Ríkisstjórnin kolfallin - Vinstri græn bretta upp ermarnar

9.5.2007 | 23:19

Ríkisstjórnin kolfallin - Vinstri græn bretta upp ermarnar

Samkvæmt könnun Félagsvísindastofnunar fyrir Stöð 2 er stjórnin kolfallin. Það eru góðar fréttir. Sveiflurnar í könnun Capacent eru grunsamlegar. Þó að Framsókn sé með hræðsluáróður þá flykkist fólk sem ætlaði að kjósa íhaldið varla yfir til Valgerðar. Á Vísi.is er sagt frá þessari stóru könnun Stöðvar tvö og spennan magnast. Samkvæmt henni er VG að bæta við sig 6 þingmönnum sem er frábært og Samfó er að hressast. Þetta gætu orðið niðurstöðurnar. Vinstri græn vilja snúa við blaðinu:

Og það getur fólk gert á laugardaginn. Það er kominn tími til:

Árni Þór segir frá heimsókn í Kaupþing þar sem Ögmundur fór á kostum. Ég hvet alla til að lesa þetta og kynna sé málið og dæma svo auglýsingar Framsóknar.

	Ríkisstjórnin fallin samkvæmt nýrri skoðanakönnun
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkar: Bloggar, Vefurinn | Facebook

Athugasemdir

Takk fyrir pistil. Baráttukveðjur!

Jenný Anna Baldursdóttir, 10.5.2007 kl. 00:03

Kann vel við þennan tón. Það stefnir ekki í neitt nema sigur hjá okkur, eina sem er óvíst ennþá er hversu stór hann verður.

Anna Ólafsdóttir Björnsson, 10.5.2007 kl. 01:48

Þú fjallar ekki um Capacent könnunina? Er hún ekki nógu hentug til umfjöllunar fyrir ykkur? Hausnum bara stungið í sandinn?

Eða eruð þið hætt að taka mark á Capacent og viljið bara fjalla um kannanir Félagsvísindastofnunar...þangað til annað kemur í ljós?

Guðmundur Björn, 10.5.2007 kl. 06:13

Hvað um þetta?:

Fréttamynd 427683

Heimild. Morgunblaðið 9. maí.

Ágúst H Bjarnason, 10.5.2007 kl. 09:41

Það verður að viðurkennast að spennan er að magnast. Það eru miklar sveiflur og veltur mikið á þeim kjósendum sem eru ekki búnir að gera upp hug sinn.

Þó tel ég það alveg ljóst að Sjálfstæðisflokkurinn eigi að fá umboð til þess að mynda stjórn. Hvort það verður með Framsókn eða Samfylkingu verður að koma í ljós. Get hugsað mér samstarf milli Sjálfstæðismanna og Samfylkingar. Hugsa með hryllingi til þess ef að VG verða í stjórn. Það er sem betur fer ekki útlit fyrir slíkri stjórn. Nema Sjálfstæðismenn sækist eftir samstarfi við VG sem verður að teljast mjög ólíklegt + óráðlegt.

Ef fólk notar skynsemina á laugardag þá hef ég engar áhyggjur.

Örvar Þór Kristjánsson, 10.5.2007 kl. 11:38

Ótrúlegt að fólki finnist einn stjórnmálaflokkur EIGI FORRÉTTINDI á þessu eða hinu. Sjálfstæðismenn verða vonandi settir út í kuldan núna. Þeirra tími er liðinn. Komin tími á aðrar áherslur og önnur sjónarmið. Fáum okkur Kaffi. Setjum X við F, V, eða S.

Ásthildur Cesil Þórðardóttir, 10.5.2007 kl. 13:18

Flokkurinn sem flestir kjósendur treysta best til þess að leiða næstu ríkisstjórn. Flokkurinn sem nýtur mestrar hylli kjósenda. Það eru ekki forréttindi þess flokks heldur er hlustað á vilja kjósenda. Ef fer sem horfir ( að D fái þetta 35-39% ) er það Sjálfstæðisflokkurinn sem á hiklaust að fá umboð til þess að mynda nýja stjórn. Það er ekki ráðlegt að mynda stjórn án Sjálfstæðisflokksins.

Að fá sér kaffi. Stjórn F, V og S gæti aldrei fúnkerað. Forkálfar þessara flokka hafa gefið það upp að þetta samstarf gæti aldrei gengið.

Það eina raunhæfa í stöðunni er D og B eða D og S.

Örvar Þór Kristjánsson, 10.5.2007 kl. 13:50