Veðurspámaðurinn Grímur

Grímur Gíslason, fréttaritari Ríkisútvarpsins á Blönduósi er látinn. Hann varð 95 ára og var ern og hress maður. Margir munu sakna veiðipistlanna hans með tölununum úr Blöndu og ánum í Austur-Húnavatnssýslu ásamt öllum skemmtilegu fréttapistlunum. Grímur starfaði sem veðurathugunarmaður í 25 ár og lét af starfinu árið 2003. Hann var fréttaritari Ríkisútvarpsins til síðast dags og lokaorð hans voru ætíð: "Þetta er Grímur Gíslason sem talar frá Blönduósi". Á síðasta ári var honum til heiðurs reist afsteypa af veðurspámanninum eftir Ásmund Sveinsson í miðbæ Blönduósbæjar. Ég kynntist Grími þegar ég vann hjá Ríkisútvarpinu á Akureyri fyrir 15 árum og hann var skemmtilegur heim að sækja. Myndina af veðurathugunarmönnunum fékk ég lánaða af síðu Jóns Sigurðssonar sem er fréttaritari Morgunblaðsins á Blönduósi.

Grímur Gíslason á Blönduósi látinn

Athugasemdir

[Halldór Egill Guðnason, 2.4.2007 kl. 21:43]

Það er mikil eftirsjá í mönnum eins og Grími Gíslasyni. Pistlarnir, umræðuefnið og framsetningin var hjá honum nokkuð sem "fréttaritarar" dagsins í dag mætuu gefa meiri gaum að. Það var ekki síbyljan í kringum Grím. Einfalt, hnitmiðað og grípandi. Ekkert óþarfa skrum eða skælingur. Sagt frá hlutunum eins og þeir voru. Það er söknuður að mönnum eins og honum. Hvíli hann í friði.

[Árni Gunnarsson frá Reykjum (IP-tala skráð) 2.4.2007 kl. 21:49]

Hafðu þakkir fyrir að vekja athygli blogglesenda á fráfalli þessa mikla höfðingja. Með Grími er horfinn glæsilegur fulltrúi flestra þeirra gilda sem gerðu menn að mönnum meiri á síðustu öld. Grímur var drenglundarmaður og þó mikill til lundar og lét ekki hlut sinn eða síns byggðarlags án þess að snúast til varna. Grímur verður flestum þeim sem honum kynntust seingleymdur. Megi honum vel farnast á skeiðvöllum eilífðar á gömlu gæðingunum sínum.

[Óskráður (Sandy), 2.4.2007 kl. 18:38]

Sæll, Hlynur hugsaðu aðeins og skoðaðu í samhengi.

Leikreglur verða að vera skýrar

Það er atvinnulífinu afar mikilvægt að leikreglur allar sem um það gilda séu einfaldar, skýrar og gegnsæjar. Forsenda uppbyggingar og framþróunar er stöðugleiki í efnahagslífi og stjórnarfari þannig að ekki sé breytt um leikreglur á miðri leið. Á undanförnum árum hefur mikið áunnist í því að gera umhverfi atvinnulífsins hér á landi sambærilegt við það sem best gerist í nálægum löndum, m.a. í þeim tilgangi  að erlendir aðilar sem hér vilja festa fé sitt og ráðast í atvinnuuppbyggingu viti að hverju þeir gangi. Beinar erlendar fjárfestingar á Íslandi hafa þó verið hverfandi undanfarin ár, að undanskildum fjárfestingum á áliðnaði.

Reglum breytt á lokasprettinum

Undanfarin ár hefur undirbúningur stækkunar álversins í Straumsvík farið fram í trausti þess að gildandi reglur héldu og yrði ekki breytt. Áformuð stækkun fór lögum samkvæmt í gegnum mat á umhverfisáhrifum og stóðst það próf. Sótt var um leyfi hjá umhverfisyfirvöldum sem auglýstu tillögu að starfsleyfi og veittu síðan. Almenningi, sveitarfélaginu og öðrum gafst færi á að koma athugasemdum sínum á framfæri við mat á umhverfisáhrifum og tillögu að starfsleyfi. Þá var óskað eftir kaupum á lóð á svæði sem skipulagt var undir atvinnustarfsemi og seldi bæjarfélagið Alcan lóð. Eftir margra ára undirbúnings- og hönnunarvinnu var öllu þessu kippt til baka með ákvörðun bæjarstjórnar Hafnarfjarðar um að ekki yrði veitt leyfi fyrir stækkun nema að fengnu samþykki í almennri atkvæðagreiðslu bæjarbúa sem eins og kunnugt er fékkst ekki.

Umhugsunarefni fyrir atvinnulífið

Niðurstaða atkvæðagreiðslunnar í Hafnarfirði hlýtur að verða umhugsunarefni öllum þeim sem hafa í hyggju að efna til uppbyggingar nýs reksturs eða umfangsmikillar stækkunar á núverandi rekstri. Það verður að tryggja áður en haldið er af stað og tugir eða jafnvel hundruðir milljóna króna eru lagðir í undirbúning einstakra verkefna að ljóst sé hvernig viðkomandi sveitarfélag muni fjalla um málið og hvernig afgreiðslu þess verður háttað. Það gildir einu hvort um er að ræða nýtt svínabú, vefþjónasetur, orkuvinnslu eða iðnaðarstarfsemi. Eins hljóta fjárfestar að íhuga hvaða breytingar sveitarstjórnarkosningar geta haft á afstöðu sveitarfélaga til atvinnuuppbyggingar. Eins og málum er nú háttað eru það sveitarstjórnir sem gefa út framkvæmdaleyfi að uppfylltum skilyrðum um umhverfismat og ef það á að verða viðtekin venja að afstaða þeirra breytist að loknum kosningum getur það haft áhrif á undirbúning einstakra verkefna.

Trúverðugleiki í hættu

Eitt af því sem Íslendingar hafa talið mikilvægt við fjárfestingarumhverfi hér á landi er að lagaumhverfið er stöðugt. Trúverðugleiki og traust eru lykilþættir í samskiptum við fjárfesta. Bregðist það verður erfitt að sækja fram að nýju og er hætt við því að eftir þessa niðurstöðu úr stækkunarferli álversins í Straumsvík teljist Ísland ekki jafn áhugaverður kostur fyrir erlendar fjárfestingar og áður.

Meginflokkur: Stjórnmál og samfélag | Aukaflokkar: Vísindi og fræði, Vinir og fjölskylda, Vefurinn, Dægurmál | Breytt s.d. kl. 18:28

Athugasemdir 1 Spurning hvort erlendir fjárfestar treysti sér í frekari fjárfestingar hérlendis eftir þessa útreið Alcan - viðskipti ganga út á traust og þetta er áfall fyrir Ísland sem traustverðs vettvangs fyrir stórar fjárfestingar. A.m.k. er nokkuð víst að þeir komi til með að vanda sig betur í samningum við sveitarfélög og aðra hugsanlega viðsemjendur heldur en Alcan gerði.Þá er líka spurning, ef við gefum okkur það að þessi niðurstaða í Hafnarfirði leiði til þess að Alcan hætti rekstri í bænum, eftir 6 ár, þegar fyrirtækið verður laust undan skuldbindingum um raforkukaup, hvort ekki væri rétt að fara í skaðabótamál gegn Hafnarfjarðarbæ.

Færa má rök fyrir því að Hafnarfjarðarbær hafi brotið stjórnsýslulög með því að breyta leikreglum á miðri leið. Fyrirtækið er í góðri trú eftir 8 ára undirbúningsferli og m.a. keypt lóð af bæjarfélaginu fyrir stækkunina, þegar pólitíkusunum brestur kjarkur um leið og öfga umhverfissinnar fara að hafa hátt og kjósa þá að breyta öllu til að firra sjálfa sig af ábyrgð. Skaðabótakrafa Rannveigar og hennar fólks gæti hæglega hljóðað upp á mörg hundruð milljónir króna, auk þess að bærinn yrði að greiða lóðina til baka aftur, ca. 500 milljónir þar.   Nokkuð líklegt að Hafnarfjörður á eftir að fara illa út úr þessu fjárhagslega, hvort sem skaðabótaskylda sé til staðar eður ei.

Óskráður (Sandy), 2.4.2007 kl. 18:38

2

Sæl, Sandy sú staða gæti hæglega gerst að starfsmenn höfði mál á hendur Hafnarfjarðarbæ verði Alcan lokað, þar sem bærinn er sá aðilji sem er gerandi í málinu, starfsmenn eru um 450 meðallaun eru 520 þús á mánuði sem gerir 234. milljónir á mánuði í þá einhverja X mánuði sem væri þá biðlaun, þetta atriði verður skoðað,

Skaðabótakrafa Alcan ef af yrði gæti orðið nokkrir milljarðar með öllu sem þeir telja sig eiga rétt á.

Um þessi atriði vissu andstæðingar stækkunar að gæti komið upp að leiks lokum.

Kv,  Sigurjón Vigfússon

 

Rauða Ljónið, 2.4.2007 kl. 20:55

[Hlynur Hallsson, 2.4.2007 kl. 22:39]

Hvað er málið með þetta "Rauða ljón". Þetta nöldur á nú virkilega ekki heima hérna. Það er næstum að maður eyði þessu tuði. Af hverju þurfið þið að vera svona ömurlega tapsár og fara inn í færslu um heiðursmannin Grím Gíslason? Ekki í fyrsta skipti sem álverssinar ganga fram af manni í ósmekklegheitum.

[Sveinn V. Ólafsson (IP-tala skráð) 3.4.2007 kl. 00:12]

Alltaf var gaman að heyra frá Blönduósi, jafnvel þó ekkert væri sérstakt að gerast þar tókst Grím að láta höfuðborgarbúann hlusta af athygli og áður en ég vissi var bara ýmislegt í gangi á Blönduósi.
Svo hafði hann þetta hljómsterka Roger out sitt: "Þetta er Grímur Gíslason sem talar frá Blönduósi".

Skemmtilegur karl

kær kveðja
Sveinn

[Hlynur Hallsson, 3.4.2007 kl. 08:01]

Grímur var gæðamaður, skemmtilegur og fyndinn en einnig fylginn sér og duglegur. Bestu kveðjur,