Samfylkingin með 8% en Vinstri græn 30%

Nú hafa 143 svarað þessar frábæru skoðanakönnun á síðunni minni. Það er auðvitað ekki stórt hlutfall þjóðarinnar og sennilega ekki alveg marktækt úrtak. En spurningin er einföld: Hvaða flokk ætlar þú að kjósa í vor? Og staðan núna er þannig:
Framsókn 13%
Sjálfstæðisflokkur 40%
Frjálslyndir 2%
Samfylkingin 8%
Vinstri græn 30%
Annað 0%
Skila auðu 2%
Vita ekki enn 5%

Furðulega margir kjósendur Sjálfstæðisflokksins virðast semsagt skoða bloggið mitt og svara en einkennilega fáir kjósendur Samfylkingarinnar. Það kemur svo sennilega ekki á óvart að Vinstri græn eru með heil 30% í þessari vísindalegu könnun. Hún fær að vera nokkrar daga í viðbót og af því að allir hafa svo gaman að svona könnunum þá bæti ég einni við og hvet alla til að taka þátt í henni. Spurningin er: Á að stækka og byggja fleiri álver á Íslandi? Svarmöguleikarnir eru svo hérna uppi í horninu. Hún fær að vera í mánuð eða fram í janúar 2007.

Þingfundum á Alþingi frestað til 15. janúar

Athugasemdir

[Sóley Tómasdóttir (IP-tala skráð) 10.12.2006 kl. 15:10]

Sæll félagi. Í minni könnun erum við Vinstri græn með hreinan meirihluta - sem ég held að hljóti að verða raunin í vor . Þar eru samt líka merkilega margir sjallar. Verum dugleg að blogga og náum þessum leynilegu aðdáendum yfir í Vinstri græn fyrir vorið! Bestu, S.

[Hlynur Hallsson, 11.12.2006 kl. 00:25]

Sæl kæra Sóley. Já, ég veit nú þegar um helling af fólki sem af einhverjum ástæðum hefur kosið Sjallana hingað til en ætla aldrei að gera það aftur og eru búin að ákveða að kjósa Vinstri græn í vor! Bestu baráttukveðjur,