Akureyringar taka af skarið

Það er frábært að nú eigi að hefja strandsiglingar að nýju. Forsvarsmenn fyrirtækisins Dregg á Akureyri eiga heiður skilinn fyrir að taka af skarið. Það er ánægjulegt að einnig verða teknir upp beinir sjóflutningar frá landsbyggðinni til meginlands Evrópu. Þetta er einnig mun umhverfisvænni flutningar en að flytja allt á vörubílum til Reykjavíkur fyrst. Þetta eru aðrar góðu fréttirnar með stuttu millibili af flutningum frá Akureyri beint til Evrópu því Norðurflug er að hefja beint fraktflug frá Akureyri í byrjun júní. Ég vona að þessi starfsemi eigi eftir að blómstra. Því þó að maður sé stoltur af höfuðborginni þá er hún ekki nafli alheimsins og óþarfi að öll samskipti okkar fari þar í gegn. Við þurfum fleiri frumkvöðla eins og Ara Axel Jónsson eiganda fyrirtækisins Dregg.

Strandsiglingar hefjast aftur

Athugasemdir

[Jórunn Sigurbergsdóttir , 26.5.2007 kl. 20:15]

Þetta er áhugavert.