Snilldarlegt Hrútaspil

Þetta hrútaspil er algjör snilld. Ég mæli með þessu spili og það er jólagjöfin í ár (ásamt ævisögu Hannesar Hólmsteins Gissurarsonar eftir Óttar Martin Norðfjörð)  Hérna er smá lýsing af heimasíðunni: "Hrútaspilið byggist á því að keppa um eiginleika íslenska hrútsins. Á hverju spili er mynd af hrút, nafn hans og ýmsar upplýsingar sem varða útlit, líkamsburði og aðra eiginleika hans.  Hverjum þykir sinn fugl fagur og það á líka við um hrúta, en þeir geta verið hyrndir, kollóttir, stuttfættir, langir, gulir, kubbslaga, með útstæð horn og svona mætti lengi telja." Ódýrt og gott spil og þeir Stefán Pétur og Sverrir eiga heiður skilinn fyrir að koma þessu ljómandi spili á markað. Til hamingju með það!

Spil um hrúta á leið í verslanir

Athugasemdir

[Eiður Ragnarsson, 7.12.2006 kl. 14:23]

Skyldi Hið íslenzka hrútavinafélag á Reyðarfirði vita af þessu???

[Hlynur Hallsson, 7.12.2006 kl. 15:50]

Vonandi núna. En kannski hafa þeir verið uppteknir við að fylgjast með fjárlögunum, eða bara að hlusta á þau. Bestu kveðjur,

[halkatla, 10.12.2006 kl. 15:11]

tveir miðaldra menn sem ólust upp í sveit munu fá hrútaspilið frá mér í jólagjöf, þetta er algjör snilld og ég heyrði fyrst um það hér

[Hlynur Hallsson, 11.12.2006 kl. 00:22]

Já, einmitt tilvalin jólagjöf handa miðaldra mönnum. Þeir geta þá spilað hrútaspilið saman og haft gaman að. Og svo getur þú Anna kíkt í heimsókn og unnið þá í Hrútaspilinu!