Áhugaverð umfjöllun í New York Times

Það er áhugaverð umfjöllun í sunnudagsútgáfu New York Times um stóriðjuframkvæmdir á Íslandi undir fyrirsögninni: "Smokestacks in a White Wilderness Divide Iceland". Blaðakonan Sarah Lyall fjallar þar um Kárahnjúkavirkjun og álbræðslu Alcoa (aluminum smelter) á Reyðarfirði. Máltækið "Glöggt er gests augað" á vel við hér en Sarah Lyall ræðir við marga sem koma að málinu eins og Kervin Lowery frá Alcoa, Jón Sigurðsson og Sigurð Arnalds en einnig marga sem eru andvígir álvæðingu Íslands eins og Ólafur Páll Sigurðsson, Hjörleifur Guttormsson, Kolbrún Halldórsdóttir, Andri Snær Magnason og Guðmundur Beck.
Það hefur einnig verið fjallað mikið um Kárahnjúkavirkjun í fjölmiðlum í Evrópu og afar gagnrýnin grein birtist til dæmis í Spiegel í Þýskalandi. Hér er hægt að lesa alla greinina í New York Times.

New York Times fjallar um stóriðjuframkvæmdir á Íslandi

Athugasemdir

[Pétur Björgvin - http://pb.annall.is (IP-tala skráð) 10.2.2007 kl. 13:10]

Tel það alvarlegt hversu lítið við Íslendingar tökum ákvarðanir um okkar mál í samhengi við annað sem er að gerast í heiminum. Finnst eins og við séum alltaf ein á báti. Alvarlegasta dæmið þar um er að á meðan fjöldi landa í kringum okkur vinna að bættri umgengni um náttúruna og auðlindir hennar þá förum við í þveröfugu átt.