Vilhjálmur Þ. Vilhjálmsson segi af sér sem borgarstjóri - Ný könnun

Ég er búinn að setja upp nýja einfalda skoðanakönnun á síðunni minni og hvet alla til að taka afstöðu og segja sína skoðun. Til fróðleiks má benda á athyglisverða umfjöllun á vísir.is um Villa Vill. Það er reyndar áhugavert hvað allir vinirnir í Sjálfstæðisflokksfrumskóginum eru ósammála. Ég get ekki séð að skoðanir Björns Bjarnasonar og Sigurðar Kára séu samrýmanlegar, annar talar út og hinn suður. 50-100 milljarðar í gjöf frá borgarbúum til Glitnis og félaga er aðeins of rausnarlegt er það ekki Villi, Heimdallur og Sigurður Kári?

Segir borgarbúa geta orðið af allt að 50 milljörðum króna

Athugasemdir

[Ingólfur Þór Guðmundsson, 9.10.2007 kl. 14:22]

Eins rosalega og ég er sammála því að "Villi Vinstri" ætti að segja af sér, embætti borgarstjóra. Þá er það mjög spaugilegt þegar VG-istar ætla að berja sér á brjóst og tala um sparnað/eyðslu í ríkis/borgar fjármálum.

Fólk sem almennt telur að fjallagrasatýnsla gefi meira í ríkiskassann en einkavæðing bankana, ætti að fara sér hægt í "útreikningum", varðandi þetta mál, sem og mörg önnur.

Ég og fleiri Sjálfstæðismenn héldum reyndar á tímabili að Villi væri laumu-kommi (laumu-VG-isti), fyrst og fremst þá vegna forræðishyggjunar í bjórsölumálunum í Austurstræti.

 --------------------------------------------------------------------------------

En að Hrafnkeli:  "Bara dæmigerður, siðspilltur sjálfstæðismaður eins og flestir í þeim ógeðslega flokki. "

Ég get alveg verið sammála þér að Villi og hugsanlega Árni Johnsen séu á gráu svæði hvað varðar siðblindu. En í flokki sem telur um 50 þús félagsmenn, þá myndi ég kalla það helvíti lágt hlutfall.

Ef við eigum að ræða hlutfall, þá getum við skoðað sögu annara stjórnmálaflokka, og sé þá til að mynda hverjir eru spilltir og hverjir ekki. Það þrífst í öllum stjórnmálaflokkum, og ég reyndar hélt að þú værir greindari en það, að ætla að snúa allri siðblindu þjóðarinnar uppá Sjálfstæðisflokkinn.

Með því að segja "ógeðslega flokki" ertu fyrst og fremst að gera lítið úr 45% þjóðarinnar. 

Því auðvitað er allsstaðar gott fólk, og allsstaðar slæmt fólk. Þeimun stærri sem flokkurinn er, þeimun fleiri eru siðspilltir. En að það sé eingöngu í Sjálfstæðisflokknum sem það er, það er rugl.

---------------------------------------------------------------------------------- 

[María Kristjánsdóttir, 9.10.2007 kl. 19:20]

Mér finnst að við ættum að halda okkur við að nota sem fæst lýsingarorð um innræti annars fólks - en Vilhjálmur hefur gerst sannarlega uppvís að því að segja ekki satt í málinu, auk þess sem talað er um að hann hafi ráðið systurson sinn inn til REI líkt og Björn Ingi kosningarstjóra sinn. Í hádegisfréttum RUV kom fram að Olmert forsætisráðherra Israels er nú fyrir rétti vegna svipaðra gjörða og þeir kollegar eru sakaðir um. En þetta er angi af málinu sem þarf að ræða en stærst er þó ef þeir  hafa glutrað tækifærum og auðæfum úr sjóðum OR vegna vanþekkingar, eða einhvers annars.

[Hrafnhildur Ýr Vilbertsdóttir, 9.10.2007 kl. 19:35]

Þetta mál er allt með ólíkindum, auðvitað á maðurinn að segja af sér. Þetta er ekkert lítill skandall. En hvenær svo sem hafa íslenskir pólitíkusar axlað einhverja ábyrgð af gjörðum sínum. Það er ekki laust við að ( fyrirgefðu orðbragðið) mörgum finnist þeir hafa verið teknir í þurrt rassgatið.

[Katrín Ósk Adamsdóttir, 9.10.2007 kl. 21:03]

Ég var nú ekkert æst í að fá hann sem Borgarstjóra en hef lært að líka við hann og ég held í augnablikinu sé engin hæfari til þess að gegna embættinu,auðvita er þetta mál klúður en ég er bara ekkert viss um að aðrir hefðu ekki gert sömu mistök.