pistil um það fyrr í sumar. Óskandi væri að það hús hefði einnig verið gert upp og nýtt á sómasamlegan hátt rétt eins og "Bögglageymslan". Bestu kveðjur,

Hlynur Hallsson, 14.7.2007 kl. 09:29