Vinstri græn með meira fylgi en Sjálfstæðisflokkur

Skoðanakannanir eru afar skemmtilegar þessa dagana og það er varla þverfótað fyrir þeim. Það er afar góðar fréttir að samkvæmt nýrri könnun Fréttablaðsins skuli Vinstri græn og Samfó vera með hreinan meirihluta og vel það, 33 þingmenn á móti 30 B, D og F lista.
Hér á síðunni minni er einnig afar fróðleg könnun sem 803 hafa tekið þátt í og þar eru Vinstri græn í fyrsta skipti orðin stærri en Sjálfstæðisflokkurinn. Það munar að vísu ekki miklu og sennilega er þetta innan skekkjumarka! VG er með slétt 30 % en D listinn með 29,8%. Annars er hér könnun eins og hún hefur verið að þróast síðustu mánuðina:
Framsókn               13% - 11% - 12% -12% og núna 10%
Sjálfstæðisflokkur    40% - 41% - 37% - 32% og núna 30%
Frjálslyndir              2% - 3% - 3% - 5% og núna 5%
Samfylkingin           8% - 10% - 12% - 13% og núna 15%
Vinstri græn            30% - 29% - 28% - 30% og núna 30%
Annað                     0%
Skila auðu               2% - 3% - 3% - 3% og núna 4%
Vita ekki enn           5% - 4% - 4% - 5% og núna 5%

Það hafa 422 tekið afstöðu til spurningarinnar: Á að taka Ísland af lista hinna viljugu ríkja? og 65% segja: já tafarlaust en aðeins 16 vilja vera á þessum lista BNA.
Og í könnuninni þar sem spurt er: Á að stækka og byggja fleiri álver á Íslandi? er afgerandi meirihluti sem segir að nóg sé komið eða 59% en aðeins 36% vilja byggja fleiri álver eða stækka þau sem fyrir eru.

Fylgi Samfylkingar eykst á ný en fylgi Framsóknarflokks í lágmarki

Athugasemdir

[Kleópatra Mjöll Guðmundsdóttir (IP-tala skráð) 11.2.2007 kl. 13:00]

En VG er ekki með slíkt siðferðisslys... að hleypa manni að sem hefur setið inni fyrir að misnota vald sitt á þingi er náttúrlega bara ákaflega kjánalegt..

nema að við kjósendur séum bara svona miklir kjánar

[Óttarr Makuch, 11.2.2007 kl. 13:40]

Skemmtileg samantekt þetta hjá þér Hlynur, en gæti það verið að sá hópur sem tekur þátt í könnunni á síðunni hjá þér sé "örlítið" litað fyrir?  Tel það ólíklegt að VG verið stærri en XD.  Það verður kannski einn kostur að XD og XV verði saman í ríkisstjórn eftir næstu kosningar.... hver veit!?

En það verður spennadi að sjá hvernig niðurstaða úr kosningu vegna álversins í Hafnfarfirði ferð miðað við niðurstöðuna hér.

[Sigurður J (IP-tala skráð) 11.2.2007 kl. 18:29]

Gæti verið að þetta sé vegna þess að síðan þín er aðallega lesin af félögum þínum í VG?   

[Hlynur Hallsson, 11.2.2007 kl. 20:44]

Takk fyrir þessar skemmtilegu athugasemdir. Sigurður J hittir sennilega naglann á höfuðið he he... Annars sýnist mér að kjósendur Sjálfstæðisflokksins hafi tekið kipp í lestri á síðunni minni því D-listinn hefur rokið upp í rúm 35 í dag. Slæmar fréttir fyrir D-listamenn fá þá greinilega til að sperra eyrun og taka við sér í lestri. Bestu kveðjur,