Leita í fréttum mbl.is

MENN / MEN í Hafnarborg 28. mars - 10. maí 2015

image001.jpg

The exhibition MEN focuses on the status of men at the beginning of the 21st century and the changes that have occurred in the circumstances of the revised status of women.

Works by four Icelandic male artists will be on display, Curver Thoroddsen (b. 1976), Finnur Arnar Arnarson (b. 1965), Hlynur Hallsson (b. 1968) og Kristinn G. Harðarson (b. 1955).

The works selected for the exhibition are made in a variety of media, both video-works, photographs, paintings, drawings and embroidery work. In the works the artists view and question the status of men within the family in terms of concepts of participation in home life, financial responsibilities and raising children.

The works in the exhibition raise important questions about masculinity and potentially conflicting signals from the environment and society. The key characteristic of these works, however, is the intimacy that can be read from the position of the artists to the family and the child and in some pieces there can be distinguished existential crisis.

Curator Olof K. Sigurðardóttir

http://hafnarborg.is/en/exhibition/men

a_769_rni.png

Sýningin MENN beinir sjónum að stöðu karla við upphaf 21. aldar og þeim breytingum sem orðið hafa á högum þeirra í ljósi breyttrar stöðu kvenna.

Á sýningunni verða sýnd verk eftir fjóra karllistamenn í fremstu röð, þá Curver Thoroddsen, Finn Arnar Arnarson, Hlyn Hallsson og Kristinn G. Harðarson. Verkin sem valin hafa verið til sýningar eru unnin í fjölbreytta miðla bæði video-verk, ljósmyndir, málverk, teikningar og útsaumsverk. Í verkunum takast listamennirnir á við spurningar um stöðu karla innan fjölskyldu hvað varðar hugmyndir um þátttöku í heimilislífi, ábyrgð á afkomu og uppeldi barna. Jafnframt verða á sýningunni verk sem sækja myndefni á slóðir sem fyrir mörgum eru dæmigerðar fyrir konur og þeirra reynsluheim.

Verkin vekja upp áleitnar spurningar um karlmennsku og hugsanlega misvísandi skilaboð frá umhverfi og samfélagi. Megineinkenni verkanna er þó sú nánd sem lesa má úr afstöðu listamannanna til fjölskyldu og barna um leið og í sumum verkanna má greina tilvistarkreppu.

Um listamennina:

Kristinn G. Harðarson (f. 1955) hefur á ferli sínum fengist við ólík viðfangsefni sem flest tengjast þó samfélagsrýni. Nærumhverfið er honum hugleikið og nokkur hluti verka hans tengist stöðu hans sem föður, heimilinu og fjölskyldulífi. Þessum verkum hefur hann tíðum fundið form í miðla sem löngum hafa verið tengdir sköpun kvenna svo sem í útsaum. Kristinn nam við Myndlista- og handíðaskóla Íslands 1973 – 1977 og stundaði framhaldsnám við listaakademíuna í Haag í Hollandi.

Finnur Arnar Arnarson (f. 1965) hefur fundið hugmyndum sínum farveg í ljósmyndum, videoverkum, skúlptúrum og innsetningum. Hann sækir sér innblástur í sitt nánasta umhverfi og hefur unnið verk þar sem fjölskylda hans er viðfangsefnið en einnig hefur hann unnið verk í félagi við fjölskyldu sína. Finnur stundaði myndlistarnám við fjöltæknideild Myndlista- og handíðaskóla Íslands 1987 – 1991. Hann hefur samhliða vinnu sinni að myndlist hannað leikmyndir fyrir leikhús og sýningar fyrir ýmis menningarsögusöfn.

Hlynur Hallsson (f. 1968) hefur vakið athygli fyrir verk sem fjalla um samfélagsmál og pólitík í víðu samhengi og fjalla verk hans gjarnan um samskipti, skilning, tengsl, stjórnmál og hversdagslega hluti. Hlynur stundaði myndlistarnám við Myndlistaskólann á Akureyri og í fjöltæknideild Myndlista- og handíðaskóla Íslands áður en hann hélt til framhaldsnáms í Þýskalandi þaðan sem hann lauk meistaragráðu 1997. Hlynur hefur setið á Alþingi og sinnt trúnaðarstörfum fyrir myndlistarmenn. Hann er nú safnstjóri Listasafnsins á Akureyri.

Curver Thoroddsen (f. 1976) er þekktur fyrir gjörninga og önnur listaverk þar sem listin og hversdagslegar athafnir renna saman. Verk hans eiga sér oft stað fyrir utan hefðbundin sýningarrými eða í sýningarsölum sem hann umbreytir og gerir að heimili sínu. Curver nam myndlist við Listaháskóla Íslands og við School of Visual Arts í New York þaðan sem hann lauk MFA námi 2009. Jafnframt því að stunda myndlist hefur Curver verið virkur tónlistarmaður m.a. með Ghostigital.

Sýningarstjóri er Ólöf K. Sigurðardóttir.

logo1[1]

Dagskrá í tengslum við sýninguna: 

Sunnudagur 29. mars kl. 15 
Listamannsspjall – Hlynur Hallsson
Fimmtudagur 2. apríl kl. 15
Listamannsspjall – Kristinn G. Harðarson
Laugardagur 18. apríl kl. 14
Hringborð – Málþing um sýninguna MENN í samstarfi við Rannsóknarstofnun í jafnréttisfræðum við Háskóla Íslands (RIKK).
Sunnudagur 3. maí kl. 15
Listamannsspjall – Finnur Arnar Arnarson
Fimmtudagur 7. maí kl. 20
Listamannsspjall – Curver Thoroddsen

http://hafnarborg.is/exhibition/menn


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Hlynur Hallsson

Hlynur Hallsson

Myndlistarmaður, umhverfisverndarsinni og sennilega margt fleira. Nánari upplýsingar hér.

Síður

Tónlistarspilari

Air - Ce Matin La
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.