Framkvæmdir stöðvaðar

Gott að fólki tókst að stöðva þessar framkvæmdir í Mosfellsdalnum. Mótmæli hafa sem betur fer áhrif. Það hlýtur að vera hægt að fara aðra leið með þennan veg. Ég treysti á Vinstri græn í Mosfellsbæ til að tala um fyrir Sjálfstæðisflokknum og endurskoða þessa staðsetningu. Hildur Margrétardóttir, Varmársamtökin og Sigurrós og allir sem mættu til að mótmæla eiga heiður skilinn.

Framkvæmdir stöðvaðar við Álafosskvos

Athugasemdir

[Þorsteinn Siglaugsson, 31.1.2007 kl. 15:39]

Er þetta ekki líka dáldið spurning um að VG tali um fyrir sjálfum sér.

[Elías Pétursson (IP-tala skráð) 31.1.2007 kl. 15:50]

Þarna eru menn að framkvæma það sem er búið að vera á teikningum í mörg ár og allt er það búið að far í gegn um öll þau ferli sem hugsast getur.

Ég held að íbúar í IÐNAÐARHVERFINU Álafosshvos ættu að taka sig saman um að lagfæra nánasta umhverfi húsana sinna og þá sérstaklega þá hlið sem snýr að Helgafelli áður en þeir láta sig falla fyrir vinnuvélar sem eru í fullum rétti.

það hlítur að vera hreint ömurlegt fyrir alla sem að því koma að þurfa að horfa upp á fullorðið fólk vera í svona aðgerðum.

[Jórunn Sigurbergsdóttir , 31.1.2007 kl. 16:04]

Ég veit ekki nóg um þetta mál en ég veit að ég vildi gjarnan hafa Álafoss eins og það var.

[Guðmundur Jónas Kristjánsson, 31.1.2007 kl. 17:26]

Broslegt að sjá Vinstri græna standa fyrir þessu:)

[Dofri Hermannsson, 31.1.2007 kl. 20:08]

Vona líkt og þú Hlynur að ykkar fólki í bæjarstjórn stöðvi þessar framkvæmdir. Þetta er tóm vitleysa og þið megið ekki láta Sjálfstæðismenn teyma ykkur út í þetta fen. Þetta er hins vegar góð áminning um að það er vandlifað í stjórn með Sjálfstæðisflokki.

Gangi ykkur vel.

[Alma Lísa Jóhannsdóttir (IP-tala skráð) 31.1.2007 kl. 20:28]

Sammála þér Hlynur. Þetta er mjög fallegur staður - munaði litlu að ég keypti mér hús þarna fyrir nokkrum árum.. var alveg heilluð!

kv alma

[Hildur Margrétardóttir (IP-tala skráð) 31.1.2007 kl. 22:08]

Svar við athugasemdum Þorsteins Sigurlaugssonar hér að ofan: 

Það er skýring á þeirri sjón sem Þorsteinn lýsir í skrifum sínum um útlit hliðarinnar sem snýr að Helgafellslandi, svo og umhverfissins hér í Álafosskvos.  Svo vill til að skipulags- og byggingarnefnd Mosfellsbæjar hafa neitað húseigendum um afgreiðslu allra mála er varða svæðið fyrr en breytt deiliskipulag verð samþykkt, hvort sem þær framkvæmdir eru inni á gildandi deiliskipulagi.  Einnig hafa bæjaryfirvöld fryst öll mál er varðar Álafoss. Það er að segja, við fáum ekki fjallað um mál okkar hjá bæjaryfirvöldum og getum því ekki framkvæmt.

Þannig að ef allt fer eftir ákvæðum skipulags- og byggingarlaga og sveitastjórnin ákveður að nú megi hefja framkvæmdir í kvosinni þá eru eigendur í startholunum og hafa verið síðan í sumar. 

Álafoss og Álafosskvosin er almenningur og lóðinn í heild sinni í  umsjá sveitarfélagsins. (Við eigendurnir sjáum um 3 metra frá húsvegg)  Það er skýrt tekið fram á deiliskipulagi. Umhirða Álafosskvosar er því á vegum  bæjarfélagsins. 

Svo hér má sjá að boltin er hjá sveitarfélaginu og við bíðum eftir að fá umfjöllun um teikningar að byggingunum er snúa að Helgafellslandi. Sem undirmálsgrein má skjóta því að, að sú hönnun sem snýr að útivista- svæðisins svo og það almenningstorg er snýr að Helgafellslandi er unnið af sveitarstjórn Mosfellsbæjar og vona ég að ef einhverjum fer að lengja eftir að framkvæmdir hefjist á því máli þá endilega hafið samband við áðurnefnd yfirvöld. 

[GK, 31.1.2007 kl. 23:18]

Hefurðu kynnt þér málið, Hlynur? Eða ertu bara á móti til að vera á móti - eins og VG er von og vísa... ;-)

Nei, allt í góðu - gott að þetta var stoppað. Ég treysti sannfæringu Bryndísar.