Góður dagur til að kjósa Vinstri græn

Í dag höfum við tækifæri til að gera upp við ríkisstjórn ójöfnuðar og ólaga og snúa við blaðinu með því að kjósa Vinstrihreyfinguna grænt framboð. Flokkinn sem hefur staðið í lappirnar í umhverfismálum, jafnréttismálum, velferðarmálum og utanríkismálum.  Hér eru nokkrar góðar ástæður fyrir því að skipta um ríkisstjórn og gera daginn að V degi:

Lýðræði!

-Tryggjum að tiltekinn hluti þjóðarinnar geti krafist þjóðaratkvæðagreiðslu um umdeild mál.

- Eflum grasrótarsamtök og tryggjum aðkomu almennings og frjálsra félagasamtaka að lýðræðislegri ákvarðanatöku.

Samfélag fyrir alla!

- Burt með komugjöld og sjúklingaskatta.

- Tryggjum almenningi lægra orkuverð og nýtum hlut ríkisins í Landsvirkjun í þágu skynsamlegrar orkunýtingar. Afturköllum lög um einkaeign á vatni og tryggjum að aðgangur að vatni verði áfram hluti af grunnréttindum okkar, líkt og andrúmsloftið.

Græn framtíð!

- Stöðvum frekari stóriðjuframkvæmdir og ákveðum hvaða svæði við ætlum að vernda til framtíðar.

- Stofnum loftslagsráð sem vinnur markvisst gegn losun gróðurhúsalofttegunda, m.a. með vistvænum samgöngum og fræðslu um umhverfismál.

Kvenfrelsi!

- Afnemum launaleynd strax og eflum Jafnréttisstofu.

- Vinnum að því að tryggja a.m.k. 40% hlut kvenna á þingi og í sveitarstjórnum, t.d. með því að hvetja til að fléttulistum verði beitt.

Ég ætla að mæta snemma á kjörstað (er að leggja af stað) og kjósa X - V

Búið að opna kjörstaði um allt land

Athugasemdir

[Benedikt Halldórsson, 12.5.2007 kl. 17:21]

....það er með ólíkindum hvað gulir blýantar eru áhirfamiklir á þessum degi.

[Ingólfur Ásgeir Jóhannesson, 12.5.2007 kl. 19:44]

Hynur: Gaman að hitta þig í Akureyrarakademíunni í dag