Paul F. Nikolov talar íslensku

Það hefur verið mikil umræða um það í bloggheimum að einn af hinum glæsilegu sigurvegurum í forvali Vinstri grænna á höfuðborgarsvæðnu, Paul F. Nikolov, tali ekki íslensku. Og að það sé voða bömmer að hafa þingmann sem tali ekki íslensku. Þessi orðrómur er ef til vill kominn frá Össuri Skarphéðinssyni þar sem hann er eitthvað að leggja úf af forvalinu á heimasíðunni sinni. Þetta er hinsvegar á misskilningi byggt því Paul talar ágæta íslensku. Hann velur hinsvegar gjarnan að tala ensku enda er hann þar á heimavelli. Ég fagnaði einmitt framboði Pauls á blogginu mínu í október. Guðmundur Magnússon byggir hinsvegar á þessum misskilningi pistli á blogginu sínu og er búinn að gera vísindalega leit að því hvort að einhverjar reglur eða lög segja til um hvort maður verði endilega að tala Íslensku á Alþingi og hann hefur fundið út að svo er ekki. Ég hvet alla til að skoða síðuna hans Pauls því það eru ljómandi pistlar, skrifaðir hvorutveggja á íslensku og ensku og það er til fyrirmyndar.

„Öflugur hópur að koma fram á sjónarsviðið“

Athugasemdir

[Gunnar Helgi Eysteinsson, 4.12.2006 kl. 03:32]

Ég er kannski bara ad bulla... En flestir af þeim flottustu mönnum heims koma ekki frá Íslandi, en á Íslandi talar fólk íslensku og þá sérstaklega þingmenn... því "AMMA" kan ekki ensku...

[Gunnar Helgi Eysteinsson, 4.12.2006 kl. 03:37]

... Og þetta er sagt í góðu

[Hlynur Hallsson, 11.12.2006 kl. 00:20]

Sæll Gunnar í Svíþjóð,

ég veit ekki með sænskar ömmur en hellingur af íslenskum ömmum eru ansi sleipar í enskunni! En það þarf ekki til þass að koma, því Paul talar ljómandi íslensku svo allar ömmur landsins munu kjósa hann í vor!