Veggverkið að verða klárt, álið svínvirkar!

10 stiga hiti, sól og blíða hér á Akureyri í morgunsárið og vonandi ekki of hvasst í Glerárgötunni því ég ætla loksins að klára Veggverkið.Við ætluðum að klára þetta í gærkvöldi en þá var hávaðarok og ekkert hægt að gera. Hér er samt ein mynd sem Hallur tók í gær og seinna í dag verður vonandi komin endanleg mynd á þetta og allir geta skoðað á veggverk.org.

Athugasemdir

[Tryggvi H., 3.4.2007 kl. 08:48]

Eitthvað brjálæðislega crude við þetta, makeshift. -

[Atli Már Egilsson (IP-tala skráð) 3.4.2007 kl. 11:17]

Æi Hlynur minn, ég get mjög hreinskilningslega sagt að þetta "verk" þitt verður ekki betra með hverjum fermetranum sem bætist við það. Kannski móðir náttúra komi okkur til bjargar og láti Kára blása þessu af veggnum eins og svo mörgum öðrum þak-klæðningum. Hinsvegar sýnist mér þú hafa sett þetta á í litlum strimlum svo von mín um það er dauf.

Ég verð að viðurkenna að ég hef lítið séð af þínum verkum, en ég vona að þetta "verk" þitt sé ekki vísbending um öll hin. Ég myndi segja þér að halda þig hreinlega bara við stjórnmálin ef ég hefði ekki séð þig og flokksfélaga þína hvetja til mannréttindabrota núna fyrir skömmu. Eftir það held ég hreinlega að þú ættir bara að sleppa stjórnmálum og halda þig við þína list.

[Sigurður Þór Guðjónsson, 3.4.2007 kl. 11:21]

Mig langar til að gleðjast með Akureyringum yfir því að krignum miðnætti var hitinn á mönnuðu veðurstöðinni á staðnum 13.4 stig og nú kl. 10 var hann 11.7  á sjálfvirku stöðinni. Gleðilegt sumar! 

[Jórunn Sigurbergsdóttir , 3.4.2007 kl. 11:29]

Kvitt.

[Hlynur Hallsson, 3.4.2007 kl. 11:39]

Takk fyrir innlitið og útlitið Tryggvi, Sigurður, Atli og Jórunn. Hér er sól og sumar en hávaðarok. Atli, takk fyrir þín frómu orð en þú útskýrir kannski aðeins betur þetta með "mannréttindabrotin"? Svo er tilvalið að skoða fleiri verk eftir mig á heimsíðunni minni. Vona að það gleðji þína sál Atli :) Bestu kveðjur,

[Atli Már Egilsson (IP-tala skráð) 3.4.2007 kl. 12:32]

Sæll aftur Hlynur og takk fyrir kveðjuna ;)

 Sú hvatning til mannréttindabrota sem ég vísa til er þegar þú og þínir flokksfélagar hvöttuð til þess að ákveðnum hópi fólks yrði meinað að koma hingað til lands. Ef ekki meinað, þá allavegana gert erfitt fyrir. Einnig hrósaðu þú og þinn flokkur hálfgerðum sigri þegar sá hópur fólks hætti við að koma hingað til lands.

Ég veit ekki alveg hvort þú gerir þér grein fyrir alvarleika þess að meina ákveðnum hópi löghlýðinna þegna annars lands að koma til okkar lands. Vissulega tengdist þessi hópur atvinnugrein sem er bönnuð hér á landi, en hver erum við að dæma þau, þar sem sú atvinnugrein sem þetta fólk stundaði var lögleg í þeirra landi. Til samanburðar mætti færa þetta fram þannig að öllum þeim sem stunda eða tengjast hvalveiðum á Íslandi væri meinað að ferðast til annara landa.

Að hindra þetta fólk í að koma hingað til lands er klárlega hvatning til mannréttindabrota, sem þú, þinn flokkur sem og fleiri aðilar stóðuð fyrir. Ég get sagt þér það að ég hef verið hliðhollur VG í mörg ár, kosið þennan flokk síðan ég fékk kosningarétt og ætlaði mér nú fyrir kosningar að ganga í flokkinn. Eftir þessar (og aðrar) yfirlýsingar þínar og þinna flokksfélaga þá hræðist ég þann dag sem VG kemst til valda, flokkur sem virðist ekki virða mannréttindi.

[Hlynur Hallsson, 3.4.2007 kl. 13:41]

Sæll Atli, þú þarft ekki að hafa neinar áhyggjur. Og bara til að hafa það á hreinu þá voru það allir flokkar sem ályktuðu sana gegn klámráðstefnunni svo ég veit ekki af hverju þú tekur Vinstri græn útfyrir og hamast á okkur. Villi borgarstjóri stóð sig til dæmis vel í því að fordæma klámráðstefnuna fyrirhuguðu og hann er við völd! Þú getur sofið rólega því þegar Vinstri græn taka við stjórninni verða mannréttindi virt og það er kominn tími til að virða til dæmis mannréttindi fátækra, öryrkja og barna. Bestu kveðjur og sofðu rótt,

[Hlynur Hallsson, 3.4.2007 kl. 13:45]

Átti að vera "ályktuðu saman" en ekki "ályktuðu sana" hjá mér. Bestu kveðjur til allra sem ætla að kjósa VG og einnig hinna sem eru ekki viss :)

[Atli Már Egilsson (IP-tala skráð) 3.4.2007 kl. 18:20]

Sæll enn og aftur Hlynur. Já, vissulega voru flestir flokkar þarna á móti, þó svo að mig minni að Frjálslyndir hafi aldrei lýst yfir stuðningi við þetta, en það gæti þó verið.

Mér finnst þó réttlæting þín á þessari hvatningu til mannréttindabrota vera afar slöpp. "já, en allir strákarnir krotuðu á vegginn". Þetta er afar léleg leið til réttlætingar. Mér var sama þótt Sjálfstæðismenn létu svona, sem og Samfylkingin, þar sem ég hafði alveg búist við svona af þeim. Það kom mér ekkert á óvart. Það sem kom mér hinsvegar á óvart var hvernig þú og VG yfir höfuð létuð. Ég get vitnað í greinar hér á blogginu þínu því til staðfestingar.

Ítrekarð hafa stjórnmálaflokkar hér á landi komist upp með svona hegðun, t.d. þegar átti að meina löghlýðnum meðlimum Falun Gong að koma til landsins, þar sem meðlimir þess ágæta félagsskaps ætluðu að mótmæla komu og veru meints fjöldamorðingja hér á landi. Jújú, viti menn, hann mátti koma hingað óáreittur. Ég tek fram að ég er ekki að blanda VG í það mál, þar sem ég hreinlega man ekki afstöðu flokksins til þess máls.

Ég eiginlega veit ekki lengur hverju maður á að trúa. Þú segir "Þú getur sofið rólega því þegar Vinstri græn taka við stjórninni verða mannréttindi virt og það er kominn tími til að virða til dæmis mannréttindi fátækra, öryrkja og barna.". En segðu mér Hlynur minn, ef þið virtuð ekki mannréttindi varðandi þessa ágætu ráðstefnugesti hér fyrir skömmu, hvað segir mér að þið komið til með að virða mannréttindi eftir að þið komist til valda?