Ohf-ið

  

Það verður enginn rændur nætursvefni því Jón Þingforseti var að fresta þingfundi rétt í þessu. Ég kemst ekki að fyrr en á morgun og það er allt í fína lagi. Hlakka samt smá til að fá tækifæri til að tæta þessa frumvarpsómynd í mig. Er þetta ekki vandræðalegt: Fyrst kemur Sjálfstæðisflokkurinn með Ríkisútvarpið sf. svo er það Ríkisútvarpið hf. og nú er það Ríkisútvarpið ohf. Það verður vonandi ekkert næst sem bætist við því það verður komin ný ríkisstjórn von bráðar. Sú ríkisstjórn getur snúið sér að því að efla Ríkisútvarpix í raun. Og koma því úr þessum raunum núverandi ríkisstjórnarflokka. Það er málið.

Ögmundur og Össur skrifa um þátt "útvarpsstjóra ríkisstjórnarinnar" í málinu. Lesið það.

Umræða um Ríkisútvarpið ohf. stendur enn á Alþingi

Athugasemdir

[Alma Lísa Jóhannsdóttir, 16.1.2007 kl. 08:51]

Hehe... varstu orðinn þreyttur...  Jú þetta RÚV mál er að breytast í farsa... og ótrúlegt að þau ætli að kýla þetta í gegn í þessari mynd.

[Sóley Tómasdóttir (IP-tala skráð) 16.1.2007 kl. 09:29]

Hehe, já, dáldið torskilið allt saman! Mikið vildi ég annars að það væru dresskóðar í borgarstjórn. Get ekkert aðhafst fyrst svo er ekki, en þú stendur þig með sóma! -Var reyndar að huxa um að koma með tillögu um borgarfulltrúabúninga til að meta réttmæti skólabúningatillögu Exbé, spurning hvort hún yrði samþykkt...

[Sverrir Páll Erlendsson, 16.1.2007 kl. 10:43]

Sæll og takk fyrir hornfundinn á sunnudag.

Eitthvað finnst mér samt torkennilegt táknasafnið á þessari færslu og spurning hvort setan á alþingi og athyglin sem tískulöggurnar hafa sýnt hafa knúið þig til að taka upp dulmál.

Annars gaman að sjá Þorgerði, meintan menntamálaráðherra, reiða, svo stuttbuxnastúfurinn varð eiginlega eins og ennþá meiri krakki en ella í ræðustól fyrir vikið.

[Hlynur Hallsson, 16.1.2007 kl. 11:48]

Sæl kæri Sverrir Páll, sennilega liggur "táknmálið" í því að ég nota leiðindaforritið "explorer" hér í þessum pc tölvum á Þinginu en ekki mtt ástkæra "Safari" eða jafnvel "Firefoxiið" í Makkanum mínum. Ég get lesið allt hér en gott að fá þessar upplýsingar frá þér og ég skal reyna að laga þetta.

Um hitt málið er það að segja að mér finnst nú skemmtilegra að hafa Þorgerði káta heldur en reiða . Bestu kveðjur norður,

[Hlynur Hallsson, 16.1.2007 kl. 17:56]

Kæri K. Daníelsson. Jón Sæmundur verður örugglega kátur að heyra þetta um jakkann. Jónas Hallgrímsson sennilega ekki . Ferðalok Jónasar eru snilld og Jón Sæmundur flottur. Og eitt enn: þetta eru umræður en ekki málþóf. Málþóf er þegar menn eru að teygja lopann eða þvæla. Ég hef fylgst ágætlega með umræðunum og þær hafa hingað til verið upplýsandi og málefnalegar og sumir hafa farið vandlega yfir málið. Ræða Marðar í gær var til dæmis mjög góð þó að hún hafi verið nokkuð löng. Enda er hér um mikilvægt mál að ræða. Bestu kveðjur og gangi þér vel að blogga,

[Jórunn Sigurbergsdóttir , 16.1.2007 kl. 17:57]

Kvitt. Reyni að fylgjast með.

[Jórunn Sigurbergsdóttir , 16.1.2007 kl. 20:58]

Sá þig í fréttunum í kvöld og þú varst stór góður.