Þrumuræða Ögmundar á Akureyri

Ögmundur Jónasson flutti þrumuræðu í dag í troðfullum Sjallanum á Akureyri. "Þetta er einhver sú besta ræða sem flutt hefur verið" sagði einn félagi minn þegar við gengum út í sólina eftir þennan frábæra fund. Mætingin í 1. maí gönguna á Akureyri hefur ekki verið svona góð í mörg ár og það var kominn tími til. Niðurlagið í ræðu Ögmundar var: "Ég á að gæta bróður miíns og ég á að gæta systur minnar. Það eru skilaboðin 1. maí. Þann dag minnir verkalýðshreyfingin á mátt samkenndar og samstöðu.
Og þegar við segjum að það eigi að verja trúnaðarmann stéttarfélags vestur á Snæfellsnesi sem sagt var upp störfum - þá gerum við það ekki bara fyrir viðkomandi einstakling – konu sem var rekin vegna skoðana sinna - heldur gerðum við það fyrir alla trúnaðarmenn og alla hina sem ekki eru túnaðarmenn og njóta góðs af starfi þeirra sem standa í baráttu fyrir réttlæti og mannréttindum.
Og þegar við verjum erlendu verkamennina við Kárahnjúka þá gerum við það fyrir alla verkamenn – svo allir menn geti gengið uppréttir og hnarreistir.
Allir menn.
Nær og fjær.
Á þetta viljum við minna á baráttudegi verkalýðsins, hinn fyrsta maí.
Sterk verkalýðshreyfing er frjáls verkalýðshreyfing.
Og frjáls verkalýðshreyfing eru frjálsir menn.
Til hamingju með daginn."

Almannahagsmunir ráði för

Athugasemdir

[Hlynur Hallsson, 1.5.2007 kl. 16:50]

Nei, nú er tækifæri til að breyta. Við getum kosið um réttlæti og hafnað ójöfnuði þann 12. maí, með því að kjósa Vinstri græn. Bestu kveðjur,

[Herbert Guðmundsson, 1.5.2007 kl. 17:46]

Ég spyr nú bara: Er eitthvað eftir af Ögmundi eftir þessa þrumu? Sástu hann á eftir?

[Þorsteinn Ingimarsson (IP-tala skráð) 1.5.2007 kl. 17:51]

Sæll Hlynur , ég kýs að vísu hinn vinstri flokkinn, en er að vona að menn beri gæfu til þess að vinna saman eftir kosningar , því nóg er að gera við að taka til.

S + V

kv. 

[halkatla, 1.5.2007 kl. 18:17]

ummmm Ögmundur er æði

[Kristín M. Jóhannsdóttir, 1.5.2007 kl. 22:04]

Ögmundur er magnaður ræðumaður. 

[Bjarni Kjartansson, 2.5.2007 kl. 10:13]

Gallin við Ögmund er, að hann þekkir ekki þær leiðir sem færar eru til hagsbóta fyrir launþega.

Hann langar en kann ekki.

Svo mu um afar marga ,,vindtri menn" .  Hann festist of illa í aukaatriðunum en sleppir aðalatriðunum.

Eina færa leiðin er leið gamla Sjálfstæðisflokksins.

Hún er þjóðholl og affarasæl ÖLUM landsmönnum

Íslandi allt!!

Miðbæjaríhaldið