TAKK FYRIR ALLT ÁLIÐ

Nú er Veggverkið klárt og hægt að skoða nýjar myndir á veggverk.org. Ég gekk frá þessu um hádegið í gær rétt áður en við tókum vél til Eyja með stuttu stoppi í Borginni. Lóa Aðalheiður er 10 ára í dag og mikið fjör hjá ömmu og afa. En semsagt ég er afar ánægður með Vegginn og verkið þó að þetta hafi verið mun meiri vinna en ég átti vona á. Viðbrögðin hafa heldur ekki látið á sér standa! Ef einhver hefur áhuga á að skoða önnur og eldri verk þá er tilvalið að skoða heimasíðuna sem ég þarf reyndar að fara að uppfæra:)

Athugasemdir

[Vilhjálmur Örn Vilhjálmsson, 5.4.2007 kl. 11:59]

Það er stafsetningarvilla í þessu hjá þér. Heitir Aluminum upp á ensku. Nokkuð svalt samt.

Á myndunum sé ég að það er minni snjór á Akureyri en í fyrra á sama tíma, þegar ég var þar og hélt ég væri kominn á Norðurpólinn. Gróðurhúsaáhrifin virðast vera á fullu.

[Cactus Buffsack (IP-tala skráð) 5.4.2007 kl. 12:42]

Cactus trúir ekki opinberu stafsetningarkerfi. Cactus telur að verið sé að reyna halda illa skrifandi niðri í opinberri umræðu með því móti. Ert þú talsmaður þess að troða niður ílla skrifandi almúga-aliminum?

Cactus stendur með þér í ljótu veggjakroti kommúnistabróðir. Jafnvel þótt þú sjáir ekki sóma þinn í því að ganga með bindi.

[Sveinn Hjörtur , 5.4.2007 kl. 12:55]

Nei hættu nú alveg Hlynur. Égsit hér að ná mér eftir veikindaveillu, búinn að bíða spenntur eftir að sjá listaverkið þitt og svo kemur það! Veggjakrot á vegg og óður til álveranna. Égvil sjá eitthvað allt annað eftir mann sem búinn er að læra myndlist, en áróðurslegt veggjakrot!!

Ég var tilbúinn að kíkja á flott listaverk eftir þig en ekki veggjakrot. Þú ert nú meiri pjakkurinn. En...til hamingju með þetta!

[Ingólfur Ásgeir Jóhannesson, 6.4.2007 kl. 05:47]

Engin stafsetningarvilla nema madur se mjog amerikaniseradur, sja ordabeakeur, en lika t.d.

http://en.wikipedia.org/wiki/Aluminium#Present-day_spelling

[Hlynur Hallsson, 6.4.2007 kl. 12:49]

Takk fyrir þessa ábendingu Ingólfur. Ég leit í orðabók til öryggis áður en ég spreyjaði því ég var ekki viss um hvort "ál" væri stafsett eins á þýsku og ensku! Og þetta var "íslensk-ensk" orðabók ekki "íslensk-amerísk" en það hefði samt ef til vill verið meira viðeigandi að hafa þetta á amerísku! Bestu kveðjur,

[Ólafur Þórðarson, 6.4.2007 kl. 17:52]

Aluminum og aluminium er hvort tveggja gilt.

Svoldið fyndið verk verð ég að segja. Geri ráð fyrir að þetta sé álklæðning?

xx