Ofbeldi í Kaupmannahöfn

Það er óhugnanlegt að horfa uppá það ofbeldi sem átti sér stað í Kaupmannahöfn í gær og heldur sennilega áfram í dag. BT er með myndasyrpu af ástandinu og eins og oft þá segja myndir meira en mörg orð. Það að stjórnmálamenn lofi framgöngu lögreglunnar kemur mér ekki á óvart og ekki ætla ég að verja aðgerðir ungmenna sem kasta steinum í átt að lögreglumönnum en mér blöskrar það ofbeldi sem á sér stað frá báðum hliðum. Það er eitthvað sem hlýtur að vera hægt að koma í veg fyrir með því að tala saman. Hér er mynd sem Uffe Weng tók og það eru fleiri myndir hjá BT, umfjöllun hjá Information og hjá Politeken.

Fjölmiðlar hrósa dönsku lögreglunni

Athugasemdir

[Hlynur Þór Magnússon, 2.3.2007 kl. 09:00]

Seint í gærkvöldi skrifaði ég bloggfærslu sem ég hætti svo við að setja inn, líklega sem betur fer - þar voru stærri orð en mér er tamt að nota. Ég var búinn að skoða ýmsar upptökur frá óeirðunum - og framganga lögreglunnar gekk gersamlega fram af mér.

[Ingibjörg Stefánsdóttir, 2.3.2007 kl. 09:22]

Það eru (eða voru síðast þegar ég vissi) fleiri myndir og upplýsingar á www.modkraft.dk

[Svavar Friðriksson (IP-tala skráð) 2.3.2007 kl. 09:28]

Auðvitað verður að taka á þessu með fullri hörku, þýðir ekkert að nota einhverja silkihanska á svona ofbeldishyski.

[Maron Bergmann Jónasson, 2.3.2007 kl. 10:40]

Mér sýnist danska löggan hafa brugðist hárrétt við,  miðað við þær fréttir sem ég hef heyrt af þessu þá ætlaði þetta fólk aldrei að yfirgefa húsið í góðu.

Stór hluti þeirra sem búið er að handtaka er fólk frá nágrannalöndum Danmerkur sem virðist hafa mætt á staðinn í þeim tilgangi einum að efna til óeirða.

Hins vegar setur maður spurningamerki við það af hverju dönsk ungmenni virðast hafa það svo slæmt að þau þurfa að hafast við í yfirgefnum byggingum.  Svarið er einfalt, þetta er hópur af fólki sem lifir á kerfinu sem er nú býsna gott við þá sem nenna ekki að vinna því atvinna virðist ekki vera af skornum skammti í Danmörku.

Þegar svo kemur tækifæri til að gera sér dagamun og slást við lögguna er tækifærið að sjálfsögðu gripið og stofnað til hressilegra óeirða.

Danska löggan á samúð mína alla að þurfa að standa í svona skítverkum.

[Örn Jónasson (IP-tala skráð) 2.3.2007 kl. 10:43]

Auðvitað á að taka á svona andófs- og andfélagslegu fólki með allt öðru en vetlingatökum.  Það sem Hlynur er að kalla eftir er að þetta fólk fái að mótmæla með látum og ofbeldi friði.  Að mínu mati ætti að gera eftirfarandi við Ungdómshúsið:

• Láta ungt fólk fá það
• Bjóða ungum innflytjendum frá Arabalöndum að nota það sem einskonar klúbbhús fyrir þá, því þá gæti þryfist þar blómstrandi fjölmenningarsamstarf milli danskra og múslímskra ungmenna.

[Jórunn Sigurbergsdóttir , 2.3.2007 kl. 11:25]

Já, ofbeldi er alltaf anstyggilegt.

[Cactus Buffsack (IP-tala skráð) 2.3.2007 kl. 12:20]

Cactus spyr;

Ert þú með bindi?

[Pétur Guðmundur Ingimarsson (IP-tala skráð) 2.3.2007 kl. 14:34]

Tala saman?

Hefurðu nokkra reynslu af því að þurfa verja líf þitt? 

Það er mjög erfitt ef ekki ómögulegt að ræða við æstan skríl og slík tilraun gæti orðið manni bannvæn.

[Birgitta Jónsdóttir, 2.3.2007 kl. 14:47]

Það virðist gleymast í þessari umræðu að þetta húsnæði var gefið til að stunda allskonar menningarstarfsemi ungs fólks sem hefur verið í miklum blóma í húsinu um langa hríð, ég kom þarna fyrir mörgum árum og var mjög hrifin af þeim fjölbreytileika innandyra sem ég varð vitni af. Öfundaðist mikið út í Danaveldi fyrir framtakið og skilninginn á þörfinni á slíku athvarfi fyrir skapandi ungt fólk.

Það kom þeim sem ráku þetta hús í opna skjöldu að húsið væri selt og virðist sá gjörningur hafa verið ákaflega pólitísk athöfn.

Mikið hefur verið reynt að finna pólitíska lausn af hálfu unga fólksins en ekkert á þau hlustað. Er ekki fylgjandi ofbeldi en get skilið að til slíks hafi komið í þessu tilfelli eins og svo oft áður þegar fólk er kúgað í skjóli valdaníðslu.

[Salóme Mist (smisty.blogspot.com) (IP-tala skráð) 2.3.2007 kl. 15:16]

Að mínu mati stóð lögreglan hér í Kaupmannahöfn sig vel í gær.  Þeir skipulögðu "áhlaupið" með það að markmiði að sem minnst hætta væri á að fólk myndi slasast.  Ég tel ekki að þeir hafi beitt óþarfa ofbeldi. Þeir unnu vinnuna sína vel og eiga hrós skilið (já, ég hef séð öll myndböndin. já, ég tel mig vita um hvað ég er að tala.  nei, ég er ekki e-r gamall afturhaldssamur plebbi sem skilur ekki "unga fólkið" heldur námsmaður um tvítugt). 

Það er búið að reyna að tala við fólkið í Ungdómshúsinu, það er búið að reyna að bjóða þeim önnur hús og aðrar lausnir.  Þau vilja húsið "sitt" -sem er ekki möguleiki þar sem það var selt fyrir 7 árum síðan og hafa ekki tekið vel í aðrar lausnir. Hafið þið btw séð myndirnar úr húsinu? Það er ógeðslegt að innan.  Það kviknaði í því fyrir 11 árum síðan og það hefur ekkert verið gert upp síðan þá.

Til að byrja með hélt ég með krökkunum í Ungdómshúsinu, það var fyrir e-m mánuðum síðan.  Eftir að hafa orðið vitni af átökunum í desember og fylgjast með fréttafluttningi af þessu máli síðustu mánuði hef ég misst alla mína samúð. Eins og svo margir aðrir íbúar Nörrebro (ég er svo heppin að búa einmitt við Nörrebrogade) hef ég beðið þess með óþreyju að þessum fávitum yrði hent út.  Afhverju? Af því að það var vitað að það myndi til þess koma og það er ömurlegt að lifa við það að vita að hvenær sem er geti brotist úr stríðsástand í hverfinu manns.  Vita ekki hvort maður komist yfirhöfuð heim úr skólanum þann daginn eða hvort leiðin verði lokuð vegna þess að hópur af slagsmálahundum finnst voða sniðugt að gera götuvígi, kveikja elda og þar fram eftir götum.

Það er ömurlegt að sjá umhverfi sínu rústað og reiði ofdekraðra krakka-asna bitna á saklausu fólki.   

[Heimir Lárusson Fjeldsted, 2.3.2007 kl. 15:39]

Er það ekki ofbeldi að sitja sem fastast í annarra eign sem á að rífa.

Ef hústaka af þessu tagi er ekki ofbeldi, þá skil ég ekki hugtakið.

[Agný, 2.3.2007 kl. 16:19]

Ofbeldi er eins og svo margt afstætt, fer allt eftir því hvoru megin við borðið viðkomandi situr..Held að við þurfum að  skoða alla þætti þokkalega vel  í svona málum ef að viljum ekki að hlutirnir verði svona ...Dulbúin merki um Fasískt stjórnarfar...http://agny.blog.is/blog/agny/entry/985593. Réttindi hverfa.
Lítisvirðing fyrir mann- og sjórnmálalegum réttindum-
Fasista stjórnarfar hlúir að tilbúnu óttakenndu andrúmslofti af ásettu ráði,  með því að magna upp stress og hræðslu.  Borgaranir fyllast eðlilega þörf fyrir öryggi og eru auðveldlega taldir á að hunsa misþyrmingu, allt  í nafni öryggis.  Þeir fáu sem enn efast, verða fyrir yfirgangi og rógburði með þvingandi aðgerðum.  Lagaleg réttindi, ef að einhver eru enn til staðar, eru notuð til kúga fólk til samþykktar möglunarlaust, mætt með einstaka formlegri mótspyrnu.
Dómskerfinu hættir til að verða aðgerðarsinni til stuðnings sjónarmiða ríkisins.
Almenningur horfir oftast framhjá eða jafnvel samþykkir af ákafa að réttindi séu afnumin.
Hugtakið um einstaklingsbundin grundvallarréttindi, er skift út gegn loforðum alræðis ríkisins um öryggi.

[Örvar Þór Kristjánsson, 2.3.2007 kl. 19:33]

Lögreglan stendur sig vel.  Þetta "hyski" á að virða lög og reglur og koma sér út.  Það er ekkert annað sem lögreglan getur gert en að láta hart mæta hörðu

[Gunnar Th. Gunnarsson, 2.3.2007 kl. 23:48]

Þegar ég sá fyrirsögn þessa bloggs hugsaði ég með mér að alveg væri það nú dæmigert af fulltrúa VG að mæra hústökufólkið Og við frekari lestur er ekki annað að sjá en svo sé verið að gera. Nú hef ég ekki komið þarna né þekki sögu þessa húss en það sem ég hef heyrt í fréttum er í stuttu máli þetta: Húsið var selt fyrir nokkrum árum af borgaryfirvöldum og ungmennunum var gefinn ríflegur frestur til að rýma húsið og þeim m.a. boðin aðstaða annarsstaðar. Ungmennin neituðu að fara. Þau voru kærð og málið fór alla leið í hæstarétt og þau voru dæmd út. Er þetta ekki borðleggjandi?

Salome Mist er hérna með gott innlegg, einnig Maron Bergmann o.fl.

En borgaraleg óhlýðni er eitthvað svo voða mikið VG. Skítt með lögin og kúkum á kerfið er svona trend hjá ungum róttæklingum. En hjá ábyrgum stjórnmálamönnum og konum samanber Álfheiði Ingadóttir, finnst mér það ekki alveg að gera sig. 

[Anna Ólafsdóttir Björnsson, 3.3.2007 kl. 00:06]

Aðalmálið er auðvitað að sá kúltúr sem hústaka er sprettur ekki upp úr tómarúmi. Þetta er pólitískt ,,statement" og hversu sammála eða ósammála sem maður er þá er þetta ekkert ómerkilegri pólitísk yfirlýsing en ályktun á einhverju flokksþingi. Yfirlýsingin er einföld, það er ekki sátt um það meðal allra í samfélaginu að fólki sé heimilt að halda prýðilega góðu húsnæði auðu meðan annað fólk á hvergi höfði sínu að halla. Þessi rök eru gild en ég er svo sem ekki alveg viss um að allir meðal hústökumanna eða mótmælenda nenni að pæla í því nákvæmlega hvaða kúltur liggur þarna að baki. Þjóðfélagið okkar er ekki fullkomið, því miður, þess vegna er hústaka viðurkennd en umdeild leið til aukins jöfnuðar.

[Jón Valur Jensson, 3.3.2007 kl. 13:08]

Þetta er fáránlega léttvæg siðferðis-afstæðishyggja hjá þessum gamla Kvennalistaframbjóðanda Önnu Ólafsdóttur Björnsson. Sjónarmið Agnýjar er stórundarlegt. Uppivöðslusemi "aðgerðarsinnanna" njóta einskis almenns stuðnings í Danmörku. Afstaða Hlyns sjálfs er sömuleiðis óhafandi, að ásaka lögregluna um "ofbeldi". Lögmæt valdbeiting réttarríkis að marggefnu tilefni og eftir útrunninn úrslitafrest, þar sem jafnframt er reynt að gæta þess að slasa engan, er ekki "ofbeldi", Hlynur Hallsson! -- Sjálfur er ég að blogga um þessi mál, bæði HÉR í fyrradag (ásamt nýlegum athugasemdum) og 2. pósturinn á leiðinni.

[Anna Ólafsdóttir Björnsson, 3.3.2007 kl. 13:29]

Ég held að við Jón Valur getum verið sammála um að vera ósammála eins og í ýmsum málum, sem betur fer eru akki allir steyptir í sama mótið, en léttvægar eru mínar skoðanir á jafn alvarlegum málum og þessum aldrei. 

[Jón Valur Jensson, 3.3.2007 kl. 14:02]

Léttvægt er að leggja orð í belg sem túlka má sem réttlætingu á ráni á eign annarra og stöðugri storkun við lög og rétt. Ertu í alvöru ekki fylgjandi því, að ALLIR þurfi að hlíta sanngjörnum reglum hins lýðræðislega réttarríkis? Til hvers ertu þá með þetta alls óviðeigandi "kúltúr"-tal í þessu sambandi? Ef einhver vill eiga sinn kúltúr út af fyrir sig, getur hann þá ekki gert það Á SINN EIGIN KOSTNAÐ??? Af hverju með húsráni, sem síðan er kórónað með enn verri ofbeldisverkum?

[Örvar Þór Kristjánsson, 3.3.2007 kl. 19:16]

Jahérna...

Þetta hústökufólk er ekkert annað en glæpa og óþjóðalýður.  Miðað við hvernig það hagar sér.  Þetta pakk nýtur ekki almenns stuðnings í Danmörku.  Að sjá fullorðið fólk verja þetta er með ólíkindum. Gott comment hér að ofan hja Salome. 

[Ágúst Dalkvist, 4.3.2007 kl. 15:50]

Allt í lagi að klappa spöku nauti en ef það ræðst á þig er eins gott fyrir þig að beita öðrum og áhrifaríkari aðferðum.

Æstur múgur á ekkert sammerkt með siðferði manna, þar fer æði dýrsins. Ef maður í slíkum hóp heldur að hann geti beitt hvaða ofbeldi sem er án þess að á móti sé tekið er mikið hættulegri en ella (Og þá á ég ekki við Ellu konuna mína ).

Hvort sem þarna er verið að brjóta á unga fólkinu, sem var búið að taka þetta hús eignarhaldi, eða ekki þá hafa þessar óeirðir þær afleiðingar að færri standa með þeim.

[Cactus Buffsack (IP-tala skráð) 4.3.2007 kl. 21:48]

Cactusi þykir það mikið þroskamerki, ungi stjórnmálamaður, að þú skulir ekki blogga um dead-bindi þitt.

[Hlynur Hallsson, 5.3.2007 kl. 15:20]

Hlyni finnst Cactus Buffsack skemmtilegasti kaktus í heimi.

[Cactus Buffsack (IP-tala skráð) 5.3.2007 kl. 19:40]

Cactus spyr,

Eruð þér með bindi herra Hallsson?

kv.

Cactus

[Gústaf Níelsson (IP-tala skráð) 6.3.2007 kl. 22:11]

Heldur Anna Ólafsdóttir Björnsson kannski að starfsemi Brigade Rosso og Bader-Meinhof hafi átt sér rætur í einhvers konar kúltúr; það skyldi þá ekki vera í kúltúr ofurróttækni vinstri sósíalista?