KEA kemur áfram að uppbyggingu á Akureyri

Það eru afar ánægjuleg tíðindi að KEA skuli koma að endurbyggingu á Hafnarstræti 98. KEA er ekki óvant slíkum verkefnum því á síðasta ári var Bögglageymslan endurgerð glæsilega og hýsir nú veitingastaðinn Friðrik V.

Það er gott að það tókst að bjarga götumynd Hafnarstrætis þó að það hefði verið á elleftu stundu. Vonandi tekur endurbyggingin skamman tíma og þá mun fólk sjá að enn ein perlan í miðbæ Akureyrar hefur verið fægð. Vissulega vildi ég frekar sjá íbúðir á efri hæðum hússins því það þarf að fjölga íbúum í miðbænum en það er ljómandi að hafa verslanir og þjónustu á jarðhæðinni. Og vonandi verður aðstaða Vinstri grænna áfram á jarðhæðinni. Til hamingju með þetta.

KEA kaupir Hafnarstræti 98

Athugasemdir

[Edda Agnarsdóttir, 17.3.2008 kl. 23:02]

Já skemmtilegt hvernig þessum málum lyktaði.

[Gísli Baldvinsson (IP-tala skráð) 18.3.2008 kl. 13:30]

Já þú meinar....Vg sem deild í KEA?

[Jórunn Sigurbergsdóttir , 20.3.2008 kl. 13:51]

Gleðilega páska Hlynur minn. Já, þetta er falleg götumynd.

[Guðjón Sigþór Jensson, 20.3.2008 kl. 14:05]

Til lukku Akureyringar með að bjarga húsinu og þar með götunni! Aðalatriðið er að þarna rísi ekkert forljótt hússkrifli sem er áberandi æpandi í byggingastíl við nágrenni sitt.

En annars: Er KEA nokkuð merkilegra en önnur fyrirtæki á Íslandi? Það er kannski í sögu Akureyrar eins og n.k. Rockefeller fyrir Bandaríkin.

Gleðilega páska og bestu kveðjur norður heiðar

Mosi

[Edda Agnarsdóttir, 23.3.2008 kl. 13:44]

Gleðilega Páska!